ព័ត៌មានជាតិ
មានតែសែក ប៉ុន្តែអត់លុយ ស្ដ្រី២នាក់ ត្រូវសមត្ថកិច្ចបញ្ជូនទៅសាលាដំបូង
ស្ត្រី២នាក់ ត្រូវបានសមត្ថកិច្ចចាប់ខ្លួនបញ្ជូនមកកាន់សាលាដំបូងរាជធានីភ្នំពេញ នាថ្ងៃទី០៤ ខែកុម្ភៈ ឆ្នាំ២០២១នេះ ពាក់ព័ន្ធបទល្មើស « មិនបំពេញកាតព្វកិច្ចចំពោះឧបករណ៍ ដែលអាចជួញដូរបាន » ពោលគឺបទល្មើសចេញសែកអត់លុយ ។
ជនសង្ស័យទាំងពីរនាក់ ឈ្មោះ ឆឹម លក្ខិណា និងឈ្មោះ បូ សេរីរត្ន័ បានសារភាពថា កាលពីថ្ងៃទី៦ ខែសីហា ឆ្នាំ២០២០ ពួកគេបានខ្ចីប្រាក់ចំនួន ១២៨,៨១០ដុល្លារ ពីឈ្មោះ ហ៊ាង រតនា ហើយដើម្បីជាសំណងចំពោះប្រាក់ដែលបានខ្ចី ពួកគេបានចេញមូលប្បទានបត្រចំនួន០៤សន្លឹក ទុកជាសំណង ( សែក) ។ ជនសង្ស័យ បានសារភាពទៀតថា ចំពោះមូលប្បទានបត្រលេខ ៨៥២៥២៦ ចុះថ្ងៃទី៦ ខែវិច្ឆិកា ឆ្នាំ២០២០ មានទឹកប្រាក់ចំនួន ៣៤,៨១០ដុល្លារ របស់ធនាគារអេស៊ីលីដា ដែលចេញឲ្យទៅឈ្មោះ ហ៊ាង រតនា គឺមានប្រាក់ក្នុងគណនី ប៉ុន្តែពុំអាចបើកបាន ដោយពួកគេ (ជនសង្ស័យ) បានចុះហត្ថលេខាលើមូលប្បទានបត្រខុសពីលក្ខន្តិករបស់ធនាគារ ហើយពេលនេះក្នុងគណនីពួកគេគ្មានប្រាក់ទេ និងមិនទាន់បានសងទៅឈ្មោះ ហ៊ាង រតនា នៅឡើយទេ។
សមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ បានធ្វើការចាប់ខ្លួនជនសង្ស័យនៅថ្ងៃទី១ ខែកុម្ភៈ ឆ្នាំ២០២១ វេលាម៉ោង១២ថ្ងៃត្រង់ នៅមុខផ្សារក្រឡាញ់ ខេត្តសៀមរាប តាមដីកាបញ្ជាឲ្យចូលខ្លួនចុះថ្ងៃទី២៧ ខែមករា ឆ្នាំ២០២១ របស់លោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដើម្បីចាត់ការតាមច្បាប់ ខណៈនេះ ព្រះរាជអាជ្ញាអមតុលាការកំពុងធ្វើការសាកសួរស្ត្រីទាំង២នាក់៕
អត្ថបទ៖ មករា
សូមចុចអាន៖ ហាមមិនស្ដាប់ សមត្ថកិច្ចចុះរុះរើ តូបលក់តាមដងផ្លូវ ដើម្បីសណ្តាប់ធ្នាប់សាធារណៈ
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍១ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?