ព័ត៌មានជាតិ

និស្សិតជាង១០០នាក់រៀបចំសង្ក្រាន្តឆ្នាំថ្មី ដើម្បីរក្សាវប្បធម៌ខ្មែរ

បានផុស

២ years មុន

នៅ

ថ្ងៃសៅរ៍ ៦ មេសា ២០២៤

ដោយ

ក្រុមសិស្សនិស្សិតជាង១០០នាក់បានរៀបចំកម្មវិធីសង្ក្រាន្តឆ្នាំថ្មី លេងល្បែងប្រជាប្រិយ នៅក្នុងបរិវេណសកលវិទ្យាល័យ ពាណិជ្ជសាស្ត្រ អេស៊ីលីដា ដើម្បីរក្សាអត្តសញ្ញាណវប្បធម៌ និងកេរ្តិ៍ដំណែលរបស់ដូចតាឱ្យនៅគង់វង្សយូអង្វែង។

លោក បណ្ឌិត ផុន ណារិន សាកលធិការនៃសកលវិទ្យាល័យ ពាណិជ្ជសាស្ត្រ អេស៊ីលីដាលោកពិតរំភើបខ្លាំងណាស់ក្រោយបានឃើញយុវជនជំនាន់ក្រោយយល់ច្បាស់ពីវប្បធម៌ អត្តសញ្ញាណប្រពៃណីជាតិ និងធ្វើឱ្យមានការទំនាក់ទងគ្នាឱ្យបានល្អ ហើយនេះជាការផុសចេញពីយុវវ័យជំនាន់ក្រោយដើម្បីរក្សាកេរ្តិ៍ដំណែលរបស់ដូនតាខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត ផុន ណារិន បានបន្តថា រយៈពេល២ឆ្នាំមកហើយ ក្រោយពីមានជំងឺរាតត្បាត កូវីដ១៩ ដែលសកលវិទ្យាល័យ ពាណិជ្ជសាស្ត្រ អេស៊ីលីដា បានរៀបចំសង្ក្រាន្តឆ្នាំថ្មីក៏មានដៃគូរសហការជាច្រើនចូលរួមផងដែរ តែអ្វីដែលប្លែកនោះគឺឆ្នាំនេះមានក្រុមនិសិ្សតបានបង្កើននឹងរៀបចំកម្មវិធីនេះដោយផ្ទាល់ នេះហើយគឺជាការមើលឃើញក៏ដូចជាការយល់ច្បាស់អំពីសង្ក្រាន្ត និងរក្សាវប្បធម៌ប្រពៃណីដូនតាឱ្យនៅជាអមតៈ ដោយសារតែអ្នកជំនាន់ក្រោយយល់ច្បាស់ដូចដូនតាជំនាន់មុនដែរ។

ជាមួយគ្នានេះផងដែរ កម្មវិធីក៏មានការលេងល្បែងប្រជាប្រិយ ចោលឈូង លាក់កន្សែង បោះអង្គុញ និងវាយក្អមផងដែរ ក៏មានការចូលរួមពីសំណាក់ក្រុមនិសិ្សត និងអាណាព្យាបាលច្រើនជាងឆ្នាំមុនៗទៅទៀត៕

ដោយ៖សុខា