​ប្រមុខដឹកនាំកម្ពុជាអះអាងថា គណបក្សប្រជាជនមិនដែល​ក្បត់សន្យាជាមួយប្រជាពលរដ្ឋ​

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍នៅថ្ងៃទី ២១ ខែវិច្ឆិកា ថា ការបោះឆ្នោតប្រៀបដូចជាកុងត្រា គណបក្សដែលឈរឈ្មោះបោះឆ្នោតបានចុះកិច្ចសន្យាជាមួយប្រជាពលរដ្ឋហើយ ព្រោះមុនពេលបោះឆ្នោតយើងដាក់គោលនយោបាយសម្រាប់ប្រជាពលរដ្ឋថា ខ្ញុំនឹងអនុវត្តគោលនយោបាយនេះ ដើម្បីបម្រើប្រជាពលរដ្ឋ។

សម្ដេចធិបតី ហ៊ុន ម៉ាណែត៖ «ឥឡូវប្រជាពលរដ្ឋឃើញគោលនយោបាយល្អ ហើយឃើញអ្នកដែលដាក់គោលនយោ បាយគឺជាអ្នកប្រាកដប្រជា មិនមែនអ្នកកញ្ឆក់កណ្ដៀត គឺអ្នកប្រាកដកនិយម មិនមែនស៊ីអារម្មណ៍និយមនោះទេ អ្នកនៅជាមួយប្រជាពលរដ្ឋ មិនមែនអ្នកជាទន្សាយនោះទេ»។

សម្ដេចធិបតី ហ៊ុន ម៉ាណែតបន្តថា៖ «នៅក្នុងអាណត្តិនេះ យើងបានដាក់ចេញនូវគោលនយោបាយវិធានការដើម្បីបំពេញកុងត្រាដើម្បីប្រជាពលរដ្ឋ ហើយបងប្អូនជឿចុះគណបក្សប្រជាជនមិនដែលក្បត់កុងត្រាខ្លួនឯង បញ្ចេញកុងត្រាចេះដល់ចប់ អនុវត្តហែកចោល ដាក់កុងត្រាថ្មីនោះទេ គឺយើងមានតម្លាភាព យើងខិតខំជំរុញនូវអ្វីដែលយើងបានសន្យាជាមួយប្រជាជន»៕