សមាជិកបក្សប្រជាជនកម្ពុជា​ជាង ១ ម៉ឺន​​នាក់​ ចូលរួមបិទបញ្ចប់​ឃោសនា​នៅខេត្តកំពត

នៅព្រឹកថ្ងៃទី ២១ ខែកក្កដា​ ឆ្នាំ២០២៣ លោកបណ្ឌិត ប៉ែន សុីម៉ន ប្រធានក្រុមការងារគណបក្សចុះមូលដ្ឋានខេត្ត​គំពត និងលោក ម៉ៅ ធនិន ប្រធានគណៈបក្សខេត្តកំពតបានដឹកនាំសមាជិតសមាជិការប្រមាណជាង ១៥,០០០ ​នាក់ របស់​​គណបក្សប្រជាជនកម្ពុជាខេត្តកំពតរៀបចំពិធីដង្ហែក្បួនបិទយុទ្ធនាការឃោសនាបោះឆ្នោត ជ្រើសតាំងតំណាងរាស្រ្ត នីតិកាលទី៧ ថ្ងៃទី២៣ ខែកក្កដាឆ្នាំ២០២៣ ខាងមុខ។

ពិធីជួបជុំ​បានរៀបចំធ្វើឡើងនៅរង្វងមូលទុរ៉េនក្រុងកំពត។ បន្ទាប់ពីកម្មវិធីបិទ​ សមាជិក-សមាជិកាតាមបណ្តាឃុំបានដង្ហែរ​ក្បួនយុទ្ធនាការឃោសនាបោះឆ្នោតទៅតាមមូលដ្ឋានរៀងៗខ្លួន។

សម្រាប់យុទ្ធនាការឃោសនាបោះឆ្នោតជ្រើសរើសតំណាងរាស្រ្តអាណត្តិទី ៧ រយៈពេល ២១ ថ្ងៃ ដែលបានចាប់ផ្តើមតាំង​​ពីថ្ងៃទី ១ ខែកក្កដា ឆ្នាំ២០២៣ រហូតដល់ថ្ងៃទី ២១ ខែកក្កដា ឆ្នាំ២០២៣ ត្រូវនិងថ្ងៃបិទបញ្ចប់ ដោយជាទូទៅក្នុងយុទ្ធនាការ នៅក្នុងរយៈពេលជាង ២០ ថ្ងៃកន្លងទៅនេះ បានប្រព្រឹត្តិទៅក្រោមបរិយាកាសបានល្អប្រសើរដោយ គ្មានអំពើហិង្សាណាមួយបានកើតឡើងនោះឡើយ៕

អត្ថបទ៖ សឹង រ៉ាត់