Connect with us

ព័ត៌មានជាតិ

ក្រសួងមហាផ្ទៃ បកស្រាយជុំវិញការកាន់តំណែងរបស់លោក ស សុខា ហើយទាត់ចោលការផ្សាយរបស់វិទ្យុអាស៊ីសេរី

បានផុស

នៅ

អ្នកនាំពាក្យក្រសួងមហាផ្ទៃ ចេញសេចក្ដីបកស្រាយជុំវិញការឡើងកាន់តំណែងរបស់លោក ស សុខា និងការតែងតាំងលោក ស រដ្ឋា ជាអគ្គស្នងការរងនគរបាលជាតិ ខណៈក្រសួង ក៏បានប្រកាសច្រានចោលការផ្សាយរបស់វិទ្យុអាស៊ីសេរី ដែលបានរិះគន់មកលើការតែងតាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសច្រានចោលដោយក្រសួងមហាផ្ទៃនាពេលនេះ គឺបន្ទាប់ពីមានការផ្សាយព័ត៌មានតាមគេហទំព័ររបស់វិទ្យុអាស៊ីសេរីជាភាសាខ្មែរ កាលពីថ្ងៃទី២៥ ខែសីហា ឆ្នាំ២០២៣ ក្រោមចំណងជើងថា «អ្នកឃ្លាំមើលរិះគន់ការតែងតាំងកូនចៅ និងសាច់ញាតិលោក ស ខេង ស្អេកស្កះក្នុងក្រសួងមហាផ្ទៃ»។

ប្រតិកម្មតបនឹងការផ្សាយរបស់វិទ្យុអាស៊ីសេរីនេះ អ្នកនាំពាក្យក្រសួងមហាផ្ទៃ បានប្រកាសបដិសេធ និងច្រានចោលជាដាច់ខាតនូវការផ្សាយព័ត៌មាន ដែលមិនបានស្វែងយល់ពីគោលការណ៍នៃការតែងតាំងមន្ត្រី។ អ្នកនាំពាក្យក្រសួងមហាផ្ទៃ បានចាត់ទុកករណីផ្សាយថា សម្តេចក្រឡាហោម ស ខេង ផ្ទេរអំណាចឱ្យកូនប្រុស គឺលោក ស សុខា ជាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មកកាន់តំណែងជំនួសសម្តេច គឺជាការផ្សាយដែលមិនយល់ពីរដ្ឋធម្មនុញ្ញ ច្បាប់ និងគោលការណ៍របស់គណបក្សនយោបាយនានា ជុំវិញការរៀបចំ និងតែងតាំងសមាសភាពរាជរដ្ឋាភិបាល។

ក្នុងន័យនេះ អ្នកនាំពាក្យ លើកឡើងថា តំណែងដែលលោក ស សុខា ទទួលបានជាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នាពេលនេះ គឺជាការផ្គូរផ្គងរបស់ឯកឧត្តមបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា ហើយទទួលបានការផ្តល់សេចក្តីទុកចិត្តដោយរដ្ឋសភា ដែលកើតចេញពីការបោះឆ្នោតរបស់ប្រជាពលរដ្ឋ ពិសេស មានការតែងតាំងដោយព្រះរាជក្រឹត្យរបស់ព្រះមហាក្សត្រនៃកម្ពុជា។

ចំពោះការផ្សាយថា សម្ដេចក្រឡាហោម ស ខេង តែងតាំងលោក ស រដ្ឋា ដែលជាកូនប្រុសពៅឱ្យកាន់ជាអគ្គស្នងការរងនគរបាលជាតិនោះ គឺកាន់តែខុសធ្ងន់ទៅទៀត។ អ្នកនាំពាក្យក្រសួងមហាផ្ទៃ បកស្រាយថា សម្តេច ស ខេង មិនមានសិទ្ធិអំណាចក្នុងការតែងតាំងមន្ត្រីរាជការក្នុងក្រសួងមហាផ្ទៃ តទៅទៀតឡើយ ដោយសាររាជរដ្ឋាភិបាលចាស់ត្រូវបានរំសាយ ក្រោយរាជរដ្ឋាភិបាលថ្មីចូលកាន់តំណែង។

បើតាមអ្នកនាំពាក្យក្រសួងមហាផ្ទៃ លោក ស រដ្ឋា បានចូលបម្រើការងារជានគរបាលជាតិក្នុងក្របខ័ណ្ឌក្រសួងមហាផ្ទៃ រយៈពេល១៨ឆ្នាំមកហើយ បន្ទាប់ពីរៀនចប់បរិញ្ញាបត្រ។ ក្នុងនោះ លោក ស រដ្ឋា បានឆ្លងកាត់ការរៀនជំនាញនគរបាលនៅប្រទេសអូស្ត្រាលី រយៈពេល១ឆ្នាំ រួចមកបន្តរៀនជំនាញប្រឆាំងភេរវកម្ម ១ឆ្នាំទៀត នៅសហព័ន្ធអាល្លឺម៉ង់ និងបានឆ្លងកាត់ការបណ្តុះបណ្ដាលនៅសាលាភូមិន្ទរដ្ឋបាល ផងដែរ។

