លោក​បណ្ឌិតសភា​ចា​រ្យ សុខ ទូច ៖ ចិន​បាន​ដើរ​តួនាទី​៤​គឺជា​ជន្លេន ឃ្មុំ ឥន្ទ្រី និង​ត្រី​ផ្សោត​
Connect with us
Helistar Cambodia - Helicopter Charter Services

ព័ត៌មានជាតិ

លោក​បណ្ឌិតសភា​ចា​រ្យ សុខ ទូច ៖ ចិន​បាន​ដើរ​តួនាទី​៤​គឺជា​ជន្លេន ឃ្មុំ ឥន្ទ្រី និង​ត្រី​ផ្សោត​

Published

on

ភ្នំពេញ ៖ លោក​បណ្ឌិតសភា​ចា​រ្យ សុខ ទូច ប្រធាន​រាជបណ្ឌិត្យសភាកម្ពុជា​បាន​មានប្រសាសន៍ថា សតវត្ស​នេះ​ជា​សតវត្ស​ចិន ចិន​មិនបាន​ដុត​សង្គ្រាម​ជាមួយ​អ្នកណា​ទេ អាមេរិកកាំង​ដុត​គ្រប់​ទីកន្លែង ដុត​នេះ​យក​អ្វី​ទៅ​ដុត គឺ យក​លុយ​ទៅ​ដុត ចិន​មិនមាន​កងទ័ព​នៅ​លើ​ប្រទេស​ណា​ទេ​គឺ​មានតែ​រោងចក្រ និង​ពាណិជ្ជកម្ម​។​ ចិន​បាន​ដើរ​តួនាទី​៤​គឺ ទី​១​ជា​ជន្លេន ទី​២ ឃ្មុំ ទី​៣ ឥន្ទ្រី និង​ទី​៤​ជា​ត្រី​ផ្សោត​។

លោក​បណ្ឌិត​បាន​បន្ត​ថា ជា​ឃ្មុំ អាណា​ឆ្ងាញ់ៗ​ដើរ​ប៊ឺ​ត យក​ខ្ចេ​ច អាមេរិកកាំង ចេះតែ​វៃៗ​។ ជា​ជន្លេន យក​រ៉ែ។ ឥន្ទ្រី សំលឹង​មើល​កន្លែង​ធ្វើ​ពាណិជ្ជកម្ម​បាន​ធ្វើ ចិន​មិន​ខ្វល់ អត់​និយាយ​ពី​រឿង​សិទ្ធិមនុស្ស​អី​ទេ អ្នកឯង​យក​លុយ​ទៅ​តែ​កុំ​ភ្លេច​ទិញ​របស់​ចិន​ផង​។​មួយទៀត​ហោះ​ទៅ​សម្លឹង​មើល​សង្គមៗ​កម្ពុជា អាមេរិក​ធ្វើ​អាយ​ហ្វូ​ន អាយ​ហ្វូ​ន​សំរាប់​អ្នកមាន។

សម្រាប់​អ្នកក្រ​អត់​ទិញ​អាយ​ហ្វូ​ន​បានទេ ឥន្ទ្រី​សម្លឹង​មើល​ស៊ី​អាតូច អា​ធំ​កន្លែង​ណា​បាន ឥ​ញ្ចឹ​ង​មក​ស្រុក​ខ្មែរ​មាន​អា​មួយ​រយ អា​ហាសិប ចិន​ហូ​វៃ​បង្កើត​យក​ទាំងអស់​។ ​ជា​ផ្សោត គាត់​សម្លឹង​មើល​សមុទ្រ កន្លែង​ណា​ឆ្លងកាត់​ច្រើន ដូច្នឹង​ហើយ​ទើប​បង្កើត​បញ្ហា​សមុទ្រ​ចិន​ខាងត្បូង​។​ ឥ​ញ្ចឹ​ង​ចិន​កំពុង​ប៊ឺ​ត​យក​សេដ្ឋកិច្ច​អាមេរិក​ដោយ​ឥត​ដឹងខ្លួន​។​ ទីណា​មាន​ពន្លឺ​ទីនោះ​មាន​ចិន ឆា​ណា​ថោ​ន​មាន​គ្រប់​ទីកន្លែង។ ​ចិន​ចាក់​ចូល​៥​កន្លែង អាមេរិក​ចាក់​បានតែ​២​ទេ​គឺ​ប្រជាធិបតេយ្យ​និង​សិទ្ធិមនុស្ស​។ ម្ហូប​ចិន​ឆ្ងាញ់ ពី​ដើម​ខ្មែរ​ប្រើ​ដៃ​តែ​ឥឡូវ ប្រើ​ចង្កឹះ ផឹក​តែ​និង​វប្បធម៌ ចូលឆ្នាំ​ចិន ស្ងាត់​ខ្មែរ​ឈឹង ជាដើម​។

ពាក់​ព័ន្ធ​ទៅ​នឹង​អ្វី​ទៅ​ដែល​ពិភពលោក​នឹង​ទទួល​បាន​ពី​នយោបាយ​ថ្មី​របស់​សហរដ្ឋអាមេរិក ក្រោម​ការដឹកនាំ​របស់​លោក ចូ បៃ​ដិ​ន​” លោក​បណ្ឌិត្យសភា​ចា​រ្យ សុខ ទូច ថា លោក ចូ​បៃ​ដិ​ន ត្រូវ​កសាង​ចំណុច​មួយចំនួន ដែលជា​ការបាក់​បែករ​បស់​ដូ​ណា​ល់​ត្រាំ ទី​១ បែកបាក់​ផ្ទៃក្នុង​របស់​សហរដ្ឋអាមេរិក បែងចែក​ពណ៌​សប្បុរស អ្នកមាន​អ្នក​ក្រទី​២ ចូ បៃ​ដិ​ន ត្រូវ​រៀបចំ​សេដ្ឋកិច្ច​អាមេរិក ដោយសារ​កូ​វីត​១៩ ដែល​ដូ​ណា​ល់​ត្រាំ បាន​ជាន់​កំទេច ទី​៣ ត្រូវ​គិត​ពី​រឿង​អឺរ៉ុប ព្រោះ​បែកបាក់ ដោយ​ដូ​ណា​ល់​ត្រាំ​បាន​ដក​ប្រេសិត​របស់​អង់គ្លេស​ចេញពី​សហគមន៍​អឺរ៉ុប យើង​ដឹង​ថា ​អង់គ្លេស​ជា​ដៃស្តាំ​និង​ជា​ដៃគូ​ដ៏​ជិតស្និទ្ធ​របស់​អាមេរិក។​ រាល់​សង្គ្រាម​ទាំងអស់​គឺ​មាន​អង់គ្លេស​ចូល ឥ​ញ្ចឹ​ង​អាមេរិកកាំង​គឺ​អង់គ្លេស​ហ្នឹងឯង​ជា​ធាតុ​ដើម​អ្នកបង្កើត​។ លោក ចូ បៃ​ដិត ត្រូវធ្វើ​គឺ​អាមេរិកកាំង​បាន​ដុត​ខ្លួន​៦០​ឆ្នាំ​មក​ហើយ ហើយ​ចិន​បាន​ដេក​សំងំ​យក​ការ​ដុត​របស់​អាមេរិក​ក្លាយទៅជា​ស៊ុប​ភើ​ផៅ​វើ ដើម្បី​ប្រមូល​លុយ​ចូល​ទៅ​ក្នុង​ទីផ្សារ​ពិភពលោក ទប់​មិន​ជាប់​ទេ​សេដ្ឋកិច្ច​របស់​ចិន ពីព្រោះ​របស់​អាមេរិក​ផលិត​ខ្ពស់ៗ​បំផុត ហើយ​អាមេរិក​គិត​ប្រជាធិបតេយ្យ​។​ចិន​មិន​គិត​ទេ ហើយ​ការដែល​មិន​គិត​នេះហើយ ទើប​ប្រទេស​អាស៊ី​មួយ​ចំនួន​ធំ​បាន​ចាប់​យក​ចិន លើកលែងតែ​ជប៉ុន។

