ព័ត៌មានជាតិ

អភិបាលរងខេត្តកោះកុង អញ្ជើញកាត់វិញ្ញាសាប្រឡងបាក់ឌុប នៅវិទ្យាល័យបច្ចេកទេសតេជោសែន និងសាលាបឋមសិក្សាទីរួមខេត្ត

បានផុស

៣ years មុន

នៅ

ថ្ងៃចន្ទ ៦ វិច្ឆិកា ២០២៣

ដោយ

នៅព្រឹកថ្ងៃទី ៦ ខែវិច្ឆិកា ឆ្នាំ ២០២៣ នេះ លោក សំ ឃិតវៀន អភិបាលរងខេត្តកោះកុង និងលោកស្រី ឈី វ៉ា អភិបាលរងខេត្តកោះកុង បានអញ្ជើញកាត់វិញ្ញាសាប្រឡងមធ្យមសិក្សាទុតិយភូមិ នៅវិទ្យាល័យបច្ចេកទេសតេជោសែន និងសាលាបឋមសិក្សាទីរួមខេត្ត។ ក្នុងនោះ ខេត្តកោះកុង មានមណ្ឌលប្រឡងចំនួន ៣ មណ្ឌល គឺ ទី១.មណ្ឌលសាលាបឋមសិក្សាទីរួមខេត្ត ,ទី២.មណ្ឌលអនុវិទ្យាល័យ ជា ស៊ីម សាមគ្គី ,និង ទី៣.មណ្ឌលវិទ្យាល័យបច្ចេកទេសតេជោសែន។ ហើយសម្រាប់ឆ្នាំ ២០២៣ នេះ ខេត្តមានបេក្ខជនប្រឡងសរុប ១.២៥៤ នាក់ និង ស្រី ៦៥៣ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរជម្រាបថា លោកស្រី មិថុនា ភូថង អភិបាលខេត្តកោះកុង ធ្លាប់ប្រកាសផ្តល់ថវិកាលើកទឹកចិត្តដល់សិស្សានុសិស្សណាដែលប្រឡងសញ្ញាបត្រមធ្យមសិក្សាទុតិយភូមិជាប់និទ្ទេស A ដោយទទួលបាន ម្នាក់ ១.០០០ ដុល្លារ។

ជាមួយនោះ លោកស្រីអភិបាលខេត្តកោះកុង បានលើកទឹកចិត្តដល់សិស្សានុសិស្សទាំងអស់ក្នុងខេត្ត ឲ្យខិតខំប្រឹងប្រែងយកចិត្តទុកដាក់ខ្ពស់ក្នុងការប្រឡងយកចំណេះដឹងសមត្ថភាពផ្ទាល់ខ្លួនជាមូលដ្ឋាន មិនត្រូវពឹងផ្អែកលើការលួចចម្លងពីសំណៅឯកសារផ្សេងៗ ឬ ការលួចចម្លងពីអ្នកដទៃនោះឡើយ។

លោកស្រីអភិបាលខេត្ត ក៏បានអំពាវនាវដល់មាតា បិតា អាណាព្យាបាលសិស្សគ្រប់រូប សូមជួយណែនាំ កូនចៅ របស់ខ្លួន ឲ្យយកអស់ពីសមត្ថភាពក្នុងការប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី ៦ ខែវិច្ឆិកា ដោយត្រូវគោរពតាមបទបញ្ជាផ្ទៃក្នុង និងគោលការណ៍នានាសម្រាប់ការប្រឡង ហើយមិនត្រូវចាញ់ឧបាយកលទុច្ចរិតរបស់ជនខិលខូចមួយចំនួនពាក់ព័ន្ធនឹងការរត់ការក្នុងការប្រឡងជាដាច់ខាត។ បន្ថែមនោះ ដើម្បីកាន់តែផ្តល់ភាពងាយស្រួល និងកាត់បន្ថយការចំណាយផ្សេងៗ រដ្ឋបាលខេត្តកោះកុង បានផ្តល់ជាទីកន្លែងស្នាក់នៅដល់សិស្សានុសិស្សឥតគិតថ្លៃដែលមកបណ្តាស្រុកឆ្ងាយៗ ដាច់ស្រយាលចូលរួមប្រឡង៕

អត្ថបទ ៖ សិរីវឌ្ឍនៈ