Connect with us

ព័ត៌មានជាតិ

ស្អែក ប្រតិភូព្រឹទ្ធសភាបារាំង នឹងបំពេញទស្សនកិច្ចនៅកម្ពុជា ដើម្បីពង្រឹងកិច្ចសហប្រតិបត្តិការព្រឹទ្ធសភា

បានផុស

នៅ

តាមសេចក្ដីប្រកាសព័ត៌មានដែលចេញដោយស្ថានទូតបារាំងប្រចាំកម្ពុជា គណៈប្រតិភូនៃកុ្រមមិត្តភាពបារាំង-កម្ពុជារបស់ព្រឹទ្ធសភាបារាំង ដឹកនាំដោយលោក វ៉ាំងសង់ អេប្លេ សមាជិកព្រឹទ្ធសភា និងជាប្រធានក្រុមមិត្តភាពបារាំង-កម្ពុជា នឹងអញ្ជើញ​ បំពេញទស្សនកិច្ចនៅកម្ពុជារយៈពេល៤ថ្ងៃ គឺពីថ្ងៃទី១៦ដល់ថ្ងៃទី២០ ខែឧសភា ឆ្នាំ២០២៤ តបតាមការអញ្ជើញរបស់សម្តេច​អគ្គ​មហា​សេនា​បតី​តេជោ ហ៊ុន សែន ប្រធានព្រឹទ្ធសភាកម្ពុជា។

រូបថត លោក វ៉ាំងសង់ អេប្លេ សមាជិកព្រឹទ្ធសភា និងជាប្រធានក្រុមមិត្តភាពបារាំង-កម្ពុជា នៃព្រឹទ្ធសភាបារាំង
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីប្រកាសព័ត៌មាន ដំណើរទស្សនកិច្ចនេះមានគោលដៅ​ពង្រឹង​កិច្ច​សហ​ប្រតិ​បត្តិ​ការ​វាង​ស្ថាប័នព្រឹទ្ធសភានៃប្រទេសទាំងពីរ។រៀបចំឡើងក្នុងបរិបទនៃការផ្លាស់ប្តូរថ្នាក់ដឹកនាំនៃព្រឹទ្ធសភាកម្ពុជា ដំណើរទស្សនកិច្ចនេះឆ្លុះបញ្ចាំង​​ពីភាព​រស់រវើកនៃការពង្រឹងទំនាក់ទំនងរវាងប្រទេសកម្ពុជា និងប្រទេសបារាំង ស្របតាមការប្តេជ្ញាចិត្តមួយ​ដែល​ធ្វើ​ឡើង​នៅក្នុង ជំនួបរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោក អេម៉ានុយអ៊ែល ម៉ាក្រុង ប្រធានាធិបតីបារាំង កាលពីថ្ងៃទី១៨ ខែមករា ឆ្នាំ២០២៤កន្លងទៅនៅទីក្រុងប៉ារីស៍។

ក្នុងដំណើរទស្សនកិច្ចនៅកម្ពុជា គណៈប្រតិភូព្រឹទ្ធសភាបារាំង នឹងចូលជួបសម្តែងការគួរសមជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា។ បន្ទាប់​មក គណៈប្រតិភូនឹងធ្វើបទបង្ហាញមួយស្តីពីតួនាទីរបស់សមាជិកព្រឹទ្ធសភា និងការទូតសភា។

តាមសេចក្ដីប្រកាសព័ត៌មានដដែល ដំណើរទស្សនកិច្ចនេះ ក៏ជាឱកាសសម្រាប់សមាជិកព្រឹទ្ធសភាបារាំងពិភាក្សាការងារជាមួយធុរជនបារាំង និងពិនិត្យការដ្ឋានសាងសង់រោងចក្រផលិតទឹកស្អាតបាក់ខែង ដែលកំពុងដំណើរការក្រោមសហហិរ​ញ្ញ​ប្ប​ទាន​​ពី​ទីភ្នាក់ងារបារាំងសម្រាប់អភិវឌ្ឍន៍(AFD)។

មុននឹងបញ្ចប់ទស្សនកិច្ចនៅកម្ពុជា គណៈប្រតិភូនឹងធ្វើដំណើរទៅខេត្តសៀមរាប ដើម្បីស្វែងយល់ពីការជួសជុលប្រាសាទមេបុណ្យខាងលិច ដែលធ្វើឡើងដោយមានជំនួយហិរញ្ញវត្ថុ​​ពី​ប្រទេសបារាំងផងដែរ៕ 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ នាទី មុន

នាយករដ្ឋមន្ត្រីស្លូវ៉ាគី កំពុងប្រយុទ្ធជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត

ព័ត៌មានជាតិ២៧ នាទី មុន

ឯកអគ្គរាជទូតថៃ ប្តេជ្ញាបន្តពង្រឹង និងពង្រីកកិច្ចសហប្រតិបត្តិការលើវិស័យសុខាភិបាលជាមួយកម្ពុជាកាន់តែប្រសើរថែមទៀត

សន្តិសុខសង្គម៤៦ នាទី មុន

ខេត្តបន្ទាយមានជ័យ ដាក់វិធានការណ៍តឹងរ៉ឹងដើម្បីទប់ស្កាត់ការនាំចូលសាច់បង្កក និងទំនិញខូចគុណភាព

ព័ត៌មានជាតិ១១ ម៉ោង មុន

ស្អែក ប្រតិភូព្រឹទ្ធសភាបារាំង នឹងបំពេញទស្សនកិច្ចនៅកម្ពុជា ដើម្បីពង្រឹងកិច្ចសហប្រតិបត្តិការព្រឹទ្ធសភា

សេចក្ដីជូនដំណឹង១២ ម៉ោង មុន

សេចក្តីជូនដំណឹង​ស្តីពី​ ការអញ្ជើញចូលរួមដេញ​ថ្លៃ​ការផ្គត់ផ្គង់​ទំនិញ​របស់មន្ទីរសុខាភិបាល​នៃរដ្ឋបាលខេត្តបាត់ដំបង

Sokha Hotels

ព័ត៌មានពេញនិយម