​សមត្ថកិច្ចស្រុកជលគីរី​បន្តចុះបង្ក្រាបរបាំងស្បៃមុងជាង ៨០០ ម៉ែត្រ​

សមត្ថកិច្ចផ្នែករដ្ឋបាលជលផលកំពុងប្រាសាទ និងសង្កាត់ជលផលស្រុកជលគីរីនៅក្នុងថ្ងៃទី ៦ និងទី ៧ខែវិច្ឆិកានេះ នៅតែបន្តចុះបង្ក្រាបបទ ល្មើសនេសាទដោយបានកាត់បំផ្លាញចោលរបាំងស្បៃមុងក្នុងស្រុកជលគីរីនិងស្រុករលាប្អៀរ ដែលនៅតែកើតមាន។

នាយផ្នែករដ្ឋបាលជលផលកំពង់ប្រាសាទលោក ខៀវសុផានរិទ្ធិ បានឱ្យដឹងថា នៅថ្ងៃទី៦ ខែវិច្ឆិកា នេះលោកបានដឹកនាំកម្លាំងចុះធ្វើសកម្មភាពការណូត៤ គ្រឿងកម្លាំង១៤នាក់ ចុះបង្រ្កាបទល្មើសនេសាទនៅឃុំពាមឆ្កោក ចំណុចទំនប់មេទឹកពាម ឆ្កោកនិងចំណុចទួលវាកសំណាប។ នៅថ្ងៃទី៧ ខែវិច្ឆិកា នេះលោកបានដឹកនាំកម្លាំងចុះធ្វើសកម្មភាពនៅចំណុចទំនប់ដាច់ និងទួលស្គន់ស្ថិតក្នុងភូមិទំនាបពេជ្យ ឃុំគោកបន្ទាយ ស្រុករលាប្អៀរ។

លោកនាយផ្នែករដ្ឋបាលជលផលកំពង់ប្រាសាទបានអោយដឹងថា ក្នុងរយ:ពេល ២ថ្ងៃមកនេះសមត្ថកិច្ចយើងបានចុះធ្វើការរុះរើនិងបំផ្លាញចោលនូវរបាំងស្បៃមុងបានចំនួន២០កន្លែង ប្រវែង ៨០០ម៉ែត្រ លបលូ២២មាត់ បង្គោល១៣០ដើម និងបានចាក់លែងត្រីចូលបឹងវិញចំនួន១៨០គីឡូក្រាមផងដែរ។

សូមបញ្ជាក់ថា កន្លងមកលោក ងិនហ៊ុន ប្រធានមន្ទីកសិកម្មរុក្ខាតប្រមាញ់និងនេ សាទធ្លាប់បានធ្វើការណែនាំជាច្រើន​ដងមកហើយ ដល់មន្ត្រីជលផលលោកនាយខណ្ឌ.លោកនាយផ្នែក និងនាតសង្កាត់ទាំងអស់ត្រូវយកចិត្តទុកដាក់ចុះបង្ក្រាបបទល្មើសជាប្រចាំដោយមិនបណ្តែត ប ណ្តោយអោយបទល្មើសនេសាទកើតច្រើននោះឡើយ។

ហើយករណីកើតមានបទល្មើសនេសាទច្រើនហើយមិនបង្ក្រាបនៅក្នុងដែនសមត្ថកិច្ចផ្នែកសង្កាត់ណាមួយលោកនាយខណ្ឌនាយផ្នែក និងនាយសង្កាត់នេសាទទាំង នោះត្រូវទទួលខុសត្រូវចំពោះមុខច្បាប់ដោយខ្លួនឯង៕

អត្ថបទ៖ ឈៀង ថារិទ្ធ