ព័ត៌មានជាតិ

អង្គការពាណិជ្ជកម្មក្រៅស្រុកជប៉ុន និងទីភ្នាក់ងាររុករកអវកាសជប៉ុន ប្ដេជ្ញានាំយក កម្ពុជា ឆ្ពោះទៅកាន់បច្ចេកវិទ្យា និងនវានុវត្តន៍ចុងក្រោយបង្អស់

បានផុស

២ years មុន

នៅ

ថ្ងៃសៅរ៍ ១២ សីហា ២០២៣

ដោយ

អង្គការពាណិជ្ជកម្មក្រៅស្រុកជប៉ុន (JETRO) និងទីភ្នាក់ងាររុករកអវកាសជប៉ុន (JAXA) កាលពីថ្ងៃទី ១១ ខែសីហា ឆ្នាំ ២០២៣ បានសហការគ្នារៀបចំសន្និសីទស្ដីពីការសហការបង្កើតបណ្ដាញទំនាក់ទំនង កម្ពុជា-ជប៉ុន ក្នុងការធ្វើឲ្យប្រសើរឡើងក្នុងវិស័យកសិកម្ម, ការតាមដានការភាយឧស្ម័ន, និង នវានុវត្តន៍ ដោយប្រើប្រាស់បច្ចេកវិទ្យាទំនើបចុងក្រោយរបស់លំហអាកាស និងផ្កាយរណប នៅសណ្ឋាគារ Hyatt Regency Phnom Penh ដែលជាការប្ដេជ្ញានាំយកកម្ពុជាឆ្ពោះទៅកាន់បច្ចេកវិទ្យា និងនវានុវត្តន៍ចុងក្រោយបង្អស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សន្និសីទនេះបានធ្វើឡើងដោយមានការចូលរួមពីលោកស្រី Marisa Haruta ប្រធានតំណាង JETRO ភ្នំពេញ ឧកញ៉ា សុខ ពិសិដ្ឋ អនុប្រធានសភាពាណិជ្ជកម្មកម្ពុជា លោក UENO Atsushi ឯកអគ្គរាជទូតជប៉ុនប្រចាំកម្ពុជា និងលោក កាន ច័ន្ទមេត្តា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងតំណាងក្រសួងស្ថាប័នពាក់ព័ន្ធអង្គការនានា និងក្រុមហ៊ុនជាច្រើនទៀត។

ដើម្បីធ្វើឲ្យខួបលើកទី ៧០ ឆ្នាំ នៃមិត្តភាពរវាងកម្ពុជា-ជប៉ុន ក៏ដូចជាខួបលើកទី ៥០ ឆ្នាំ នៃមិត្តភាពរវាងអាស៊ាន- ជប៉ុន កាន់តែឱឡារិក និងដើម្បីជាការរឹតបន្តឹងមិត្តភាពយូរអង្វែងនឹងគ្នាបន្តទៀត អង្គការពាណិជ្ជកម្មស្រុកជប៉ុន (JETRO) និងទីភ្នាក់ងាររុករកអវកាសជប៉ុន (JAXA) បានផ្ដួចផ្ដើមគំនិតក្នុងការណែនាំក្រុមហ៊ុនបច្ចេកវិទ្យាចំនួន ៨ ដែលមានសមត្ថភាព និងមុខងារធ្វើឲ្យប្រសើរឡើងនូវវិស័យកសិកម្ម ការរកឃើញ និងតាមដានការរំភាយឧស្ម័ន ការកាត់បន្ថយការរំភាយឧស្ម័ន និងការអភិរក្សព្រៃឈើ មកធ្វើការចែករំលែក និងណែនាំអំពីសេវាកម្ម និងកម្មវិធីរបស់ពួកគេសម្រាប់ទៅរកភាពបៃតង ដោយប្រើបច្ចេកវិទ្យា ចុងក្រោយបំផុត ទៅដល់រដ្ឋាភិបាលកម្ពុជា អង្គការនានា និងតំណាងក្រុមហ៊ុនឯកជននៅកម្ពុជានៅក្នុងសន្និសីទនៅសណ្ឋាគារ Hyatt Regency Phnom Penhនាពេលនេះ។

ជាមួយគ្នានេះដែរ កម្មវិធីនឹងផ្តល់ឲ្យអ្នកចូលរួម ឬ ភាពជាដៃគូ និងឱកាសក្នុងការបង្កើតបណ្ដាញរវាងក្រុមហ៊ុនកម្ពុជា-ជប៉ុន ដែលស្ថិតនៅក្នុងវិស័យមួយចំនួនរួមមាន សាជីវកម្ម កសិកម្ម បៃតង បច្ចេកវិទ្យា សហករណ៍ កសិកម្ម ធនាគារ និងមីក្រូហិរញ្ញវត្ថុ ធានារ៉ាប់រងកសិកម្ម កម្មន្តសាលជាដើម។

តំណាងក្រុមហ៊ុនបច្ចេកវិទ្យាជប៉ុនទាំង ៨ ដែលក្នុងនោះរួមមាន AGRIBUDDY LIMITED, ASUZETO SINGAPORE PTE LTD/ASUENE INC (JAPAN), GREEN CARBON INC, NIPPON KOEI CO., LTD, SAGRI CO., LTD, SYNSPECTIVE INC, TENCHIIN INC, and YANMAR AGRIBUSINESS CO., LTD.។

ដើម្បីជាការអបអរនាឱកាស នៃការលើកស្ទួយចំណងមិត្តភាពទាំងសងខាងកម្ពុជា-ជប៉ុន នេះ រដ្ឋាភិបាលជប៉ុន បាននិងកំពុងជំរុញឲ្យមានទស្សនវិស័យ នៃការសហការបង្កើតសេដ្ឋកិច្ចរួមគ្នា (ASEAN {paus/Camboda-japan Economic Co Creation Vision) ក្នុងគោលបំណងដើម្បីរឹតចំណងមិត្តភាព ៥០ ឆ្នាំ និង ៧០ ឆ្នាំ បន្តទៅមុខទៀត ជាមួយប្រទេសជាដៃគូ។ យើងបន្តស្វែងរកឱកាសផ្សេងៗ បន្ថែមទៀត ដែល កម្ពុជា- ជប៉ុន អាចសហការបង្កើតរួមគ្នា (Co-Creation) ជាពិសេសនៅក្នុងវិស័យបច្ចេកវិទ្យាថ្មីៗ ដូចដែលយើងត្រង និងចែករំលែកក្នុងសន្និសីទខាងមុខនេះ៕

អត្ថបទ ៖ សំអឿន

Related Topics:កម្ពុជា-ជប៉ុន