Connect with us

ព័ត៌មានជាតិ

រដ្ឋមន្ត្រីការងារ បញ្ជាក់មូលហេតុភាគីរាជរដ្ឋាភិបាលមិនទាន់ដាក់តួលេខ ប្រាក់ឈ្នួល ឆ្នាំ ២០២៤

បានផុស

នៅ

លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ បញ្ជាក់​ពី​មូលហេតុ​ដែល​ភាគី​រាជរដ្ឋាភិបាល​នៅ​មិនទាន់​ដាក់​តួលេខ​ប្រាក់​កម្មករ-និយោជិត ឆ្នាំ ២០២៤ ខណៈ​ភាគី​សហជីព និង​ភាគី​និយោជក បាន​ដាក់​តួលេខ​រួចហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់​អ្នក​សារព័ត៌មាន ក្រោយ​កិច្ចប្រជុំ​ក្រុមប្រឹក្សា​ជាតិ​ប្រាក់​ឈ្នួល​អប្បបរមា អាណត្តិ​ទី ៣ នៅ​ព្រឹក​ថ្ងៃ​ទី ០៤ កញ្ញា​នេះ លោក​រដ្ឋមន្ត្រី បាន​បន្ត​ថា ក្រោយពី​ចំណាយ​ពេល​ប្រជុំ​ជិត ៤ ម៉ោង មក គឺ​ភាគី​និយោជក​បាន​ដាក់​តួលេខ​ចំនួន ១ ដុល្លារ​ប៉ុណ្ណោះ ខណៈ​ភាគី​សហជីព​តំណាង​កម្មករ-និយោជិត ដាក់​តួលេខ​ចំនួន ១៥ ដុល្លារ។ មានន័យថា សម្រាប់​ឆ្នាំ ២០២៤ ភាគី​និយោជក ស្នើសុំ​ប្រាក់​ឈ្នួល​អប្បបរមា​ត្រឹម ២០១ ដុល្លារ ក្នុង​មួយ​ខែ និង​ភាគី​កម្មករ​-​និយោជិត ស្នើសុំ​ដល់ ២១៥ ដុល្លារ ក្នុង​មួយ​ខែ។

លោក​រដ្ឋមន្ត្រី បាន​បន្ត​ទៀត​ថា តួលេខ​ខាងលើ​នេះ គ្រាន់តែ​ជា​ជំហរ​ជំហាន​ដំបូង​របស់​ភាគី​នីមួយៗ ប៉ុណ្ណោះ ដោយ​នឹង​ត្រូវ​មាន​ការ​ប្រជុំ​ពិភាក្សា​គ្នា​ជា​បន្តបន្ទាប់​ទៀត នា​ពេល​ខាងមុខ ពោល​នឹង​ត្រូវ​ចេញ​លទ្ធផល​មុន​ពិធី​បុណ្យ​ភ្ជុំបិណ្ឌ ស្របតាម​អនុសាសន៍​របស់ សម្ដេច​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា។

លោក​រដ្ឋមន្ត្រី បន្ថែម​ថា នៅ​ក្នុង​កិច្ចប្រជុំ​ជា​បន្តបន្ទាប់​ទៀត ភាគី​ទាំងពីរ នឹង​ពិចារណា​កែសម្រួល​តួលេខ​ជា​បណ្តើរៗ​ថែមទៀត ហើយ​ភាគី​ខាង​រដ្ឋាភិបាល នឹង​បន្ត​ខិតខំ​សម្របសម្រួល​ដើម្បី​ឲ្យ​ភាគី​ទាំងពីរ​កាន់តែ​យល់ កែ​គោលជំហរ​របស់​ខ្លួន​កាន់តែ​កៀក​ប្រហាក់ប្រហែល​គ្នា មុននឹង​យើង​ឯកច្ឆន្ទ​គ្នា ឬ បោះឆ្នោត​សម្រេច​នា​មុន​ពិធីបុណ្យ​ភ្ជុំ​ខាងមុខនេះ។

លោក​រដ្ឋមន្ត្រី បន្ថែម​ទៀត​ថា «ភាគី​រាជរដ្ឋាភិបាល នៅ​មិន​ទាន់​ដាក់​តួលេខ​នៅឡើយ​ទេ។ យើង​មាន​តួលេខ តែ​យើង​មិន​ចង់​ឲ្យ​ភាគី​ទាំងសងខាង​ផ្ដោត​លើ​តួលេខ​នេះ​ទេ ហើយ​ខ្ញុំ​ពិត​ជា​មាន​ការ​សប្បាយ​ចិត្ត​ដែល​ភាគី​ទាំងអស់ ទោះបីជា​យើង​មិនបាន​បញ្ជាក់​តួលេខ​ណាមួយ​ពី​រាជរដ្ឋាភិបាល យើង​ឃើញ​ថា ភាគី​ទាំងអស់​ប្រើប្រាស់​លក្ខណៈ​វិនិច្ឆ័យ​ទាំង ៧ គ្រាន់តែ​ថា ការ​យល់​ឃើញ​ការ​ប្រែប្រួល​លក្ខណៈ​វិនិច្ឆ័យ​នីមួយៗ វា​ខុសគ្នា តែ​បាន​ឈរ​លើ​បន្ទាត់​មួយ​នេះ។ អីចឹង ខ្ញុំ​គិត​ថា វា​ជា​ការ​វិវត្តន៍​ដ៏​ល្អ​»។

