ព័ត៌មានជាតិ

កាន់តែប្លែកទៀតហើយ! ធនាគារអេស៊ីលីដា លែងតម្រូវឲ្យអតិថិជនបង់ប្រាក់បញ្ញើដំបូង ពេលបើកគណនីបញ្ញើសំចៃ

បានផុស

៣ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

លោកស្រី សុខ សោភា នាយិកា ប្រតិបត្តិទីផ្សារ បានមានប្រសាសន៍ថា ចាប់ពីពេលនេះតទៅ ធនាគារអេស៊ីលីដាភីអិលស៊ី លែងតម្រូវឲ្យអតិថិជនដាក់ប្រាក់បញ្ញើដំបូងនិងមានសមតុល្យអប្បបរមាទៀតហើយ ដើម្បីជួយសម្រួលដល់អតិថិជនកាន់តែមានភាពងាយស្រួលថែមទៀត ពេលមកបើកគណនីបញ្ញើសំចៃនៅធនាគារអេស៊ីលីដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានបន្តថា កាលពីមុនអតិថិជនដែលមានបំណងចង់បើគណនីបញ្ញើសំចៃ ត្រូវតម្កល់ប្រាក់ចំនួន១០ដុល្លារសម្រាប់គណនីជាដុល្លារនិង១ម៉ឺនរៀលសម្រាប់គណនីលុយខ្មែរ តែប្រាក់នេះអតិថិជនចង់បើកវិញពេលណាក៏បាន ។
លោកស្រីបានពន្យល់ថា«ការដែលធនាគារតម្រូវឲ្យអតិថិជនតម្កល់ប្រាក់នេះ មិនមែនខាងធនាគារយកលុយពីអតិថិជនទេ។ ប្រាក់ដែលតម្កល់នោះ ជាលុយរបស់អតិថិជន។ បានន័យថាបើគាត់មាន១០ដុល្លារឬ១ម៉ឺនរៀល នៅក្នុងគណនីគាត់អាចប្រើពេលណាក៏បានដែរ ហើយឈប់យល់ច្រឡំថាលុយ ដែលតម្កល់ធនាគារយកទុកមិនមែនយកទុកទេវាជាលុយរបស់គាត់»។

លោកស្រីបានបន្ថែមថា«ដើម្បីឲ្យអតិថិជនកាន់តែងាយស្រួលថែមទៀតនោះ ធនាគារមិនតម្រូវឲ្យមានប្រាក់បញ្ញើដំបូងនិងមិនតម្រូវឲ្យមានសមតុល្យអប្បបរមាឡើយក្នុងគណនី អីចឹងគាត់ចង់ប្រើវារហូតដល់គណនីគាត់សូន្យក៏បានដែរ»។
លោកស្រីបានបញ្ជាក់បន្ថែមថា បញ្ញើសំចៃគឺមិនប្រើសែកទេគឺអាចដកបានតាមរយៈម៉ាស៊ីនទូអេធីអឹម នៅតាមបញ្ឈរនិងតាមអេស៊ីលីដាម៉ូបាលដោយមិនចាំបាច់មានតម្កល់ប្រាក់ដូចមុននោះទេ៕