៦ ខែ ឆ្នាំ២០២៣ កម្ពុជា​ទទួល​បាន​ភ្ញៀវ​ទេសចរ​បរទេស​​ ២.៥៧ លាននាក់

របាយការណ៍​​ក្រសួង​ទេសចរណ៍​បង្ហាញ​ថា នៅ​ក្នុងឆមាសទី ១ ឆ្នាំ ២០២៣ ចាប់ពីខែមករាដល់ឆ្នាំមិថុនា កម្ពុជា​ទទួលបាន​​​ភ្ញៀវទេសចរអន្តរជាតិប្រមាណ ២.៥៧ លាននាក់ ក្នុងចំណោមភ្ញៀងទេសចរសរុបចំនួន ​១១.១ លាននាក់។

ទេសចរអន្តរជាតិចូលមកទស្សនាកម្ពុជាមានប្រមាណ ២.៥៧ លាននាក់ កើនឡើង ៤០៩% ធៀបរយៈពេលដូចគ្នាឆ្នាំ​២០២២។ ក្នុងនោះផ្លូវអាកាសមានចំនួន ៩១ ម៉ឺននាក់ កើនឡើង ២៧៩% ផ្លូវគោកមានចំនួន ១.៦៣ លាននាក់ កើនឡើង ៥២៦% និងផ្លូវទឹកមានចំនួន ៣ ម៉ឺននាក់ កើនឡើង ៥៨៦%។

ចំពោះប្រភពទីផ្សារសំខាន់ៗមាន៖ ថៃ វៀតណាម ចិន ឡាវ សហរដ្ឋអាមេរិក កូរ៉េខាងត្បូង ឥណ្ឌូណេស៊ី បារាំង ចក្រភពអង់គ្លេស ម៉ាឡេស៊ី និងអូស្រ្ដាលី។

ដោយឡែកជើងហោះហើរអន្តរជាតិចូលសរុប ១០,៦៣៥ ជើង ក្នុង​នោះ​អាកាសយានដ្ឋានអន្តរជាតិភ្នំពេញមាន ៧,៩៥៣ ជើង អាកាសយានដ្ឋានអន្តរជាតិសៀមរាបមាន ២,៤២៧ ជើង និង​អាកាសយានដ្ឋានអន្តរជាតិព្រះសីហនុ ២៥៥ជើង។

យោងតាមការព្យាករណ៍ចុងក្រោយនៅឆ្នាំ២០២៣ កម្ពុជាអាចទទួលបានទេសចរអន្តរជាតិប្រមាណ ៥ លាននាក់ កើនឡើង ១២០% ធៀបនឹងឆ្នាំ២០២២៕