ACU បើកយុទ្ធនាការផ្សព្វផ្សាយ​ទិវាប្រយុទ្ធប្រឆាំងអំពើពុករលួយ នៅខេត្តព្រៃវែង

នៅព្រឹកថ្ងៃទី២០ ខែវិច្ឆិកា ឆ្នាំ២០៣ នៅសាលាខេត្តព្រៃវែង អង្គភាពប្រឆាំងអំពើពុករលួយ(ACU) បានចូលរួម​ជាមួយ​រដ្ឋបាលខេត្តព្រៃវែង ធ្វើការផ្សព្វផ្សាយអបអរសាទរទិវាជាតិ-អន្តរជាតិប្រយុទ្ធប្រឆាំងអំពើពុករលួយ ថ្ងៃទី០៩ ខែធ្នូ ឆ្នាំ២០២៣ ខាងមុខនេះ។

ក្នុងនោះដែរអង្គភាពប្រឆាំងអំពើពុករលួយ ក៏បានចុះបិទ poster តាមមន្ទីរអង្គភាព ទាក់ទងទៅនឹងខ្លឹមសារ​ពាក្យ​ស្លោកមួយចំនួន អំពីការប្រយុទ្ធប្រឆាំងអំពើពុករលួយ មានពាក្យស្លោកថា «ការយល់ដឹងពីសេវាសាធារណៈ គឺរួមចំណែកប្រយុទ្ធប្រឆាំងអំពើពុករលួយ», «អ្នកស៊ីសំណូក និងអ្នកសូកប៉ាន់មានទោសដូចគ្នា» ជាដើម។

សូមបញ្ជាក់ថា ទិវាប្រឆាំងអំពើពុករលួយអន្តរជាតិ ៩ ធ្នូ បានកកើតឡើង បន្ទាប់ពីមហាសន្និបាត អង្គការសហប្រជាជាតិ (UN) បានអនុម័តជាឯកច្ឆន្ទ លើអនុសញ្ញាអង្គការសហប្រជាជាតិ ប្រឆាំងអំពើពុករលួយ ឬ UNCAC ឆ្នាំ ២០០៣ នៅពេលដែលប្រទេសសមាជិកចំនួន ១៩១ របស់អង្គការសហប្រជាជាតិ រួមទាំងប្រទេសកម្ពុជាផងដែរ បានចូលរួម​ក្នុងការចុះហត្ថលេខាលើអនុសញ្ញា។

ដោយឡែកសម្រាប់កម្ពុជា ប្រសិនបើមានករណីអំពើពុករលួយ សាធារណជនអាចរាយការណ៍ទៅកាន់អង្គភាព​ប្រឆាំងអំពើពុករលួយតាមរយ៖

ទូរស័ព្ទ : 1282 (ដោយឥតគិតថ្លៃ)

ទូរស័ព្ទ : 023 221 653

(រាល់ការរាយការណ៍ពីអំពើពុករលួយត្រូវបានរក្សាជាការសម្ងាត់បំផុត)៕

អត្ថបទ ៖ សៅគ្រី