ព័ត៌មានជាតិ

គ្រូហុងស៊ុយនៅភ្នំពេញពីរនាក់អ្នកជឿជាក់ ខ្លះត្រូវចាំមួយឆ្នាំ ទើបអាចមើលបាន

បានផុស

៣ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

លោកគ្រូ កុក ឡុង ជាគ្រូចិនសែមើលជោគជតារាសីខែឆ្នាំដ៏ល្បីឈ្មោះនៅរាជធានីភ្នំពេញ។ លោកតាកុកឡុង ឬចាំង ហាំងឡុង ត្រូវបានមហាជនស្គាល់តាមរយៈការទស្សន៍ទាយខែឆ្នាំជាពិសេសពេលចូលឆ្នាំថ្មីមកដល់។

លោកតាកុក ឡុង ឬចាំង ហាំងឡុង ដែលមានវ័យជាង ៧០ ឆ្នាំជាអ្នកស្រាវជ្រាវក្បួនតម្រាចិន ក្រៅពីទស្សន៍ទាយជោគជតារាសីខែឆ្នាំ លោកតាក៏អាចមើលហុងស៊ុយផ្ទះសម្បែងក៏ពូកែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្បួនទស្សន៍ទាយខែឆ្នាំរបស់លោកតា តែងតែត្រូវបានផ្សព្វផ្សាយលើបណ្តាញសារព័ត៌មាននានា។ ជារៀងរាល់ថ្ងៃ លោកតាត្រូវបានហៅទៅមើលជោគជតារាសី រហូតដល់ក្រុមហ៊ុនអចលនទ្រព្យមួយចំនួន ហៅទៅមើលហុងស៊ុយគម្រោងរបស់បុរី។

អ្នកគ្រូឡុង ណាលី ជាគ្រូរៀបហុងស៊ុយដ៏ល្បីឈ្មោះមួយរូបទៀត ដែលមានការទទួលស្គាល់ជាអន្តរជាតិក្នុងប្រទេសកម្ពុជា។ បញ្ចប់ការសិក្សាលើវិជ្ជាហុងស៊ុយពីប្រទេសជាច្រើន ក្នុងរយៈពេលប៉ុន្មានឆ្នាំមកនេះ កេរ្តិ៍ឈ្មោះអ្នកគ្រូកាន់តែល្បីសុសសាយតាមរយៈការរៀបក្បួនហុងស៊ុយ ដែលធ្វើឲ្យអ្នកបានជោគជ័យមានភាពជឿជាក់យ៉ាងមោះមុត។

អ្នកមានជំនឿលើកឡើងថា អ្នកដែលមករកឲ្យអ្នកគ្រូណាលី រៀបហុងស៊ុយឲ្យមានចំនួនច្រើនលើសលប់ រហូតដល់អ្នកខ្លះត្រូវរង់ចាំដល់ជាង ១ ឆ្នាំឯណោះ ទើបអាចមើលបាន។ នេះក៏ជាមូលហេតុដែលអ្នកគ្រូ ណាលី ប្រកាសទទួលបង្រៀនថ្នាក់ហុងស៊ុយ ដល់សិស្សចាប់ពីឆ្នាំ ២០១៩ មក៕