ព័ត៌មានជាតិ
ស.ស.យ.ក ៖ សមាជិក ស.ស.យ.ក ជាកោសិកាសង្គមហ៊ានលះបង់ប្រយោជន៍ផ្ទាល់ខ្លួនដើម្បីជាតិ
សហភាពសហព័ន្ធយុវជនកម្ពុជា (ស.ស.យ.ក) លើកឡើងថា ភាពជាសមាជិក ស.ស.យ.ក មិនត្រឹមតែទទួលបានឱកាសក្នុងការរៀនសូត្រប៉ុណ្ណោះទេ ប៉ុន្តែបានផ្ដល់ឱកាសឲ្យខ្លួនឯងចូលរួមអនុវត្ត កាតព្វកិច្ចជាពលរដ្ឋមួយល្អ ជាកោសិកាសង្គមហ៊ានលះបង់ប្រយោជន៍ផ្ទាល់ខ្លួនដើម្បីជាតិ។
នៅព្រឹកថ្ងៃទី ០២ ខែវិច្ឆិកា ឆ្នាំ ២០២៣ នេះ តាមរយៈផេកហ្វេសប៊ុកផ្លូវការរបស់ សហភាពសហព័ន្ធយុវជនកម្ពុជា (ស.ស.យ.ក) បានឲ្យដឹងថា ស.ស.យ.ក. បានចូលរួមលើកកម្ពស់សមត្ថភាព ជំនាញ ផលិតភាព ចំណេះដឹង និងបំណិនជីវិតដល់យុវជន ដើម្បីឆ្លើយតបទៅនឹងតម្រូវការជាក់ស្ដែង នៃបរិបទសង្គម។ បន្ថែមពីនេះ «ភាពជាសមាជិក ស.ស.យ.ក មិនត្រឹមតែទទួលបានឱកាសក្នុងការរៀនសូត្រប៉ុណ្ណោះទេ ប៉ុន្តែបានផ្ដល់ឱកាសឲ្យខ្លួនឯងបានចូលរួមអនុវត្តកាតព្វកិច្ចជាពលរដ្ឋមួយល្អ ជាកោសិកាសង្គមដែលហ៊ានលះបង់ប្រយោជន៍ផ្ទាល់ខ្លួន ជាចំណែកក្នុងការចូលរួមដោះស្រាយបញ្ហា សង្គម និងផ្តល់ភាពជាគំរូសម្រាប់យុវជនជំនាន់ក្រោយ ដោយឆន្ទៈ តបស្នងទៅកាន់សង្គមជាតិតាមលទ្ធភាព ជាជាងការរំពឹងថា ប្រទេសជាតិ នឹងធ្វើអ្វីៗ ដើម្បីយើងទាំងអស់គ្នា»។
ស.ស.យ.ក សង្កត់ធ្ងន់ថា លើសពីភាពជាសមាជិក ប៉ុន្តែសហភាពសហព័ន្ធយុវជនកម្ពុជា ប្រៀបដូចជា ក្រុមគ្រួសារ តែងផ្ដល់ការលើកទឹកចិត្ត ដឹងទុក្ខធុរៈ ការគាំទ្រ ទាំងស្មារតី និងសម្ភារៈ ដែលប្រកាន់ខ្ជាប់នូវគោលការណ៍មនុស្សធម៌ ដោយមិនប្រកាន់ពូជសាសន៍ ពណ៌សម្បុរ ឬ និន្នាការនយោបាយឡើយ។
ជាមួយនេះ ស.ស.យ.ក ក៏បានរំលឹកថា ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា តែងមានប្រសាសន៍ថា «អនាគតសង្គមជាតិ និងសុភមង្គលរបស់យុវជន គឺមានសារៈសំខាន់បំផុត ដែលមិនអាចបណ្ដោយទៅតាមយថាហេតុ ឬ ឲ្យមានភាពចៃដន្យណាមួយកើតឡើងធ្វើឲ្យប៉ះពាល់នោះទេ»។ ហើយដោយឈរលើទស្សនៈនេះ ក្រុមគ្រួសារ ស.ស.យ.ក តែងបានបណ្ដុះ ស្មារតីស្នេហាជាតិដល់ស្រទាប់យុវជន និងបន្តបេសកកម្មកៀរគរយុវជន ក៏ដូចជាគ្រប់កោសិកា នៃសង្គម ឲ្យចូលរួមគិត ចូលរួមធ្វើ ចូលរួមទទួលខុសត្រូវ ចំពោះជោគវាសនាជាតិខ្លួន ដើម្បីភាពរុងរឿង ថ្កុំថ្កើង សង្គមជាតិ៕
អត្ថបទ ៖ ពិសី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»