ព័ត៌មានជាតិ

បណ្ដោយក្មួយស្ទូចត្រីលេងភ្លេចខ្លួន មួយភ្លែតហួសពេលបាត់

បានផុស

៣ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

ឪពុកម្ដាយបានត្រឹមគួកទ្រូងទ្រហោយំ ខណៈកូនប្រុសជាទីស្រលាញ់អាយុ៥ឆ្នាំបានលង់ទឹកត្រពាំងក្បែរផ្ទះស្លាប់បាត់បង់ជីវិតគួរឲ្យសង្វេគ។

ហេតុការណ៍នេះ បានកើតឡើងកាលពីរសៀលថ្ងៃទី០៣ ខែកុម្ភៈ ឆ្នាំ២០២១ ស្ថិតក្នុងភូមិកែវកាំភ្លើង ឃុំព្រៃខ្លា ស្រុកកោះអណ្តែត ខេត្តតាកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ក្មេងប្រុសរងគ្រោះមានឈ្មោះ សៀក គីមហាក់ អាយុ៥ឆ្នាំ។ អ៊ុំប្រុសក្មេងរងគ្រោះបានឲ្យដឹងថា ជាការធ្វេសប្រហែសរបស់គាត់ដោយមិនបានមើលក្មួយដិតដល់ ខណៈដែលដឹងថា ក្មួយទៅស្ទូចត្រីលេងនៅត្រពាំងក្បែរផ្ទះនោះដែរ លុះដល់ដឹងខ្លួនហួសពេលទាំងមិនអាចជួយសង្គ្រោះបាន ព្រោះផុតជីវិតនៅក្នុងទឹកត្រពាំងក្បែរផ្ទះបាត់ទៅហើយ។

ក្រោយកើតហេតុសមត្ថកិច្ចជំនាញនៃអធិការស្រុកបានសហការណ៍ជាមួយក្រុមគ្រូពេទ្យចុះពិនិត្យនិងធ្វើកោសល្យវិច័យឃើញថា ក្មេងរងគ្រោះពិតជាលង់ទឹកស្លាប់ប្រាកដមែន និងបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ វីរៈ