ខឹងបុរសម្នាក់អង្គុយផឹកស្រាជាមួយប្រពន្ធ​ ដេញទៅផ្ទះមិនទៅ កាប់ពីរកាំបិតរបួសធ្ងន់

កណ្តាល៖ ជនសង្សយ័ម្នាក់ត្រូវបាននគរបាលចាប់ឃាត់ខ្លួន បន្ទាប់ពីខឹងបុរសម្នាក់ផឹកស្រាជាមួយប្រពន្ធរបស់ខ្លួន ពេលដេញទៅផ្ទះមិនព្រមទៅ យកកាំបិតតាុំងតោ កាប់ពីកាំបិតរបួសធ្ងន់តែម្តង។

ហេតុការណ៌នេះបានកើតឡើងនៅថ្ងៃទី០១ ខែវិច្ឆិកា ឆ្នាំ២០២០ វេលាម៉ោង ១០និង៣០នាទី នៅចំណុចភូមិរំលេច ឃុំទួលព្រេជ ស្រុកអង្គស្នួល ខេត្តកណ្តាល។

ជនរងគ្រោះមានឈ្មោះ ហ៊ឺ សុខលី ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករ នៅភូមិរំលេច ឃុំទួលព្រេជ ស្រុកអង្គស្នួល ខេត្តកណ្តាល ។

ជនសង្ស័យឈ្មោះ បែន ពិសី ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មករសំណង នៅភូមិរំលេច ឃុំទួលព្រេជ ស្រុកអង្គស្នួល ខេត្តកណ្តាល ។

ជនសង្ស័យមានប័ណ្ណបើកថ្នាំពីមន្ទីរពេទ្យមិត្តភាពខ្មែរ~សូវៀត (ផ្នែកជម្ងឺផ្លូវចិត្ត) ។

មន្ត្រីននគរបាលស្រុកអង្កស្នួលបានអោយដឹងថា៖ នៅមុនពេលកើតហេតុ ជនសង្ស័យបានទៅមើលម្ដាយឈឺព្យួសេរ៉ូមនៅផ្ទះរបស់ម្ដាយ។ លុះដល់ម៉ោងកើតហេតុជនសង្ស័យបានឃើញជនរងគ្រោះមកអង្គុយផឹកស្រាបៀជាមួយបងប្អូនរបស់ខ្លួននៅលើគ្រែក្រោយផ្ទះម្ដាយ ដោយជនសង្ស័យបានប្រច័ណ្ឌប្រពន្ធជាមួយនឹងជនរងគ្រោះក៏ដើរទៅដេញជនរងគ្រោះចេញមិនឲ្យផឹកស្រាកន្លែងនោះទេ ។ តែជនរងគ្រោះមិនព្រមចេញ ទើបជនសង្ស័យយកកាំបិតប៉័ងតោទុកលើគ្រែនោះកាប់ទៅលើជនរងគ្រោះចំនួនពីរកាំបិតតែម្ដង។

តាមចម្លើយសារភាពរបស់ជនសង្ស័យបានសារភាពថាខ្លួនពិតជាបានកាប់ជនរងគ្រោះចំនួនពីរកាំបិតប៉័ងតោមែន ដោយសារខ្លួនប្រច័ណ្ឌប្រពន្ធ។

ចំពោះករណីនេះកម្លាំងជំនាញកំពុងបន្តចាត់ការតាមនីតិវិធី។ មុនី