ផ្អែកតាមចំណេះដឹង បទពិសោធន៍ និងអតីតភាពការងារទាំងនេះ ទើបលោក ស រដ្ឋា ត្រូវបានទទួលការតែងតាំងជាអគ្គនាយករងនៃអគ្គនាយកដ្ឋានអន្តោប្រវេសន៍ ដោយបានបំពេញការងារបានយ៉ាងល្អប្រសើរប្រកបដោយប្រសិទ្ធផល ជាអាទិ៍ ករណីចុះបង្ក្រាបបទល្មើសយ៉ាងក្ដៅគគុកក្នុងខេត្តព្រះសីហនុ កន្លងទៅថ្មីៗនេះជាដើម។ ដូច្នេះ តំណែងជាអគ្គស្នងការរងនគរបាលជាតិរបស់លោក ស រដ្ឋា នាពេលនេះ គ្រាន់តែផ្ទេរពីអង្គភាពមួយទៅអង្គភាពមួយផ្សេងទៀត តែក្រោមចំណុះក្រសួងមហាផ្ទៃដដែលប៉ុណ្ណោះ។

ការផ្សាយបែបនេះ ត្រូវបានអ្នកនាំពាក្យក្រសួងមហាផ្ទៃ ចាត់ទុកជាការផ្សាយដែលមិនស្វែងយល់ពីគោលការណ៍នៃការតែងតាំងមន្ត្រីរាជការ និងមានចេតនាមួលបង្កាច់ធ្វើឱ្យមានការភ័ន្តច្រឡំពីភាពស្អាតស្អំរបស់សម្ដេច ស ខេង។ ផ្ទុយមកវិញ សម្ដេច ស ខេង មិនមែនជាបុគ្គលសួនតួនិយម គិតតែអំពីគ្រួសារនិយម ផលប្រយោជន៍ឯកជន ដូចការផ្សាយនោះឡើយ។ សម្ដេច ស ខេង តែងតែតម្កល់សុខទុក្ខប្រជាពលរដ្ឋ ផលប្រយោជន៍មហាជន ផលប្រយោជន៍សាធារណៈ និងផលប្រយោជន៍ប្រទេសជាតិ ជាធំ ។

អ្នកនាំពាក្យក្រសួងមហាផ្ទៃ បានសង្កត់ធ្ងន់ថា វិទ្យុអាស៊ីសេរី លែងជាវិទ្យុវិជ្ជាជីវៈក្នុងរបបសារព័ត៌មានទៀតហើយ គឺក្លាយជាវិទ្យុបម្រើឱ្យមនោគមន៍វិជ្ជាបរទេស និងពួកឧទ្ទាមដែលនិរទេសខ្លួនតែប៉ុណ្ណោះ។ ជាថ្មីម្ដងទៀត អ្នកនាំពាក្យក្រសួងមហាផ្ទៃ ចាត់ទុកការផ្សាយរបស់វិទ្យុអាស៊ីសេរីលើករណីនេះ ជាការផ្សាយគ្មានវិជ្ជាជីវៈ និងមានចរិតនយោបាយ ក្នុងគោលបំណងទុច្ចរិតធ្វើឱ្យប្រជាពលរដ្ឋមានការភាន់ច្រឡំ ប៉ះពាល់ដល់កិត្តិយស និងសេចក្ដីថ្លៃថ្នូររបស់សម្ដេចក្រឡាហោម ស ខេង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ ម៉ោង មុន

មន្ត្រីជាន់ខ្ពស់ការងារ ៖ ការអនុវត្តរបបសន្តិសុខសង្គមផ្នែកថែទាំសុខភាព​ដោយស្ម័គ្រចិត្ត ជួយរក្សាលំនឹងប្រាក់ចំណូលក្នុងគ្រួសារកាន់តែប្រសើរ

ព័ត៌មានអន្ដរជាតិ១៥ ម៉ោង មុន

រៀបការរួចមិនប៉ុន្មានថ្ងៃ បុរស​ ឥណ្ឌូណេស៊ី​ ម្នាក់ទើបដឹងថា ប្រពន្ធ​គឺជាប្រុសតែងកាយស្រី

ព័ត៌មានជាតិ១៥ ម៉ោង មុន

លោក នេត្រ ភក្ត្រា ៖ ស្នាមញញឹមកុមារជាស្នាមញញឹមមាតាបិតា និងថ្នាក់ដឹកនាំគ្រប់លំដាប់ថ្នាក់

ព័ត៌មានជាតិ១៥ ម៉ោង មុន

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជំរុញទឹកចិត្តប្រជាពលរដ្ឋទាំងអស់ ឱ្យចូលរួមចលនា ខ្មែរជួយខ្មែរ និងខ្មែរគាំទ្រកសិផលខ្មែរ

ព័ត៌មានអន្ដរជាតិ១៦ ម៉ោង មុន

Pre-Wedding លើកទី២លើនាវាប្រណិតរបស់កូនសេដ្ឋី ឥណ្ឌា អាចចាយប្រាក់សុទ្ធ ១៤៤ លានដុល្លារ

Sokha Hotels

ព័ត៌មានពេញនិយម