អគ្គិភ័យឆេះផ្ទះប្រជាពលរដ្ឋនៅសង្កាត់ទួលស្វាយព្រៃទី១ អស់ទ្រព្យសម្បត្តិមួយចំនួនធំ

រាជធានីភ្នំពេញ៖ អគ្គីភ័យបានឆាបឆេះផ្ទះប្រជាពលរដ្ឋមួយល្វែងបណ្តាលឱ្យរងការខូចខាតសម្ភារខាងក្នុងមួយចំនួនធំ  មានដូចជា រថយន្តមួយគ្រឿង  ម៉ូតូ២គ្រឿង និងបង្កឱ្យរងបួសមនុស្សម្នាក់។

ហេតុការណ៍នេះបានកើតឡើងកាលពីវេលាម៉ោង  ០១:២៥នាទី  ថ្ងៃទី ២២ខែ កក្កដា ឆ្នាំ២០២៣ នៅចំណុចផ្ទះលេខ ១២E0 ផ្លូវលេខ ៣១៨ក្រុម ១៩ភូមិ០៣ សង្កាត់ទួលស្វាយព្រៃទី១ ខណ្ឌបឹងកេងកងរាជធានីភំ្នពេញ។

ម្ចាស់ផ្ទះឈ្មោះ  អៀន សុខម  ភេទ ស្រី អាយុ ៥៨ឆ្នាំ ជនជាតិខែ្មរ មុខរបរ អ្នកកាត់ដេរសំលៀកបំពាក់ ។ផ្ទះដែលត្រូវអគ្គិភ័យឆាបឆេះប្រភេទសំណង់:  ថ្មបេតុង ទំហំ៥x ១៦ម៉ែត្រ ។

តាមសេចក្តីរាយការណ៍ បានឱ្យដឹងថា អគ្គិភ័យនេះ បង្កខូចខាតសម្ភារៈជាន់ផ្ទាល់ដីអស់មួយ ចំនួន និងឆេះរាលដល់ផ្ទះអ្នកក្បែរខូចខាតសម្ភារៈប្រហែល១០% ។

ក្រោយពីទទួលបានព័ត៌មានភ្លាមកម្លាំងការិយសល័យបង្ការ និងពន្លត់គ្រោះអគ្គិភ័យបានចេញរថយន្តទៅអន្តាគមន៍ចំនួន​១៣គ្រឿង ប្រើប្រាស់ទឹកអស់ចំនួន ១៣ឡាន ស្មើរនឹង ៥២ម៉ែត្រគូប ។ ក្នុងនោះ មានរថយន្ត  ក្រុមហ៊ុនស្រាបៀរកម្ពុជា ចំនួន០១គ្រឿង ប្រើប្រាស់ទឹកអស់ ០១ឡាន សើ្មរនឹង ០៦ម៉ែត្រគូបផងដែរ។

អគ្គិភ័យនេះ ត្រូវបានពន្លត់  នៅម៉ោង ២:២៥នាទី រំលងអធ្រាត្រ នាថ្ងៃដដែល  ចំពោះមូលហេតុកម្លាំងជំនាញ​កំពុងស្រាវជ្រាវ៕

ដោយ៖សុខា