ព័ត៌មានជាតិ

រីសតមួយកន្លែងប្រទះឃើញគ្រាប់មីនជាច្រើនគ្រាប់ ក្រោយរាយការណ៍ទៅអាជ្ញាធរ

បានផុស

៣ years មុន

នៅ

ថ្ងៃពុធ ៣០ សីហា ២០២៣

ដោយ

រីសតមួយកន្លែងដែលស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ បានឃើញមីននិងសំណល់ជាតិផ្ទុះពីសង្គ្រាម ជាច្រើនគ្រាប់ ក្រោយម្ចាស់អាជីវកម្មនេះសង្ស័យតំបន់ដែលខ្លួនគ្រោងវិនិយោគមានមីនហើយបានទាក់ទងមកកាន់អាជ្ញាធរមីនចុះត្រួតពិនិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ធុជ អនុប្រធានទី១ អាជ្ញាធរមីន បានបង្ហោះនៅលើបណ្ដាញសង្គមកាលពីព្រឹកថ្ងៃទី៣០ ខែសីហា នេះថា ថ្មីៗនេះម្ចាស់រីសតមួយកន្លែងនៅស្រុកវាលវែងខេត្តពោធិ៍សាត់សង្ស័យថានៅក្នុងតំបន់រីសតរបស់គាត់ កំពុងរងការគំរាមកំហែងដោយសារគ្រាប់មីន និងសំណល់ជាតិផ្ទុះពីសង្គ្រាម។ ក្រោយស្នើសុំឲ្យអង្គភាព CMAC ធ្វើការចុះពិនិត្យមើល ក៏ប្រទះឃើញគ្រាប់មីននិងយុទ្ធភណ្ឌមិនទាន់ផ្ទុះជាច្រើនគ្រាប់។

ក្នុងនាមជាមន្រ្តីទទួលបន្ទុកអាជ្ញាធរមីន លោក លី ធុជ «អំពាវនាវឲ្យម្ចាស់អាជីវកម្ម ឬវិស័យឯកជនទាំងអស់ដែលមានផែនការវិនិយោគនៅលើតំបន់គិតថាសង្ស័យមានមីន និងយុទ្ធភណ្ឌមិនទាន់ផ្ទុះដទៃទៀត ត្រូវធ្វើការទំនាក់ទំនងមកអាជ្ញាធរមីន ឬប្រតិបត្តិករដោះមីនណា ដែលទទួលបានអាជ្ញាប័ណ្ណបោសសម្អាតពីអាជ្ញាធរមីន ដើម្បីរំដោះផ្ទៃដីទាំងនោះឲ្យមានសុវត្ថិភាព។ បោសសម្អាតជាមុន មុននឹងចាប់ផ្ដើមគម្រោង វិនិយោគរបស់ខ្លួន»៕