Connect with us

ព័ត៌មានជាតិ

អភិបាលរងខេត្តសៀមរាប៖ រដ្ឋាភិបាលទុកការអប់រំជាវិស័យសំខាន់ក្នុងការអភិវឌ្ឍធនធានមនុស្ស ឆ្ពោះទៅរកចំណូលកម្រិតខ្ពស់

បានផុស

នៅ

លោក ពិន ប្រាកដ អភិបាលរងខេត្តសៀមរាប បានលើកឡើងថា រាជរដ្ឋាភិបាលកម្ពុជា ចាត់ទុកការអប់រំជាវិស័យមួយដ៏សំខាន់ក្នុងការអភិវឌ្ឍមូលធនមនុស្សដើម្បីនាំកម្ពុជាឆ្ពោះទៅកាន់ប្រទេសដែលមានចំណូលមធ្យមកម្រិតខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកលើកឡើងបែបនេះនៅក្នុងពិធីប្រគល់សញ្ញាបត្របណ្តោះអាសន្ន មធ្យមសិក្សាបឋមភូមិ និងមធ្យមសិក្សាទុតិយភូមិ ដល់សិស្សានុសិស្សជ័យលាភីឆ្នាំសិក្សា២០២២-២០២៣ និងផ្ដល់បណ្ណសរសើរដល់សិស្សពូកែ និងលោកគ្រូ អ្នកគ្រូមានស្នាដៃឆ្នើម នាព្រឹកថ្ងៃទី១៣ ខែមករា ឆ្នាំ២០២៤នេះ។ លោកបានបន្តទៀតថា បច្ចុប្បន្ន ការអប់រំត្រូវផ្តោតសំខាន់ទៅលើការកសាងជំនាញ និងការផ្តល់ឱកាសដល់សិស្សគ្រប់រូបក្នុងការទទួលបាននូវចំណេះដឹងមូលដ្ឋាន ដើម្បីឈានទៅសិក្សាលើចំណេះជំនាញបច្ចេកទេស និងជំនាញឯកទេសផ្សេងៗ ដើម្បីសម្រេចបានការអភិវឌ្ឍដែលផ្តល់អត្ថប្រយោជន៍ពេញលេញដល់គ្រប់ស្រទាប់យុវជន។

ការរីកចម្រើនលើវិស័យអប់រំ និងវិស័យផ្សេងៗទៀតក្នុងខេត្តសៀមរាប ក៏ដូចជានៅទូទាំងប្រទេស គឺផ្តើមចេញពីឆន្ទៈដ៏មោះមុតរបស់រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី បានកសាងមាតុភូមិកម្ពុជាឱ្យទទួលបាននូវសុខសន្តិភាព និងការអភិវឌ្ឍប្រកបដោយភាពរីកចម្រើនថ្កុំថ្កើងរុងរឿង។ នេះបើតាមការបញ្ជាក់របស់លោក ពិន ប្រាកដ។

អភិបាលរងខេត្តក៏បានវាយតម្លៃខ្ពស់ និងកោតសរសើរចំពោះគណៈគ្រប់គ្រង បុគ្គលិក និងលោកគ្រូអ្នកគ្រូនៃសាលាអន្តរជាតិភ្យូឆឺរប្រាយ ដែលបានខិតខំប្រឹងប្រែងអស់ពីកម្លាំងកាយចិត្ត និងប្រាជ្ញាក្នុងការបំពេញការងារតាមតួនាទីភារកិច្ចរៀងៗខ្លួន នាំឱ្យសាលាមានកេរ្តិ៍ឈ្មោះល្បីល្បាញក្នុងប្រទេសកម្ពុជា ជាពិសេសខេត្តសៀមរាប។ លោកក៏បានកោតសរសើរដោយស្មោះចំពោះ សិស្សានុសិស្សជ័យលាភី សិស្សានុសិស្សរៀនពូកែ និងគ្រូបង្រៀនឆ្នើមទាំងអស់ ដែលបានខិតខំប្រឹងប្រែងបង្រៀន និងរៀនសូត្ររហូតទទួលបានជ័យលាភីនាពេលនេះ។

