ព័ត៌មានជាតិ

ផ្លូវជាតិលេខពីរ ធ្វើយឺតរដ្ឋមន្រ្តីចុះផ្ទាល់ឲ្យបន្ថែមគ្រឿងចក្រ និងឧស្សាហ៍ស្រោចទឹក

បានផុស

៥ years មុន

នៅ

ថ្ងៃសុក្រ ១៩ កុម្ភៈ ២០២១

ដោយ

រដ្ឋមន្ត្រីក្រសួងសាធារណការនិងដឹកជញ្ជូនបានលើកពីដំណើរការស្ថាបនាផ្លូវជាតិលេខ ២ មានភាពយឺតយ៉ាវជាងការគ្រោងទុក ដោយមកដល់ពេលនេះទើបសម្រេចបានជាង ២៧ ភាគរយប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ស៊ុន ចាន់ថុល បានលើកឡើង ពេលកំពុងចុះត្រួតពិនិត្យផ្ទាល់ការដ្ឋានផ្លូវជាតិលេខពីរនៅព្រឹកនេះ ដើម្បីត្រួតពិនិត្យគុណភាព និងការវិវឌ្ឍការស្ថាបនាផ្លូវជាតិមួយខ្សែនេះ។

ផ្លូវជាតិលេខពីរដែលមានប្រវែងជាង ៦០ គម តាមផែនការគ្រោងបញ្ចប់នៅខែមេសា ឆ្នាំ២០២២។ ប៉ុន្តែជាក់ស្តែងប្រើពេលជាងពាក់កណ្តាល ទើបតែសម្រេចបានជាង ២៧ ភាគរយប៉ុណ្ណោះ។

រដ្ឋមន្រ្តី ស៊ុន ចាន់ថុល សំណូមពរឲ្យក្រុមហ៊ុនត្រូវបន្ថែមគ្រឿងចក្រ ដើម្បីស្ថាបនាផ្លូវនេះឲ្យបញ្ចប់តាមការព្រមព្រៀង។ ជាមួយគ្នានេះត្រូវឧស្សាហ៍ស្រោចទឹក កុំឲ្យហ៊ុយដល់អ្នកធ្វើដំណើរ រួមទាំងការរៀបចំស្លាកសញ្ញាសុវត្ថិភាព កុំឲ្យមានគ្រោះថ្នាក់ដល់អ្នកបើកបរនៅពេលយប់។

ឯកឧត្តមបានថ្លែងបញ្ជាក់ថា ការយឺតយ៉ាវអាចត្រូវបានអនុគ្រោះបើសិនមានហេតុផលត្រឹមត្រូវ តែរឿងគុណភាពមិនអាចចរចាបានទេ បើស្ថាបនារួចតែពីដៃក្រសួងនឹងមិនអាចទទួលយកបានទេ។

ផ្លូវជាតិលេខពីរបានចាប់ផ្តើមបើកការដ្ឋានសាងសង់អំឡុងខែតុលា ឆ្នាំ២០១៩ ហើយគ្រោងបញ្ចប់នៅខែមេសា ២០២២។ តែជាក់ស្តែងការស្ថាបនាផ្លូវនេះមានភាពយឺតយ៉ាវ ហើយក្រសួងសាធារណការកំពុងជំរុញឲ្យក្រុមហ៊ុនយកចិត្តទុកដាក់ពន្លឿនការស្ថាបនាផ្លូវជាតិដែលស៊ីពេលយ៉ាងយូរនេះ ដែលរងការរិះគន់ពីប្រជាពលរដ្ឋ។

ការដ្ឋានស្ថាបនាផ្លូវមួយខ្សែនេះបែងចែកជាពីរកំណាត់គឺផ្លូវជាតិលេខ២ ចាប់ពីរង្វង់មូលតាខ្មៅ ដល់អូរចំបក់ប្រវែង ៦២,៥៦គីឡូម៉ែត្រ និងផ្លូវជាតិលេខ២២ ពីអូរចំបក់ ដល់អង្គតាសោម ប្រវែង ៩,៦១គីឡូម៉ែត្រ ស្ថិតក្នុងភូមិសាស្រ្ត ខេត្តតាកែវ។ គ្រោងចំណាយថវិកា ៥៦,១លានដុល្លារ ដែលជាហិរញ្ញប្បទាន ពីរដ្ឋាភិបាលកូរ៉េខាងត្បូង និងថវិកាបដិភាគរបស់រាជរដ្ឋាភិបាលកម្ពុជា៕

អត្ថបទ៖ ប៊ុណ្ណារ៉ា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា