Connect with us

ព័ត៌មានជាតិ

ខេត្តសៀមរាប គ្រោងរៀបចំព្រឹត្តិការណ៍ជាច្រើន ដើម្បីឱ្យបុណ្យទន្លេលើកទី៨ មានភាពទាក់ទាញកាន់តែខ្លាំង

បានផុស

នៅ

តាមការគ្រោង បុណ្យទន្លេលើកទី៨ ដែលធ្វើឡើងនៅខេត្តសៀមរាប នឹងធ្វើនៅលើទីតាំងសួនច្បារកន្លែងហាត់ប្រាណមុខព្រះរាជដំណាក់ និងនៅតាមដងស្ទឹងសៀមរាប។ អាជ្ញាធរខេត្តសៀមរាប មានគម្រោងរៀបចំព្រឹត្តិការណ៍ជាច្រើន ដើម្បីឱ្យបុណ្យទន្លេលើកទី៨ នេះ មានភាពទាក់ទាញកាន់តែខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះ នឹងត្រូវរៀបចំឱ្យសម្បូរបែបដូចជា ទស្សនីយភាពសិល្បៈ ការតាំងពិព័រណ៍ និងសកម្មភាពកម្សាន្តផ្សេងៗ ការប្រណាំងកង់ ការរត់កម្សាន្ត ការប្រណាំងទូក ការប្រកួតវាយកូនគោល និងការរៀបចំទីតាំងសម្រាប់ប្រារព្ធពិធីបើកជាផ្លូវការ និងទីតាំងកម្មវិធីតន្ត្រីកម្សាន្តនានាក្នុងខេត្ត ដើម្បីទាក់ទាញភ្ញៀវទេសចរជាតិ និងអន្តរជាតិឱ្យបានច្រើនមកទស្សនាក្នុងអំឡុងពេលបុណ្យទន្លេនោះ។ លើសពីនេះ អ្នកពាក់ព័ន្ធ ក៏នឹងពិនិត្យមើលអំពីលទ្ធភាពពន្លាតទីតាំងកម្សាននានា នៅតាមបណ្តារមណីយដ្ឋានទេសចរណ៍ដែលនៅមាត់បឹងទន្លេសាបផងដែរ។

បន្ថែមពីនេះ ដើម្បីឱ្យព្រឹត្តិការណ៍បុណ្យទន្លេលើកទី៨ កាន់តែមានភាពទាក់ទាញកាន់តែខ្លាំងបន្ថែមទៀត អាជ្ញាធរខេត្តសៀមរាប បានបើកកិច្ចប្រជុំជាបន្ទាន់មួយ ដើម្បីស្វែងរកធាតុចូលនានាពីបណ្តាមន្ទីរអង្គរភាព និងវិស័យឯកជន នាព្រឹកថ្ងៃទី៧ ខែកុម្ភៈ ឆ្នាំ២០២៤។ នៅក្នុងកិច្ចប្រជុំនោះ ទាំងវិស័យឯកជន និងមន្ទីរអង្គភាពនានា បានលើកឡើងនូវគំនិតផ្តួចផ្តើមនានាជាច្រើនសម្រាប់បង្កើនភាពទាក់ទាញ និងមានអត្ថន័យអប់រំផងដែរ។ គំនិតផ្តួចផ្តើមទាំងនោះ មានដូចជា ការរៀបចំបង្ហាញនូវរូបភាពត្រីទឹកសាប ជាពិសេស ប្រភេទត្រីដែលជិតផុតពូជ ការដាំកូនឈើនៅមាត់បឹងទន្លេសាប ការជិះទូកកម្សាន្តនៅសហគមន៍ទេសចរណ៍នានា ការរៀបចំប្រកួតប្រដាល់គុនខ្មែរ ការបង្ហាញនូវមុខម្ហូបរបស់ខ្មែរដែលផលិតអំពីសាច់ត្រីទឹកសាបកម្ពុជា ការប្រកួតគូគំនូររបស់កុមារដែលមានខ្លឹមសារអប់រំបរិស្ថាន ជាដើម។

លោក សំកុល សុចិត្រា អភិបាលរងខេត្តសៀមរាប បានបញ្ជាក់ថា ការលើកឡើងទាំងអស់នេះ គឺពិតជាបានផ្តល់នូវខ្លឹមសារសំខាន់សម្រាប់ដាក់ជូន អភិបាលខេត្តសៀមរាប ពិនិត្យ សម្រេចដាក់ជូនទៅខាងក្រសួងទេសចរណ៍ដែលជាអ្នករៀបចំពិធីបុណ្យ។​ លោកបញ្ជាក់ឱ្យដឹងថា បុណ្យទន្លេលើកទី៨ ដែលប្រារព្ធធ្វើនៅក្នុងខេត្តសៀមរាប គឺមានរយៈពេល៣ថ្ងៃ ចាប់ពីថ្ងៃទី១៦ ដល់១៨ ខែមីនា ឆ្នាំ២០២៤។ លោកថា បើគិតជារយៈពេលមិនមានពេលវេលាច្រើនប៉ុន្មាន ទេ ដូច្នេះលោករំពឹងថា ធាតុចូលសំខាន់ៗ នៅក្នុងកិច្ចប្រជុំនេះនឹងផ្តល់នូវប្រយោជន៍ ដើម្បីឱ្យព្រឹត្តិការណ៍នេះ កាន់តែប្លែក និងកាន់តែមានភាពទាក់ទាញបន្ថែមទៀត៕

អត្ថបទ៖ គឿន វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ វិនាទី មុន

សភាពាណិជ្ជកម្មខេត្តស្វាយរៀង សាងសង់ចំណតទូកដើម្បីសម្រួលដល់ការដឹកជញ្ជូនស្រូវរបស់កសិករទៅវៀតណាម

ព័ត៌មានជាតិ៥ នាទី មុន

សម្ដេចធិបតី ហ៊ុន ម៉ាណែត បញ្ជាក់ថា ទស្សនកិច្ចនៅថៃមានរយៈពេលខ្លី តែមានកិច្ចការជាច្រើនបានពិភាក្សា

ព័ត៌មានជាតិ៧ នាទី មុន

ខេត្តសៀមរាប គ្រោងរៀបចំព្រឹត្តិការណ៍ជាច្រើន ដើម្បីឱ្យបុណ្យទន្លេលើកទី៨ មានភាពទាក់ទាញកាន់តែខ្លាំង

ជីវិតកម្សាន្ដ១១ នាទី មុន

ក្រោយល្បីក្នុងរឿងពេស្យា ថៅកែ MGI ប្រកាសក្ដែងៗថា សុំដំឡើងថ្លៃខ្លួនរបស់ Engfa​ ហើយ

ព័ត៌មានអន្ដរជាតិ២៤ នាទី មុន

​ទាំងក្មេងចាស់នៅ ឡាវ សម្រុករៀនភាសា ចិន ព្រោះមានឱកាសទីផ្សារ​ការងារខ្ពស់​

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

ព័ត៌មានជាតិ៧ ថ្ងៃ មុន

អគ្គស្នងការដ្ឋាននគរបាលជាតិ ប្រារព្ធពិធីបំពាក់ឋានន្ដរស័ក្ដិ និងប្រកាសចូលកាន់តំណែង ដល់លោក ហែម សុវត្ថិ

Sokha Hotels

ព័ត៌មានពេញនិយម