ព័ត៌មានជាតិ

ផ្លូវមួយខ្សែប្រវែង ៣២ គីឡូម៉ែត្រ ក្នុងឃុំអំពិលប្រាំដើម ទទួលការជួសជុលចាក់ក្រាលគ្រួសក្រហមឡើងវិញ

បានផុស

៣ years មុន

នៅ

ថ្ងៃសុក្រ ២២ ធ្នូ ២០២៣

ដោយ

ប្រជាពលរដ្ឋរស់នៅក្នុងឃុំអំពិលប្រាំដើម ស្រុកបវេល ខេត្តបាត់ដំបងបានសម្ដែងការត្រេកអរនិងសប្បាយចិត្ត ក្រោយផ្លូវមួយខ្សែប្រវែង ៣២គីឡូម៉ែត្រ ទទួលបានការស្តារនិងជួសជុលចាក់ក្រាលគ្រួសក្រហមឡើងវិញបន្ទាប់ពីរងការខូចខាតពីជំនន់ទឹកភ្លៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវមួយខ្សែនេះស្ថិតក្នុងឃុំអំពិលប្រាំដើម ស្រុកបវេល ដែលជាខ្សែផ្លូវដង្ហើមសេដ្ឋកិច្ចដ៏សំខាន់មួយសម្រាប់ប្រជាកសិករធ្វើចរាចរនិងដឹកកសិផលគ្រប់ប្រភេទចូលទីផ្សារ។

ក្រោមការគិតគូរយ៉ាងយកចិត្តទុកដាក់ពីមន្ត្រីជំនាញបានធ្វើការស្តារនិងជួសជុលជូនប្រជាពលរដ្ឋឆ្លើយតបឲ្យបានឆាប់រហ័សដើម្បីកុំឲ្យពលរដ្ឋជួបការលំបាកតទៅទៀត។

នៅក្នុងសកម្មភាពស្តារជួសជុលផ្លូវមួយខ្សែនេះ ប្រជាពលរដ្ឋបានសំដែងការសាទរចំពោះអាជ្ញាធរដែលខិតខំដោះស្រាយជូនប្រជាពលរដ្ឋនៅក្នុងមូលដ្ឋានបានទាន់ពេលវេលា។

លោក ព្រួញ រិទ្ធថា ប្រធានមន្ទីរសាធារណការខេត្តបានគូសបញ្ជាក់ថា រាល់ហេដ្ឋារចនាសម្ព័ន្ធផ្លូវថ្នល់ថ្នាក់ដឹកនាំខេត្ត-មន្ទីរ និងមន្ត្រីពាក់ព័ន្ធតែងតែចុះពិនិត្យវាយតម្លៃក្នុងការស្តារឡើងវិញនៅគ្រប់តាមបណ្ដាស្រុកដែលងាយរងគ្រោះពីជំនន់ទឹកភ្លៀងជាបន្តបន្ទាប់។ ចំណែកផ្លូវមួយខ្សែដែលមានប្រវែង ៣២ គីឡូម៉ែត្រនេះស្ថិតនៅក្នុងឃុំអំពិលប្រាំដើមក្នុងស្រុកបវេលក៏ត្រូវស្តារជួសជុលជិតរួចរាល់ហើយដែរ៕

អត្ថបទ៖ សៅ សារិទ្ធ