ព័ត៌មានជាតិ
មកស្វែងយល់ពីអត្ថប្រយោជន៍ នៃរបបសន្តិសុខសង្គមផ្នែកស្ដារនីតិសម្បទា
យោងតាមឯកសាររបស់បេឡាជាតិសន្តិសុខសង្គម បានឲ្យដឹងថា សេវាស្តារនីតិសម្បទា ជាតាវកាលិក ឬ អត្ថប្រយោជន៍ នៃរបបសន្តិសុខសង្គមផ្នែក ហានិភ័យការងារ និងផ្នែកថែទាំសុខភាព ដែលផ្ដល់ឲ្យសមាជិកនៅពេលជួបហានិភ័យការងារ គ្រោះថ្នាក់ ឬ ជំងឺ រហូតដល់ធ្លាក់ខ្លួនពិការភាព។
សេវាស្តារនីតិសម្បទានេះ សំដៅដល់ការផ្ដល់សេវាស្តារនីតិសម្បទាផ្នែកវេជ្ជសាស្ត្រ ការបណ្ដុះបណ្ដាលវិជ្ជាជីវៈឡើងវិញ និងសេវាសង្គម ក្នុងគោលបំណងជួយដល់ជនមានពិការភាពអាចរក្សា ស្តារ ឬ ធ្វើឲ្យប្រសើរឡើងវិញនូវសមត្ថភាព ជំនាញ និងមុខងារសម្រាប់ការរស់នៅប្រចាំថ្ងៃ ដែលបានបាត់បង់ ឬ ខូចខាតដោយសារជំងឺ ការរងរបួស ឬ ពិការភាព។
សមាជិក ប.ស.ស ដែលទទួលរងហានិភ័យការងារបណ្ដាលឲ្យបាត់បង់សមត្ថភាពការងារអចិន្ត្រៃយ៍ ឬ ពិការភាព មានសិទ្ធិទទួលបានសេវាស្តារនីតិសម្បទា ដែលរួមមានសេវាស្តារនីតិសម្បទា ផ្នែកវេជ្ជសាស្ត្រ ឬ សេវាបណ្ដុះបណ្ដាលវិជ្ជាជីវៈឡើងវិញ ឬ សេវាសង្គម ៖
១.សេវាស្ដារនីតិសម្បទាផ្នែកវេជ្ជសាស្ត្រ
សេវាស្តារនីតិសម្បទាផ្នែកវេជ្ជសាស្ត្រ ត្រូវបានផ្ដល់ជូនសមាជិក ប.ស.ស ដែលទទួលរងហានិភ័យការងារ សម្រាប់គាំទ្រដល់ការព្យាបាល និងថែទាំវេជ្ជសាស្ត្រ ឬ សម្រាប់ជួយសម្រួលដល់ ជនរងគ្រោះដែលបានបាត់បង់សមត្ថភាពការងារអចិន្ត្រៃយ៍ ឬ ពិការភាព។
សេវាស្តារនីតិសម្បទាផ្នែកវេជ្ជសាស្ត្រ សំដៅដល់ការផ្តល់ការជួសជុល ឬ ការផ្តល់ជាថ្មីអវយវៈសិប្បនិម្មិត រណប ឬ ឧបករណ៍ ជំនួយ ការហ្វឹកហាត់កាយសម្បទាឡើងវិញ ការព្យាបាលដោយ ចលនា និងការផ្តល់សេវាស្តារនីតិសម្បទាផ្នែកវេជ្ជសាស្ត្រដទៃទៀត។
២.សេវាបណ្ដុះបណ្ដាលវិជ្ជាជីវៈឡើងវិញ
សេវាបណ្ដុះបណ្ដាលវិជ្ជាជីវៈឡើងវិញ ត្រូវបានផ្ដល់ជូនសមាជិក ប.ស.ស ដែលធ្លាក់ខ្លួនពិការដោយហានិភ័យការងារ ដើម្បីមានឱកាសទទួលបានការងារ ឬ មុខរបរថ្មីស្របតាមកាយសម្បទារបស់ខ្លួន។ ជនមានពិការភាពដែលមានលក្ខណៈសម្បត្តិ និងសមត្ថភាពបំពេញនូវមុខងារ តួនាទី និងការទទួលខុសត្រូវក្នុងមុខតំណែង អាចទទួលបានការជួយសម្របសម្រួលរកការងារឲ្យធ្វើ។
៣.សេវាសង្គម
ជនមានពិការភាពដោយហានិភ័យការងារ មានសិទ្ធិទទួលបាននូវការប្រឹក្សា ការតម្រង់ទិស ការអប់រំចិត្តសាស្ត្រ និងសេវាសង្គមនានា ក្នុងគោលបំណងធ្វើឲ្យប្រសើរឡើងនូវផ្នែកចិត្តសាស្ត្រសង្គម ទទួលបានភាពម្ចាស់ការ ស្របតាមស្ថានភាពរស់នៅប្រចាំថ្ងៃ។
ដើម្បីទទួលបានសេវាស្តារនីតិសម្បទា សមាជិក ប.ស.ស ត្រូវទំនាក់ទំនងមន្ត្រី ប.ស.ស នៅស្នាក់ការកណ្ដាល ឬ តាមសាខារាជធានី ខេត្ត ក្រុង ស្រុក ខណ្ឌ ដែលនៅជិត ដើម្បីទទួលបានព័ត៌មាន និងជួយសម្របសម្រួលដល់ការស្នើសុំ។
ការដាក់ពាក្យស្នើត្រូវភ្ជាប់មកជាមួយនូវប័ណ្ណសមាជិក ប.ស.ស និងឯកសារពាក់ព័ន្ធផ្សេងៗ ទៀត ក្នុងករណីចាំបាច់។ ការផ្តល់សេវាស្ដារនីតិសម្បទាត្រូវមានការប្រឹក្សា និងតម្រង់ទិស ពី ប.ស.ស ជាមុន និងមានភាពសមស្របនូវលក្ខខណ្ឌកាយសម្បទា សតិបញ្ញា កត្តាជំរុញ ឬ សមត្ថភាពដែលអាចជំរុញបាន ព្រមទាំងឆន្ទៈសហការជាមួយអ្នកផ្តល់សេវា។
គួរបញ្ជាក់ថា បេឡាជាតិសន្តិសុខសង្គម (ប.ស.ស.) ជាគ្រឹះស្ថានសាធារណៈរដ្ឋបាលមានភារកិច្ចគ្រប់គ្រង និងចាត់ចែងរបបសន្តិសុខសង្គម អនុលោមតាមច្បាប់ស្ដីពីរបបសន្តិសុខសង្គម ដែលរួមមានផ្នែកប្រាក់សោធន ផ្នែកថែទាំសុខភាព ផ្នែកហានិភ័យការងារ និងផ្នែកនិកម្មភាពការងារ សម្រាប់បុគ្គលស្ថិតក្នុងវិស័យសាធារណៈ បុគ្គលទាំងឡាយដែលស្ថិតនៅក្រោមបទប្បញ្ញត្តិ នៃច្បាប់ស្ដីពីការងារ ដោយរួមបញ្ចូលទាំងបុគ្គលិកធ្វើការតាមផ្លូវអាកាស និងនាវាសមុទ្រ ព្រមទាំងអ្នកបម្រើក្នុងផ្ទះ និងបុគ្គលស្វ័យនិយោជន៍៕
អត្ថបទ ៖ សំអឿន
អ្នកមានវិជ្ជាជីវៈសុខាភិបាល មិនត្រឹមតែមានចំណេះជំនាញ ត្រូវមានគុណធម៌ មេត្តានិងករុណា
មុខរបរច្នៃស្បែកក្រពើ ផលិតកាបូប និងស្បែកជើង នៅតែមានទីផ្សារល្អ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
មន្ត្រីជាន់ខ្ពស់ក្រសួងការងារ អំពាវនាវឲ្យពលរដ្ឋបន្តស្មារតីជាតិនិយម ដើម្បីបង្ហាញពីទឹកចិត្តមោះមុតក្នុងការទប់ស្កាត់រាល់សកម្មភាពឈ្លានពានរបស់សត្រូវ
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១០ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