ព័ត៌មានជាតិ
ក្រសួងអធិការកិច្ច៖ គ្មានរឿងទារប្រាក់ ៥ពាន់ដុល្លារ ពីមន្ទីរសេដ្ឋកិច្ចខេត្តកំពង់ធំ ជាថ្នូរនឹងការមិនត្រួតពិនិត្យឯកសារឡើយ
អ្នកនាំពាក្យក្រសួងអធិការកិច្ច បានចេញសេចក្តីប្រកាសព័ត៌មានមួយ ច្រានចោលការចោទប្រកាន់របស់ជនអនាមិក ដែលនិយាយមិនពិតថា មន្ត្រីក្រសួងអធិការកិច្ចបានទារប្រាក់ ៥ ពាន់ដុល្លារ ពីមន្ទីរសេដ្ឋកិច្ចខេត្តកំពង់ធំ ជាថ្នូរនឹងការមិនត្រួតពិនិត្យឯកសារ។ នេះបើតាមសេចក្តីប្រកាសព័ត៌មាន របស់ក្រសួងអធិការកិច្ច នាព្រឹកថ្ងៃសុកនេះ។
ការអះអាងនេះ គឺក្រោយមានជនអនាមិកមួយ បានទូរសព្ទចូលកម្មវិធីផ្សាយផ្ទាល់ជាសាធារណៈ របស់ស្ថានីយវិទ្យុ អេ ប៊ី ស៊ី (ABC) នៅថ្ងៃទី១៤ ខែមីនា ឆ្នាំ២០២៤ ដោយបានផ្តល់ព័ត៌មានមិនពិត និងចោទប្រកាន់មកលើមន្ត្រីក្រសួងអធិការកិច្ច ថាបានទារប្រាក់ចំនួន ៥០០០ ដុល្លារ ពីមន្ទីរសេដ្ឋកិច្ច និងហិរញ្ញវត្ថុខេត្តកំពង់ធំ ជាថ្នូរនឹងការមិនត្រួតពិនិត្យឯកសារ។
ពាក់ព័ន្ធនឹងរឿងនេះ អ្នកនាំពាក្យក្រសួងអធិការកិច្ច បានបដិសេធទាំងស្រុង និងបានចាត់ទុកការចោទប្រកាន់ ដោយគ្មានមូលដ្ឋានច្បាស់លាស់នេះ មានចរិតមូលបង្កាច់ បង្អួចកិត្តិយសស្ថាប័នរដ្ឋ បំពុលបរិយាកាសសង្គម ញុះញង់ និងបំភ្លៃការពិត ដែលធ្វើឱ្យសាធារណជនមានការភាន់ច្រឡំ។
ក្រោយជនអនាមិករូបនោះ និយាយបង្ខូចកិត្តិយសស្ថាប័នរដ្ឋហើយន ខាងស្ថានីយវិទ្យុ ABC បានព្យាយាមទាក់ទងទៅកាន់ជនអនាមិកនោះ ដើម្បីផ្តល់ការបញ្ជាក់បន្ថែមជាច្រើនលើកច្រើនសារ ប៉ុន្តែជននេះ មិនបានផ្តល់ការបំភ្លឺបន្ថែមអ្វីឡើយ មកដល់ពេលនេះ។ យ៉ាងណាមិញ ក្រសួងអធិការកិច្ច ក៏បានស្នើដល់អាជ្ញាធរមានសមត្ថកិច្ច និងស្ថាប័នពាក់ព័ន្ធ ជួយស្រាវជ្រាវលើករណីនេះ ដើម្បីស្វែងរកការពិត និងចាត់វិធានការតឹងរឹងតាមផ្លូវច្បាប់ផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