Connect with us

ព័ត៌មានជាតិ

អ្នកនាំពាក្យការងារ ៖ កម្ពុជា មានទីភ្នាក់ងារជ្រើសរើសឯកជន​នាំពលករទៅធ្វើការនៅក្រៅប្រទេស ១៣៦ ក្រុមហ៊ុន

បានផុស

នៅ

លោក កត្តា អ៊ន រដ្ឋលេខាធិការ និង​ជា​អ្នកនាំពាក្យ​ក្រសួង​ការងារ និង​បណ្តុះបណ្តាល​វិជ្ជាជីវៈ បាន​មានប្រសាសន៍​នៅ​រសៀល​ថ្ងៃទី ១០ មិថុនា នេះ​ថា បច្ចុប្បន្ន​មាន​ទីភ្នាក់ងារ​ជ្រើសរើស​ឯកជន​ចំនួន ១៣៦ ក្រុមហ៊ុន បាន​ចុះបញ្ជី​នៅ​ក្រសួង​ការងារ និង​បណ្តុះបណ្តាល​វិជ្ជាជីវៈ ក្នុង​នោះ​កំពុង​ដំណើរការ​មាន ១១៥ ក្រុមហ៊ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កត្តា អ៊ន បាន​បន្តថា ក្រុមហ៊ុន​ចំនួន ១១៥ ជ្រើសរើស​ពលករ​ទៅ​ធ្វើការ​នៅតាម​បណ្តា​ប្រទេស​ជា​ដៃគូ​ដែល​រាជរដ្ឋាភិបាល​កម្ពុជា​បាន​ចុះ​កិច្ចព្រមព្រៀង​ជាមួយ​លើ​ការ​បញ្ជូន និង​ទទួល​ពលករ​ស្របច្បាប់​មានដូចជា​ប្រទេស​ជប៉ុន កូរ៉េ ថៃ ម៉ាឡេស៊ី តំបន់​សេដ្ឋកិច្ច​ពិសេស​ហុងកុង សិង្ហបុរី និង​អា​រ៉ា​ប៊ី​សា​អូឌីត។ ចំណែក​សាធារណរដ្ឋ​កូរ៉េខាងត្បូង​ជ្រើសរើស​តាមរយៈ​រាជរដ្ឋាភិបាល​មិនមែន​តាម​ទីភ្នាក់ងារ​ជ្រើសរើស​ឯកជន​ទេ។

លោក កត្តា អ៊ន បាន​បន្តទៀតថា បច្ចុប្បន្ន​កម្ពុជា​មាន​ពលករ​ទៅ​ធ្វើការ​នៅក្រៅ​ប្រទេស​ប្រមាណ​ជាង ១ លាន ៣ សែន​នាក់ ដោយ​ក្នុង ១ ឆ្នាំៗ បាន​ផ្ញើ​ថវិកា​មក​ក្រុមគ្រួសារ​វិញ​ប្រមាណ​ជិត ៣ ពាន់​លាន​ដុល្លារ ជួយ​លើកស្ទួយ​សេដ្ឋកិច្ច​គ្រួសារ និង​សេដ្ឋកិច្ចជាតិ​កាន់តែ​ប្រសើរ។

ថ្មីៗ នេះ លោក ហេង សួរ រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ បានផ្តល់​អនុសាសន៍​កំណែទម្រង់​មុត​ស្រួច ៥ ចំណុច ស្តីពី​ពលករ​ទេសន្តរប្រវេសន៍ ដើម្បី​បង្ហាញ​ពី​តម្លាភាព និង​ប្រសិទ្ធភាព​ក្នុង​ការធានា​ប្រយោជន៍​ជា​អតិបរមា​ជូន​ទេសន្តរប្រវេសករ។ ក្នុងនោះ​រួមមាន​ទី ១.ការ​លុប​អាជ្ញាបណ្ណ​ទីភ្នាក់ងារ​ឯកជន​ដែល​មិនមាន​សកម្មភាព។ ទី ២.មិន​អនុញ្ញាតឱ្យ​ទីភ្នាក់ងារ​ឯកជន​មាន​សិទ្ធិ​បញ្ជូន​ពលករ​ដោយ​គ្មាន​ដៃគូ​នៅ​ប្រទេស​ទទួល​ជាដាច់ខាត។ ទី ៣.ក្រសួង នឹង​វាយតម្លៃ​ក្រុមហ៊ុន​ទីភ្នាក់ងារ​ជាប្រចាំ​ឆ្នាំ ដោយ​ក្រុមហ៊ុន​ដែល​ទទួលបាន​ចំណាត់ថ្នាក់​លេខ ១ នឹង​ទទួលបាន​ការលើកទឹកចិត្ត ដោយឡែក​ក្រុមហ៊ុន​ដែល​ជាប់​ចំណាត់​មិនល្អ​ (​លេខ ៣) នឹងត្រូវ​ផ្សព្វផ្សាយ​ឱ្យ​មហាជន​បានដឹង។ ទី ៤.ការដាក់ឱ្យ​ដំណើរការ​ប្រព័ន្ធ​តាមដាន​ព័ត៌មាន​ (Tracking System)​ ដើម្បីឱ្យ​ពលករ​ទាំងអស់​អាច​តាមដាន​ឯកសារ​បាន​ដោយ​ខ្លួនឯង ព្រោះ​ពលករ​ម្នាក់ មាន​លេខ​កូដ​មួយ និង QR Code មួយ ហើយក៏​នឹង​ដឹង​អំពី​ព័ត៌មាន នៃ​ក្រុមហ៊ុន​បញ្ជូន​ខ្លួន​ផងដែរ និង ទី ៥.ក្រសួង​បាន​សម្រួល​ជាមួយ​ធនាគារ​ដើម្បីឱ្យ​ពលករ​ទទួលបាន​កម្ចី​ក្នុង​អត្រា​ការប្រាក់​មិន​លើសពី ១០% ក្នុង​មួយឆ្នាំ ក្នុងពេល​ដ៏​ខ្លី​ខាងមុខនេះ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

សេចក្ដីជូនដំណឹង៧ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម