ព័ត៌មានជាតិ
អ្នកជំនាញសេដ្ឋកិច្ច៖ ការបណ្តុះបណ្តាលបច្ចេកទេស និងវិជ្ជាជីវៈ គឺជាឱកាសចាប់យកការវិនិយោគ
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ច នៃរាជបណ្ឌិត្យសភាកម្ពុជា បានលើកឡើងថា កម្មវិធីថ្នាក់ជាតិលើការ បណ្តុះបណ្តាលបច្ចេកទេស និងវិជ្ជាជីវៈ របស់រាជរដ្ឋាភិបាល គឺជាយុទ្ធសាស្រ្ត ចាប់យកឱកាសការរើរោងចក្រពីបណ្តាប្រទេសអភិវឌ្ឍធំៗ នាពេលអនាគតដ៏ខ្លី ខាងមុខនេះ។
ការលើកឡើងបែបនេះ គឺបន្ទាប់ពីរាជរដ្ឋាភិបាលកម្ពុជា បានប្រកាសបណ្តុះបណ្តាលក្រុមយុវជនគោលដៅមកពីគ្រួសារក្រីក្រ និងងាយរងគ្រោះ ដែលសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នឹងប្រកាសនៅថ្ងៃទី ១៤ ខែវិច្ឆិកា ឆ្នាំ ២០២៣ខាងមុខនេះ ។
លោកបណ្ឌិត គី សេរីវឌ្ឍន៍ ដែលជាអ្នកជំនាញសេដ្ឋកិច្ច បានលើកឡើងទៀតថា ការបណ្តុះបណ្តាលបច្ចេកទេស និងវិជ្ជាជីវៈ គឺធ្វើឲ្យប្រជាពលរដ្ឋ មានសមត្ថភាពលើជំនាញបច្ចេកទេស ហើយអាចទទួលយកលំហូរវិនិយោគ លើវិស័យឧស្សាហកម្មមកពីប្រទេសចិន, ឥណ្ឌា, រុស្សី និងបណ្តាប្រទេសអភិវឌ្ឍន៍ផ្សេងទៀត ដែលបាននឹងកំពុងហូរចូលមកកាន់បណ្តាប្រទេសក្នុងតំបន់ ដូចជាវៀតណាម ជាដើម។ ដូច្នេះកម្ពុជា ត្រូវចេះឆ្លៀតយកឱកាសនេះ ទាក់ទាញវិនិយោគ មកពីប្រទេសនានាបន្ថែមទៀត។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា គោលនយោបាយបណ្ដុះបណ្ដាលជំនាញវិជ្ជាជីវៈ ដល់យុវជនចំនួន ១លាន ៥សែននាក់ នឹងផ្ដោតលើវិស័យចំនួន ១០ ហើយមានមុខជំនាញចំនួន ៣៨។ ការបញ្ជាក់នេះ ធ្វើឡើងក្នុងពិធីជួបសំណេះសំណាលជាមួយកម្មករ នៅស្រុកកណ្តាលស្ទឹង និងក្រុងតាខ្មៅ ខេត្តកណ្តាល កាលពីព្រឹកថ្ងៃទី ២ ខែវិច្ឆិកា ឆ្នាំ ២០២៣កន្លងទៅនេះ។
សម្ដេចធិបតី ហ៊ុន ម៉ាណែត មានប្រសាសន៍ថា ការបណ្ដុះបណ្ដាលជំនាញវិជ្ជាជីវៈដល់យុវជនចំនួន ១លាន ៥សែននាក់ មិនតម្រូវឲ្យបង់ប្រាក់នោះទេ។ ប្រសិនបើចូលរួមបណ្ដុះបណ្ដាលពេញម៉ោង នឹងទទួលបានបណ្ណក្រីក្រ ហើយនឹងទទួលបាននូវប្រាក់ឧបត្ថម្ភថែមទៀត ប្រមាណជា ២៨ម៉ឺនរៀល ក្នុងមួយខែ។
បើតាមសម្ដេចនាយករដ្ឋមន្ត្រី ការបណ្ដុះបណ្ដាលជំនាញវិជ្ជាជីវៈដល់យុវជនចំនួន ១លាន ៥សែននាក់នេះ គឺផ្តោតទៅលើវិស័យចំនួន ១០ ហើយមានមុខជំនាញចំនួន ៣៨ នៅក្នុងវិស័យទាំង ១០នោះ។ វិស័យទាំង ១០នោះ រួមមាន៖ សំណង់, អគ្គិសនី, អេឡិចត្រូនិក, មេកានិកទូទៅ, ទេសចរណ៍, សេវាកម្ម, កសកម្ម, កសិឧស្សាហកម្ម, ធុរកិច្ច និងបច្ចេកវិទ្យាព័ត៌មាន ជាដើម។
សូមជម្រាបថា នៅថ្ងៃទី ១៤ ខែវិច្ឆិកា ឆ្នាំ ២០២៣ខាងមុខនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នឹងប្រកាសអំពីគោលនយោបាយបណ្ដុះបណ្ដាល ជំនាញវិជ្ជាជីវៈដល់យុវជនចំនួន ១លាន ៥សែននាក់ ជាផ្លូវការ។ សម្ដេចធិបតី ហ៊ុន ម៉ាណែត បានបញ្ជាក់ថា គោលនយោបាយបណ្ដុះបណ្ដាលនេះ គឺដើម្បីផលប្រយោជន៍របស់ប្រជាពលរដ្ឋ ជាពិសេសយុវជនតែម្ដង៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង