ព័ត៌មានជាតិ
ក្រុមការងារចុះជួយឃុំទួលព្រះឃ្លាំង រៀបចំពិសារនំបញ្ចុកសាមគ្គីជាមួយអ្នកភូមិ ដេីម្បីអបអរថ្ងៃជ័យជំនះ ៧មករា
ដេីម្បីចូលរួមអបអរសាទរទិវាថ្ងៃជ័យជំនះ ៧មករា (១៩៧៩-២០២៤) និងធ្វេីការផ្សព្វផ្សាយមហាស្ននិបាតវិសាមញ្ញតំណាងទូទាំងប្រទេស ក្រុមការងារគណបក្សប្រជាជនកម្ពុជាចុះមូលដ្ឋានឃុំទួលព្រះឃ្លាំង បានរៀបចំពិធីសំណេះសំណាល និងពិសារនំបញ្ចុកសាមគ្គីក្រោមដំបូលសន្តិភាព។
លោកវេជ្ជបណ្ឌិត គីមសួ ភិរុណ ប្រធានក្រុមការងារគណបក្សចុះជួយឃុំទួលព្រះឃ្លាំងនៃស្រុកស្ទឹងត្រង់ បានបញ្ជាក់ថា ការរៀបចំកម្មវិធីជួបជុំបងប្អូនប្រជាពលរដ្ឋជាង២ពាន់នាក់នេះ គឺចូលរួមអបអរសាទរទិវាថ្ងៃជ័យជំនះ ៧មករា(១៩៧៩-២០២៤) និងធ្វេីការផ្សព្វផ្សាយមហាស្ននិបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជាជូនដល់សមាជិកសមាជិកានិងប្រជាពលរដ្ឋរស់នៅក្នុងឃុំទួលព្រឃ្លាំងទាំងមូល។ លោកប្រធានក្រុមការងារ បន្ថែមទៀតថា មិនត្រឹមតែមានការសំណេះសំណាលនោះទេ ក្រុមការងារបានរៀបចំអាហារគឺនំបញ្ចុកសាមគ្គីនិងមានកម្មវិធីចាប់ឆ្នោតត្រូវរង្វាន់ និងរាំលេងកម្សាន្តសប្បាយ។
បេីរំលឹកកាលពី៤៥ឆ្នាំមុន ជាតិ និងប្រជាជនកម្ពុជាគ្រាន់តែជាមនុស្សនៅសល់តែដង្ហើម ដែលរៀបនឹងស្លាប់តែប៉ុណ្ណោះ ព្រោះរបបខ្មែរក្រហម ប៉ុល ពត ដែលបានឡើងកាន់អំណាចចន្លោះពីថ្ងៃទី១៧ ខែមេសា ឆ្នាំ ១៩៧៥ ដល់ថ្ងៃទី៦ ខែមករា ឆ្នាំ១៩៧៩ បានកាប់សម្លាប់មនុស្សដោយគ្មានត្រាប្រណី និងបានបំផ្លិចបំផ្លាញខឿនសេដ្ឋកិច្ច សង្គម វប្បធម៌ និងហេដ្ឋារចនាសម្ព័ន្ធគ្រប់វិស័យទាំងអស់ ស្ទើរគ្មានសល់។
ពលរដ្ឋដែលធ្លាប់ឆ្លងកាត់របប៣ឆ្នាំ៨ខែ២០ថ្ងៃ ក៍ដូចពលរដ្ឋទូទាំងប្រទេស បានយកថ្ងៃ៧មករា គឺជាថ្ងៃកំណើតទី២ ជាថ្ងៃដែលផ្តល់កំណើតឱ្យពួកគេមានថ្ងៃនេះ មានសព្វ មានគ្រប់ មានអ្វីៗដោយសារថ្ងៃ ៧មករា បានរំដោះប្រជាជនកម្ពុជា ចេញពីរបបប្រល័យពូជសាសន៍ ប៉ុល ពត ដឹកនាំរយៈពេល ៣ឆ្នាំ ៨ខែ និង២០ថ្ងៃ ដែលបានសម្លាប់ជាតិសាសន៍ឯង យ៉ាងរង្គាលព្រៃផ្សៃបំផុត មិនធ្លាប់មានក្នុងប្រវត្តិសាស្រ្តពិភពលោក។ ពួកគាត់ បន្តទៀតថា ពួកគាត់មិនចង់ឲ្យមានរបបនេះកេីតឡេីងម្តងទៀតឡេីយ ពោលគឺរួមគ្នាថែរក្សាសុខសន្តិភាព និងចូលរួមចំណែកកសាងសង់អភិវឌ្ឍន៍សង្គមជាតិឲ្យកាន់តែរីកចម្រេីន និងជឿនលឿនតទៅមុខទៀត៕
អត្ថបទ៖ ឡេក ចាន់ពេជ្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី