ព័ត៌មានជាតិ
៨ ខែ ឆ្នាំនេះ ខ្យល់កន្ត្រាក់ប៉ះពាល់ផ្ទះជាង ១ ម៉ឺន ៤ ពាន់ខ្នង ស្លាប់-របួសមនុស្សជាង ១៦០ នាក់
រយៈពេល ៨ ខែ ឆ្នាំ ២០២៣ នេះ ខ្យល់កន្ត្រាក់បានកើតឡើងជាង ២០០ លើក បណ្ដាលឲ្យប៉ះពាល់ដល់ផ្ទះប្រជាពលរដ្ឋជាង ១ ម៉ឺន ៤ ពាន់ខ្នង និង ស្លាប់-របួសមនុស្សជាង ១៦០ នាក់។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី ០១ កញ្ញានេះថា ខ្យល់កន្ត្រាក់ក្នុងរយៈពេល ៨ ខែ ឆ្នាំនេះ បានកើតឡើងចំនួន ២៥០ លើក នៅទូទាំងប្រទេស បណ្ដាលឲ្យរលំផ្ទះ ១៩៣០ ខ្នង របើកដំបូល ១២៥០១ ខ្នង តូបផ្សារ ៧៧ តូប សាលារៀន ៨៨ ខ្នង អគាររដ្ឋបាល ៣៨ កន្លែង ស្លាប់មនុស្ស ៩ នាក់ និងរបួស ១៥៧ នាក់។
លោកបានបន្តថា ក្នុងចំណោមអ្នកស្លាប់ ៩ នាក់ ដោយសារខ្យល់កន្ត្រាក់រួមមាន ៖ ខេត្តស្ទឹងត្រែង ១ នាក់, ខេត្តក្រចេះ ១ នាក់, ខេត្តកំពង់ចាម ១ នាក់, ខេត្តកំពង់ឆ្នាំង ២ នាក់, ខេត្តសៀមរាប ២ នាក់, កោះកុង ១ នាក់, និងខេត្តកំពត ១ នាក់។
លោកបានបន្តទៀតថា ចំណែកខេត្តដែលរងគ្រោះច្រើនជាងគេរួមមាន ៖ ខេត្តបាត់ដំបង ប៉ះពាល់ផ្ទះជាង ១៦០០ ខ្នង, ខេត្តឧត្តរមានជ័យជាង ១៣០០ ខ្នង, ខេត្តបន្ទាយមានជ័យជិត ១២០០ ខ្នង, ខេត្តកំពតជិត ១២០០ ខ្នង, និងខេត្តកំពង់ស្ពឺជិត ៩០០ ខ្នង។
យោងតាមក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី ០១ ដល់ថ្ងៃទី ០៤ ខែកញ្ញា ឆ្នាំ ២០២៣ នៅតំបន់មាត់សមុទ្រនឹងអាចមានភ្លៀងធ្លាក់ជាប់ជាបន្តបន្ទាប់ ពីបង្គួរទៅច្រើន លាយឡំ ផ្គរ រន្ទះ និងខ្យល់កន្ត្រាក់។ នៅលើផ្ទៃសមុទ្រមានភ្លៀងខ្យល់បក់បោក និងរលកសមុទ្រខ្ពស់ៗ។
ក្រសួង អំពាវនាវដល់ប្រជាពលរដ្ឋ សូមប្រុងប្រយ័ត្នចំពោះគ្រោះថ្នាក់នានា ដែលអាចកើតមានជាយថាហេតុ៕
អត្ថបទ ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល