ព័ត៌មានជាតិ

លោក ស សុខា ស្នើពិនិត្យ-សិក្សាលើឯកសណ្ឋានមន្ត្រីចរាចរណ៍ជាប់កិច្ចសន្យា មិនត្រូវដូចនគរបាលចរាចរណ៍ឡើយ

បានផុស

៣ years មុន

នៅ

ថ្ងៃចន្ទ ៤ កញ្ញា ២០២៣

ដោយ

លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្មីៗនេះ បានស្នើសាលារាជធានីភ្នំពេញ ពិនិត្យ និងសិក្សាលើឯកសណ្ឋានរបស់មន្ត្រីចរាចរណ៍ជាប់កិច្ចសន្យា មិនត្រូវឲ្យដូចនគរបាលចរាចរណ៍នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសារសំឡេង លោក ស សុខា បានបញ្ជាក់ថា កន្លងមកមន្ត្រីចរាចរណ៍ជាប់កិច្ចសន្យា បានអនុវត្តតួនាទីលើសពីភារកិច្ចខ្លួន។ ក្នុងនោះ ភារកិច្ចមន្ត្រីចរាចរណ៍ជាប់កិច្ចសន្យា ពុំមានសិទ្ធិឃាត់យានយន្ត ដើម្បីផាកពិន័យឡើយ។ លោកថា ផ្ទុយទៅវិញ មន្ត្រីចរាចរណ៍ជាប់កិច្ចសន្យា គ្រាន់តែមានសិទ្ធិជួយសម្រួលដល់ចរាចរណ៍នៅតាមដងផ្លូវតែប៉ុណ្ណោះ។

លោក ស សុខា រដ្ឋមន្ត្រីក្រសួងមហាផ្ទៃ មើលឃើញថា មានមន្ត្រីចរាចរណ៍ជាប់កិច្ចសន្យាមួយចំនួន បានប្រព្រឹត្តលើសព្រំដែនកំណត់ ហ៊ានឃាត់រថយន្តផាកពិន័យដោយផ្ទាល់ និងករណីខ្លះមិនចេះគោរពសិទ្ធិអ្នកបើកបរនៅតាមដងផ្លូវទៀតផង។

ជាមួយគ្នានេះ លោករដ្ឋមន្ត្រីក្រសួងមហាផ្ទៃ ក៏បានស្នើឲ្យភាគីគ្រប់បណ្ដារាជធានី-ខេត្តទាំងអស់ ជួយពិនិត្យ និងសិក្សារឿងឯកសណ្ឋានមន្ត្រីចរាចរណ៍ជាប់កិច្ចសន្យាទាំងនេះឡើងវិញផងដែរ៕

អត្ថបទ ៖ សួស សិត