លោក​បណ្ឌិតសភា​ចា​រ្យ​សុខ​ទូច ប្រធាន​រាជបណ្ឌិត្យសភាកម្ពុជា​បាន​មានប្រសាសន៍​នៅក្នុង​កិច្ចពិភាក្សា​តុមូល​ស្តី​ពី​អ្វី​ទៅ​ដែល​ពិភពលោក​នឹង​ទទួល​បាន​ពី​នយោបាយ​ថ្មី​របស់​សហរដ្ឋ​អាម៉េរិក​ក្រោម​ការដឹកនាំ​របស់លោក​ចូ បៃ​ដិ​ន​” ដែល​បាន​ធ្វើឡើង​នា​ថ្ងៃទី​៨​ខែកុម្ភៈ​ឆ្នាំ​២០២១​នៅ​រាជបណ្ឌិត្យសភាកម្ពុជា​ដោយមាន​ការអញ្ជើញ​ចូលរួម​ពី​វាគ្មិន​ល្បីៗ​មួយចំនួន​នៅ​កម្ពុជា​ដូចជា បណ្ឌិត មាស នី លោក ពុ​យ​គា លោក​ប៉ែន​បូ​ណា លោក ហ្ស​ង់​ហ្វ្រ​ង់​ស័​រ តាន់ និង​មានការ​សម្របសម្រួល​ពី​សំណាក់​លោក​បណ្ឌិត គិ​នភា ប្រធាន​វិទ្យាស្ថាន​ទំនាក់ទំនង​អន្តរជាតិ​នៃ​កម្ពុជា​។

ជា​រួម អ្នកវិភាគ​យល់ថា បើ​ទោះបី​ជា​សាធារណរដ្ឋ​ឬ​ប្រជាធិបតេយ្យ​ជា​អ្នកដឹកនាំ​ក៏​មិន​មាន​អ្វី​ឲ្យ​ប្រែប្រួល​ខ្លាំង​សម្រាប់​ប្រទេស​មហាអំណាច​នោះដែរ ព្រោះ​អ្វី​ដែល​ប្រែប្រួល​នោះ​គឺ​គ្រាន់តែ​ជា​ស្ទាញ​នៃ​ការដឹកនាំ​ប្រទេស​តែប៉ុណ្ណោះ​៕

ដោយ ៖ វ​ត្តី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ22 mins ago

ស្ត្រី​ជា​កម្មករ​រើស​គ្រាប់ស្វាយ​ចន្ទី​ម្នាក់​ បាន​ពុល​ស្លាប់ ក្រោយខ្នប់​ពង​គីង្គក់​ធ្វើជា​អាហារ​

ព័ត៌មានអន្ដរជាតិ27 mins ago

ថៃ រកឃើញអ្នកឆ្លងកូវីដ ៦៥ករណីទៀត

ព័ត៌មានជាតិ1 hour ago

អាជ្ញាធរខេត្ត​ព្រៃវែង​ បិទ​គ្លីនិក​មួយ​នៅ​អ្នក​លឿង​ បន្ទាប់ពី​មាន​ផ្ទុះ​ជំងឺ​កូ​វីដ​១៩

ព័ត៌មានជាតិ1 hour ago

លោក ឃួ​ង ស្រេង ​ជំរុញ​ឲ្យ​អាជ្ញាធរ​ខណ្ឌ​ទាំង​១៤ ចុះ​ស្រង់​ស្ថិតិ​ប្រជាពលរដ្ឋ ពិសេស​អាយុ​ចាប់ពី​៦០​ឆ្នាំ​ឡើង ដើម្បី​​ចាក់​វ៉ាក់សាំង

សេចក្ដីជូនដំណឹង2 hours ago

ឯកឧត្តម ឃួង ស្រេង ផ្ញើសារថ្វាយព្រះពរ សម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងឱកាសទិវានារីអន្តរជាតិ

Sokha Hotels

ព័ត៌មានពេញនិយម

Helistar Cambodia - Helicopter Charter Services