ព័ត៌មានជាតិ
ក្រុមហ៊ុនជប៉ុន សន្យាបង្កើនការទទួលយកពលករខ្មែរទៅធ្វើការនៅជប៉ុនឱ្យច្រើនថែមទៀត
ក្រុមហ៊ុនជប៉ុន បានសន្យាបង្កើនការទទួលយកកម្មសិក្សាការី និងពលករខ្មែរទៅធ្វើការនៅក្នុងប្រទេសជប៉ុនឱ្យបានច្រើនបន្ថែមទៀត នៅពេលថ្ងៃខាងមុខ។
ក្នុងពិធីពិសារអាហារសាមគ្គីជាមួយកម្មសិក្សាការីខ្មែរ ដែលរៀបចំដោយសមាគម Tokyo Business Link កាលពីល្ងាចថ្ងៃទី២ ខែមិថុនា ឆ្នាំ២០២៤ លោក Hayashi Saito ប្រធានសមាគម បានលើកឡើងថា សមាគមរបស់លោក ទើបតែបង្កើតឡើងនៅក្នុងឆ្នាំ២០២២ ហើយបច្ចុប្បន្នទោះបីជាក្រុមហ៊ុនមានកម្មសិក្សាការី និងពលករជំនាញខ្មែរមិនទាន់មានចំនួនច្រើននៅឡើយក៏ដោយ ប៉ុន្តែលោក បានប្តេជ្ញាចិត្តថា នឹងបង្កើនការទទួលយកឱ្យបានច្រើនបន្ថែមទៀតនៅថ្ងៃខាងមុខ ដើម្បីផ្តល់ចំណេះជំនាញយកទៅអភិវឌ្ឍន៍មាតុប្រទេសវិញ។
បើតាមថៅកែក្រុមហ៊ុនដែលទទួលយកកម្មសិក្សាការីខ្មែរមកបម្រើការក្នុងក្រុមហ៊ុននេះ គឺបច្ចុប្បន្នមានកម្មសិក្សាការីខ្មែរចំនួន២២នាក់ ហើយលោកបានថ្លែងកោតសរសើរដល់ការខិតខំប្រឹងប្រែងធ្វើការរបស់កម្មសិក្សាការីខ្មែរ ប្រកបដោយសុជីវធម៌ល្អក្នុងការរស់នៅផងដែរ។
លោក យ៉ាន់ តារា តំណាងកម្មសិក្សាការីខ្មែរ បានលើកឡើងនូវចំណាប់អារម្មណ៍ជាភាសាជប៉ុន ថា ខ្លួននឹងខិតខំប្រឹងប្រែងសិក្សាជំនាញក្នុងការងារ ដោយសង្ឃឹមថា អាចចូលរួមជាផ្នែកដ៏តូចមួយនៃការបង្កើនចំណងមិត្តភាពរវាងកម្ពុជា និងជប៉ុន។
ស្ថិតក្នុងឱកាសនោះ លោក ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានថ្លែងអំណរគុណដល់លោក Hayashi Saito ចំពោះការរៀបចំពិធីពិសារអាហារសាមគ្គីរវាងក្រុមហ៊ុនទទួល និងកម្មសិក្សាការី និងចំពោះការយកចិត្តទុកដាក់មើលថែទាំកម្មសិក្សាការី-ពលករជំនាញខ្មែរទាំងអស់កន្លងមក។ លោកឯកអគ្គរាជទូត បានលើកទឹកចិត្តឱ្យសមាគមនេះ បន្តជួយគាំពារកម្មសិក្សាការី-ពលករជំនាញខ្មែរឱ្យកាន់តែច្រើនថែមទៀតនាពេលខាងមុខ។
លោកឯកអគ្គរាជទូត ក៏បានផ្តាំផ្ញើផងដែរដល់កម្មសិក្សាការីខ្មែរឱ្យខិតខំយកចិត្តទុកដាក់ធ្វើការ គោរពវិន័យពេលម៉ោងការងារ គោរពច្បាប់ប្រទេសជប៉ុនឱ្យបានម៉ឺងម៉ាត់ និងកុំជឿតាមមេខ្យល់បោកបញ្ឆោតឱ្យរត់គេចពីការងារ ហើយបើក្នុងករណីមានបញ្ហា ឬករណីចាំបាច់ណាមួយ ត្រូវទាក់ទងទៅកាន់មន្ត្រីស្ថានទូត ទទួលបន្ទុកកិច្ចការកុងស៊ុល និងអនុព័ន្ធការងារជាបន្ទាន់៕
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