លោក​រដ្ឋមន្ត្រី បញ្ជាក់​ថា តួលេខ​ដែល​ភាគី​នីមួយៗ បាន​ដាក់​នៅ​ពេលនេះ ពួកគាត់​នឹង​យក​ទៅ​ប្រជុំ​ផ្ទៃ​ក្នុង​បន្ថែម​ទៀត ហើយ​យើង​នឹង​មាន​ឱកាស​ស្ដាប់​ការវិវត្តន៍​នៅ​ក្នុង​កិច្ចប្រជុំ​ប្រាក់​ឈ្នួល​ជា​បន្តបន្ទាប់​ក្រោយៗ​ទៀត​ពី​ភាគី​នីមួយៗ។

លោក គឹម ចាន់​សំណាង អនុប្រធាន​ក្រុម​ប្រឹក្សា​ជាតិ​ប្រាក់ឈ្នួល​អប្បបរមា អាណត្តិ​ទី ៣ ភាគី​សហជីព បាន​មាន​ប្រសាសន៍​ថា ការ​ដាក់​តួលេខ ២១៥ ដុល្លារ​នេះ ខាង​សហជីព​បាន​ធ្វើការ​ពិភាក្សា និង​ស្រាវជ្រាវ​យ៉ាង​ល្អិតល្អន់​ជាទីបំផុត ដោយ​ឈរ​លើ​លក្ខណៈ​វិនិច្ឆ័យ​ទាំង ៧ ដែល​មាន​ចែង​ក្នុង​ច្បាប់​ប្រាក់ឈ្នួល។

យ៉ាងណាក៏ដោយ លោក បាន​បញ្ជាក់​ថា ប៉ុន្តែ​តួលេខ​នេះ យើង​អាច​ជជែក​គ្នា​បាន​។ វា​ជា​លើក​ទី ១ ដាក់ ២១៥ ដុល្លារ សម្រាប់​ស្នើសុំ តែ​បើ​សិន​ជា​មាន​ករណី​ចាំបាច់ និង​ពិនិត្យ​លើ​ផលប្រយោជន៍​កម្មករ-និយោជិត ដោយ​ឈរ​លើ​ទឡ្ហីករណ៍​ណាមួយ យើង​ក៏​អាច​សម្របសម្រួល​ទៅ​តាម​ស្ថាន​ការណ៍​ជាក់ស្ដែង​ដែរ ព្រោះថា​ការ​ដំឡើង​ប្រាក់​ឈ្នួល​ណាមួយ​ត្រូវ​មាន​ការ​ឯកភាព​គ្នា យល់ព្រម​ទាំងអស់​គ្នា ដោយ​រីករាយ​បំផុត។

គួរ​បញ្ជាក់​ថា កិច្ចប្រជុំ​ក្រុមប្រឹក្សា​ជាតិ​ប្រាក់ឈ្នួល​អប្បបរមា​អាណត្តិ​ទី ៣ បាន​សម្រេច​រៀបចំ​កិច្ច​ប្រជុំ​កំណត់​ប្រាក់ឈ្នួល​ចំនួន ៧ លើក គឺ នៅ​ថ្ងៃ​ទី ១៦ សីហា ,ថ្ងៃ​ទី ២៨ សីហា​, ថ្ងៃ​ទី ៤, ថ្ងៃ​ទី ១១,​ថ្ងៃ​ទី ១៨, ថ្ងៃ​ទី ២៥ ខែ​កញ្ញា និង​ថ្ងៃ​ទី ២ ខែ​តុលា ឆ្នាំ ២០២៣ ខណៈ​ប្រាក់ឈ្នួល​កម្មករ-និយោជិត​បច្ចុប្បន្ន មាន​ចំនួន ២០០ ដុល្លារ ក្នុង​មួយ​ខែ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

ពិធី​សម្ពោធ​ដំណើរការ​អគារ​ពង្រីក​ថ្មី “​ផ្សារ​ទំនើប អ៊ី​អន ម៉​ល ភ្នំពេញ​” នៅ​ជាន់​ផ្ទាល់​ដី (Lively Plaza GF)

ព័ត៌មានជាតិ១ ម៉ោង មុន

រដ្ឋមន្ត្រីក្រសួងការងារ ជំរុញគ្រូឧទ្ទេសអនុវត្តអនុសាសន៍ “រៀនឱ្យចប់ រៀនឱ្យចេះ និងមានការងារធ្វើ”

ព័ត៌មានជាតិ២ ម៉ោង មុន

ខេត្តពោធិ៍សាត់ រៀបចំព្រឹត្តិការណ៍ប្រណាំងទូកង រយោៈពេល ២ថ្ងៃ ចុងសប្ដាហ៍នេះ

ព័ត៌មានអន្ដរជាតិ២ ម៉ោង មុន

មិនត្រឹមជំរំជនភៀសខ្លួននិងមន្ទីរពេទ្យ ពេលនេះ អ៊ីស្រាអែល បាញ់កម្ទេចស៊ីទែនទឹក នៅហ្គាហ្សា ទៀត

វប្បធម៌ ជំនឿ៣ ម៉ោង មុន

ស្ពានហាលប្រាសាទអង្គរវត្ត ប្រើពេលជួសជុល ១៩ឆ្នាំ មាន ២ដំណាក់កាល

Sokha Hotels

ព័ត៌មានពេញនិយម