ជាមួយគ្នានោះដែរ លោកក៏សុំស្នើដល់គណៈគ្រប់គ្រងសាលាអន្តរជាតិភ្យូឆឺរប្រាយ ត្រូវខិតខំប្រឹងប្រែងបន្ថែមទៀត លើការបណ្តុះបណ្តាលកម្មវិធីសិក្សាកម្រិតមត្តេយ្យសិក្សា កម្មវិធីសិក្សាចំណេះទូទៅគ្រប់កម្រិតសិក្សា និងកម្មវិធីសិក្សាភាសាអង់គ្លេសប្រកបដោយគុណភាពកម្រិតស្តង់ដាជាតិ និងអន្តរជាតិ ដើម្បីផ្តល់ចំណេះដឹង បំណិន ជំនាញ និងឥរិយាបទដល់សិស្សានុសិស្សឱ្យឆ្លើយតបទៅនឹងបរិបទអប់រំអាស៊ាន និងអន្តរជាតិ សំដៅធានាឱ្យពួកគេអាចធ្វើការងារ ព្រមទាំងរស់ក្នុងយុគ្គសម័យសាកលភាវូបនីយ៍កម្ម និងសង្គមពុទ្ធិ និងពង្រីកវិសាលភាពបណ្តុះបណ្តាលនៅតាមបណ្តាខេត្ត និងរាជធានីភ្នំពេញ ដើម្បីផ្តល់ឱកាសឱ្យអ្នកសិក្សាបានចូលរៀន និងទទួលបានគុណភាពអប់រំពិតប្រាកដ ស្របតាមចក្ខុវិស័យរបស់រាជរដ្ឋាភិបាលកម្ពុជា និងផែនការយុទ្ធសាស្ត្រក្រសួងអប់រំ យុវជន និងកីឡាទៀតផង។

លោក ម៉ាន់ វុឌ្ឍី ប្រធាននាយកដ្ឋាន នៃសាលាអន្តរជាតិភ្យូឆឺរប្រាយ បានឲ្យដឹងថា សាលាបានប្តេជ្ញាចិត្តខ្ពស់ក្នុងការបណ្តុះបណ្តាលសិស្សានុសិស្សចាប់ពីកម្រិតមត្តេយ្យសិក្សា កម្មវិធីសិក្សាចំណេះទូទៅគ្រប់កម្រិតសិក្សា និងកម្មវិធីសិក្សាភាសារអង់គ្លេសដោយប្រើប្រាស់វិធីសាស្ត្របង្រៀនបែបទំនើបកម្មស្របតាមគោលការណ៍ណែនាំរបស់ក្រសួងអប់រំ ដើម្បីផ្តល់ចំណេះដឹង បំណិន ជំនាញ និងឥរិយាបថល្អដល់សិស្សានុសិស្សប្រកបដោយគុណភាពកម្រិតស្តង់ដាជាតិ និងអន្តរជាតិ ដែលពួកគេអាចប្រឡងសិស្សពូកែទូទាំងប្រទេស សំដៅបន្តការសិក្សាកម្រិតឧត្តមសិក្សាក្នុង និងក្រៅប្រទេសប្រកបដោយជោគជ័យ។

លោក ម៉ាន់ វុឌ្ឍី បានបន្តថា ជាក់ស្ដែងសម្រាប់ឆ្នាំសិក្សា២០២២-២០២៣នេះ សម្រាប់ការប្រឡងសញ្ញាបត្រមធ្យមសិក្សាបឋមភូមិមានសិស្សចំនួន ១២៩នាក់ ប្រឡងជាប់ទាំង ១២៩នាក់ ស្មើនឹង១០០ភាគរយ និងសិស្សប្រឡងជាប់សញ្ញាបត្រមធ្យមសិក្សាទុតិយភូមិចំនួន ១២៦នាក់ ស្មើនឹង ៩៣ភាគរយ ក្នុងនោះនិទ្ទេស A ចំនួន ២១នាក់, និទ្ទេស B ចំនួន ៣៤នាក់ និងនិទ្ទេស C ចំនួន ៣៥នាក់៕

ដោយ៖ គឿន វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ពលរដ្ឋរស់នៅសង្កាត់កាចាញ ទទួលបានផ្លូវបេតុងអាមេប្រវែង៤០០ម៉ែត្រ ពីគម្រោងមូលនិធិឃុំ សង្កាត់ ២០២៤

ព័ត៌មានជាតិ៣០ នាទី មុន

កសិករដាំល្ងនៅស្រុកភ្នំព្រឹក ត្អូញត្អែរពីរឿងល្ងខូចដោយសារអាកាសធាតុក្តៅខ្លាំង

ព័ត៌មានអន្ដរជាតិ៣៣ នាទី មុន

លោក ត្រាំ ក្លាយជាប្រធានាធិបតីអាមេរិកដំបូងគេ ត្រូវបានកាត់ទោសពីបទឧក្រិដ្ឋធ្ងន់ធ្ងរ

សេចក្ដីជូនដំណឹង១០ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១០ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២៣ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង១០ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៥ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៥ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

វប្បធម៌ ជំនឿ១៧ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម