ព័ត៌មានជាតិ

ឯកឧត្ដម ហ៊ុន ម៉ានី ៖ គ្រូបង្រៀនជាឪពុកម្ដាយទី ២ មិនត្រឹមតែជាអ្នកផ្ដល់ចំណេះដឹងទេ តែក៏ចង់ឃើញយើងជោគជ័យក្នុងជីវិតដែរ

បានផុស

៣ years មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា លើកឡើងថា គ្រូបង្រៀនជាឪពុកម្ដាយទី ២ របស់យើង មិនត្រឹមតែជាអ្នកផ្ដល់ចំណេះដឹង និងបទពិសោធន៍ប៉ុណ្ណោះទេ តែក៏ជាអ្នកដែលចង់ឃើញយើងទាំងអស់គ្នាទទួលបានជោគជ័យក្នុងឆាកជីវិតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ប្រកាសចូលរួមអបអរសាទរ ទិវាគ្រូបង្រៀន ៥ តុលា ២០២៣ ក្រោមប្រធានបទ «គ្រូបង្រៀន ជាសសរស្ដម្ភ នៃកំណែទម្រង់សាលារៀនឆ្ពោះទៅរកឧត្ដមភាព» នៅព្រឹកថ្ងៃទី ០៥ ខែតុលា ឆ្នាំ ២០២៣ នេះ។

ឯកឧត្ដម ហ៊ុន ម៉ានី លើកឡើងថា «គ្រូបង្រៀន គឺជាឪពុកម្ដាយទី ២ របស់យើង ដែលមិនត្រឹមតែជាអ្នកផ្តល់នូវចំណេះដឹង និងបទពិសោធន៍ប៉ុណ្ណោះទេ តែក៏ជាអ្នកដែលចង់ឃើញយើងទាំងអស់គ្នាទទួលបានជោគជ័យក្នុងឆាកជីវិតផងដែរ»។ ទន្ទឹមនេះ ឯកឧត្ដម ហ៊ុន ម៉ានី បានឧទ្ទិសទិវានេះជូនដល់លោកគ្រូ អ្នកគ្រូ សាស្ត្រាចារ្យ និងគ្រូបង្រៀនទាំងក្នុងប្រព័ន្ធ និងក្រៅប្រព័ន្ធ ដែលបាន និងកំពុងផ្ទេរចំណេះដឹងដល់សិស្ស-និស្សិតគ្រប់រូប។

នាឱកាសនោះ ឯកឧត្ដម ហ៊ុន ម៉ានី ក៏បានប្រកាសចូលរួមអបអរសាទរ ទិវាគ្រូបង្រៀន ៥ តុលា ២០២៣ ក្រោមប្រធានបទ «គ្រូបង្រៀន ជាសសរស្ដម្ភ នៃកំណែទម្រង់សាលារៀនឆ្ពោះទៅរកឧត្ដមភាព» ផងដែរ។

ជាមួយនោះ ឯកឧត្ដម បានបន្ថែមថា «សូមបងប្អូនជនរួមជាតិទាំងអស់ ឆ្លៀតឱកាសក្នុងទិវាមួយនេះ ចូលរួមរំឭកគុណលោកគ្រូអ្នកគ្រូរបស់ខ្លួន ដើម្បីជាការថ្លែងអំណរគុណ តបស្នងនូវការលះបង់ និងសេចក្ដីស្រលាញ់ដែលលោកបានផ្តល់មកលើយើងម្នាក់ៗ»៕

អត្ថបទ ៖ ពិសី