ព័ត៌មានជាតិ

ឯកឧត្ដម ហ៊ុន ម៉ានី ៖ កុមារ តំណាងធនធានសក្ដានុពលរបស់ជាតិ ដែលនឹងបន្តវេននាអនាគត

បានផុស

២ years មុន

នៅ

ថ្ងៃសៅរ៍ ១ មិថុនា ២០២៤

ដោយ

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានលើកឡើងថា កុមារ តំណាងឲ្យធនធានសក្ដានុពលរបស់ប្រទេសជាតិ ដែលនឹងត្រូវបន្តវេននាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ០១ ខែមិថុនា ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី លើកឡើងថា អបអរសាទរ ទិវាកុមារអន្តរជាតិ ១ មិថុនា ឯកឧត្ដម សូមជូនពរកុមារទាំងអស់ ក្នុងឱកាស នៃទិវាកុមារអន្តរជាតិនេះ សូមឲ្យកុមារទាំងអស់ ទទួលបាននូវសុខភាពល្អ ប្រាជ្ញាវាងវៃ ដើម្បីក្លាយខ្លួនជាទំពាំងស្នងឫស្សីរបស់ប្រទេសជាតិ។

ឯកឧត្ដម ហ៊ុន ម៉ានី លើកឡើងបន្តថា ជាការពិត ការគិតគូរដល់កុមារ ត្រូវបានរាជរដ្ឋាភិបាលបន្តយកចិត្តទុកដាក់ជាអាទិភាព តាមរយៈការដាក់ចេញកម្មវិធីនយោបាយនានា សំដៅគាំពារ អភិវឌ្ឍន៍ និងលើកកម្ពស់សុខុមាលភាពកុមារ ចាប់តាំងពីបឋមវ័យ រហូតដល់យុវវ័យ។

ឯកឧត្ដម ហ៊ុន ម៉ានី លើកឡើងបន្តទៀតថា «កុមារ តំណាងឲ្យធនធានសក្ដានុពលរបស់ប្រទេសជាតិ ដែលនឹងត្រូវបន្តវេននាពេលអនាគត»។

ឯកឧត្ដម បន្ថែមថា យើងទាំងអស់គ្នា ត្រូវចូលរួមផ្ដល់ក្ដីស្រលាញ់ ភាពសប្បាយរីករាយ និងក្តីសង្ឃឹម សម្រាប់កុមារទាំងអស់ ដើម្បីពួកគេក្លាយខ្លួនជាពលរដ្ឋល្អសម្រាប់សង្គមជាតិ។

គួរជម្រាបថា ថ្ងៃនេះ គឺជា ទិវាកុមារអន្តរជាតិ ១ មិថុនា។ ការប្រារព្ធទិវាកុមារអន្តរជាតិ ១ មិថុនា នេះ គឺជាការបង្ហាញឆន្ទៈ និងការប្ដេជ្ញាចិត្តយ៉ាងមោះមុតរបស់រាជរដ្ឋាភិបាលក្នុងការលើកស្ទួយសុខុមាលភាព សិទ្ធិ និងឧត្ដមប្រយោជន៍របស់កុមារកម្ពុជា ដែលកម្ពុជាបានផ្តល់សច្ចាប័នលើលិខិតុបករណ៍អន្តរជាតិ និងមានចែងក្នុងរដ្ឋធម្មនុញ្ញ នៃព្រះរាជាណាចក្រកម្ពុជា ជាច្បាប់កំពូលរបស់ជាតិ៕

អត្ថបទ ៖ ពិសី