ព័ត៌មានជាតិ
ក្រសួងអប់រំ ហាមការជួបជុំនិងសកម្មភាពកីឡា ដែលមានអ្នកចូលរួមលើសពី២០នាក់
ភ្នំពេញ ៖ ក្រសួងអប់រំយុវជននិងកីឡាបានហាមប្រាម មិនឲ្យមានការជួបជុំគ្នានិងសកម្មភាពកីឡាដែលមានអ្នកចូលរួមលើសពី២០នាក់ឡើយ ដើម្បីទប់ស្កាត់ការឆ្លងរីករាលដាលជំងឺកូវីដ១៩។
ការដាក់ចេញវិធានការនេះ បានធ្វើឡើងក្រោយប្រទេសកម្ពុជាមានករណីឆ្លងជំងឺកូវីដ១៩ចូលក្នុងសហគមន៍ដែលមានឈ្មោះថា«ព្រឹត្តិការណ៍សហគមន៍២០កម្ភៈ»ដោយបានរកឃើញអ្នកឆ្លងថ្មីចំនួន៣២នាក់។
លោកបណ្ឌិតសភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានឲ្យដឹងក្នុងសេចក្តីណែនាំស្ដីពីវិធានការសម្រាប់មន្ត្រីអប់រំបម្រើការនៅតាមអង្គភាពថ្នាក់ក្រោមជាតិក្នុងការបង្ការទប់ស្កាត់ការរាតត្បាតនៃកូវីដ១៩ ចុះថ្ងៃទី២០កុម្ភៈនេះថា ដើម្បីចូលរួមបង្ការនិងទប់ស្កាត់ការរាតត្បាតនៃជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈនេះក្រសួងអប់រំយុវជននិងកីឡាសូមណែនាំដល់មន្ត្រីអប់រំបម្រើការនៅតាមអង្គភាពថ្នាក់ជាតិទាំងអស់ត្រូវបន្តរឹតបន្តឹងការប្រុងប្រយ័ត្ននិងពង្រឹងការអនុវត្តប្រធានការ«៣ការពារនិង៣កុំឲ្យបានមួយម៉ឺងម៉ាត់ជាទីបំផុត។
លោករដ្ឋមន្ត្រីបានបន្តថា ផ្អាករាល់សកម្មភាពជួបជុំនឹងសកម្មភាពកីឡាដែលមានអ្នកចូលរួមលើសពី២០នាក់ឬត្រូវរៀបចំតាមរយៈប្រព័ន្ធ online ។ អនុញ្ញាតឲ្យមន្ត្រីអប់រំធ្វើការនៅតាមផ្ទះរៀងៗខ្លួនតាមប្រព័ន្ធអនឡាញនិងផ្អាកការត្រួតពិនិត្យវត្តមាន។ គ្រប់អង្គភាពត្រូវរៀបចំវេនការងារដើម្បីធានាកិច្ចការនៅការិយាល័យឲ្យមានដំណើរការជាប្រក្រតីនឹងមិនរាំងស្ទះដល់ការងាររបស់ស្ថាប័ន។
ត្រូវបន្តដាក់ឆ្លងឯកសារនិងបែងចែកឯកសារតាមប្រព័ន្ធឌីជីថលដូចជាតេឡេក្រាមឬវ៉សាអាប់។ថ្នាក់ក្រោមជាតិត្រូវតាមដាននិងរាយការណ៍ជាប្រចាំពីស្ថានភាពសុខភាពមន្ត្រី។មន្ត្រីអប់រំទាំងអស់ត្រូវពាក់ម៉ាសការពារឲ្យបានជាប់លាប់គ្រប់ពេលចេញចូលនិងពេលបំពេញការងារនិងរក្សាអនាម័យលាងសំអាតដៃនឹងសាប៊ូឬទឹកអាកុលជាប្រចាំហើយគ្រប់ច្រកចេញចូលត្រូវកំណត់ហើយមានការវាស់កំដៅនិងពាក់ម៉ាសជាប្រចាំក្នុងករណីមិនអនុវត្តតាមមិនត្រូវអនុញ្ញាតឲ្យចូលក្នុងបរិវេណជាដាច់ខាត។ ក្នុងករណីមានសង្ស័យ ឬ ភាពមិនប្រក្រតីដែលជារោគសញ្ញានៃជំងឺកូវីដ១៩ត្រូវទៅរាយការណ៍ឬទូរសព្ទទៅលេខ១១៥ជាបន្ទាន់៕
ដោយ ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)