ព័ត៌មានជាតិ

អាសូរណាស់! ក្នុងថ្ងៃមង្គលការ កូនកំលោះកំពុងទទួលភ្ញៀវសុខៗស្រាប់តែខ្យល់គរដួលស្លាប់

បានផុស

៥ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

កំពង់ឆ្នាំង ៖ ក្នុងថ្ងៃមង្គលការរបស់កូនកំលោះ កូនក្រមុំមួយគូ កំពុងតែទទួលភ្ញៀវសុខៗ ស្រាប់តែកូនកំលោះដួលខ្យល់គរភ្លាមៗ ខណៈដែលក្រុមគ្រួសារព្យាយាមដឹកយកទៅសង្គ្រោះនៅមន្ទីរពេទ្យបង្អែកខេត្ត តែគួរឲ្យស្តាយដាច់ខ្យល់ស្លាប់ ដោយមិនបានលាកូនក្រមុំមួយម៉ាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងវេលាម៉ោង ១៥និង៣០នាទី នារសៀលថ្ងៃទី៤ ខែកុម្ភៈ ឆ្នាំ២០២១ នៅភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង។

កូនកំលោះដែលដួលស្លាប់មានឈ្មោះ ក្រុង ពុធ ភេទប្រុស អាយុ៥២ឆ្នាំ ទីកន្លែងកំណើតភូមិសំរោង សង្កាត់ផ្សារឆ្នាំង ក្រុង/ខេត្តកំពង់ឆ្នាំង។

ប្រភពព័ត៌មានបានឲ្យដឹងថា ខណៈដែលម៉ោងហូបការជិតមកដល់ ហើយភ្ញៀវក៏ត្រៀមទៅចូលរួមក្នុងពិធីមង្គលការ ស្រាប់តែមានការភ្ញាក់ផ្អើលនឹកស្មានមិនដល់ គឺកូនកំលោះ ឈរទទួលភ្ញៀវនៅបានដួលសន្លប់ភ្លាមៗ ហើយក្រុមគ្រួសារក៏បានព្យាយាមដឹកជនរងគ្រោះទៅសង្គ្រោះនៅមន្ទីរពេទ្យបង្អែកខេត្ត តែជាអកុសល កូនកំលោះបានដាច់ខ្យល់ស្លាប់បាត់ទៅហើយ។ សាកសព ត្រូវបានក្រុមគ្រួសារតម្កល់ ធ្វើបុណ្យនៅគេហដ្ឋានភូមិសំរោង សង្កាត់ផ្សារឆ្នាំង ក្រុង/ខេត្តកំពង់ឆ្នាំង៕

កែសម្រួលដោយ ៖ នាគព័ន្ធ