ឯកឧត្តម ឌី វិជ្ជា និងមន្ត្រីវ័យក្មេង១៤រូបទៀត ត្រូវបានតែងតាំងជាសមាជិកគណៈអចិន្ត្រៃយ៍យុវជនគណបក្សប្រជាជនថ្នាក់កណ្តាល

ឯកឧត្តម ឌី វិជ្ជា និងមន្ត្រីវ័យក្មេងចំនួន១៤រូបទៀត ត្រូវបានគណបក្សប្រជាជនកម្ពុជា សម្រេចតែងតាំងជាសមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីសម្រេចរបស់គណៈអចិន្ត្រៃយ៍នៃគណៈកម្មាធិការកណ្ដាលគណបក្សប្រជាជនកម្ពុជា ចុះហត្ថលេខាដោយសម្ដេច សាយ ឈុំ អនុប្រធានគណបក្ស បានសម្រេចតែងតាំងបំពេញបន្ថែមជាសមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាលចំ​នួន១៥រូប។

សមាជិកថ្មីគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាលទាំង១៥រូបនេះ រួមមាន៖ ឯកឧត្តម ទៀ សីហា ឯកឧត្តម ជា សុមេធី ឯកឧត្តម ឆាយ ឫទ្ធីសែន ឯកឧត្តម សុខ សូកេន​ ឯកឧត្តម ប៊ិន ត្រឈៃ ឯកឧត្តម ឡាយ គឹមលី ឯកឧត្តម ម៉ឹង ពន្លក ឯកឧត្តម ហេង ណន ឯកឧត្តម វង្ស ប៊ុនឥន្ទ្រាវុធ ឯកឧត្តម ហាវ រតនៈ ឯកឧត្តម សេង ឡូត ឯកឧត្តម សុខ ពុទ្ធិវុធ ឯកឧត្តម ស៊ុយ ជីហ៊ាង ឯកឧត្តម ឌី វិជ្ជា និងឯកឧត្តម ហូ ឈុនគ្រី។

គួរជម្រាបថា បច្ចុប្បន្ន យុវជនគណបក្សប្រជាជនកម្ពុជាថ្នាក់កណ្តាល ស្ថិតក្រោមការដឹកនាំរបស់សម្ដេចធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល អមដោយអនុប្រធាន សមាជិកគណៈអចិន្ត្រៃយ៍ រួមទាំងសមាជិក-សមាជិកាតាមបណ្ដាក្រសួងស្ថាប័ន និងរាជធានីភ្នំពេញ-ខេត្តទូទាំងប្រទេស៕