Connect with us

ព័ត៌មានជាតិ

​​ផ្លូវអន្ទង់អាំង​លើ​​ភ្នំ ១៥០០ ដាក់អាទិភាពដាំ​កូន​ឈើ​ព្រៃ​ត្រូពិក​​កម្រ​ ២ ម៉ឺន​ដើម ស្តារព្រៃឈើ​ធម្មជាតិឡើងវិញ

បានផុស

នៅ

ដោយ​មានការ​គាំទ្រ​ពី​អង្គការ​សម្ព័ន្ធ​មិត្ត​សត្វព្រៃ (Wild Alliance) រដ្ឋបាល​ស្រុក​វាលវែង​ដែល​ទើបទទួលបាន​កូន​ឈើ​ព្រៃ​ត្រូពិក​ដ៏​កម្រ​ចំនួន ២ ម៉ឺន​ដើម បានដាក់គោលដៅនឹង​​​ដាំ​កូនឈើចម្រុះ​នៅ​ចំណុច​ផ្លូវ​អន្ទង់អាំងលើភ្នំ ១៥០០ ​តាម​បណ្ដោយ​ផ្លូវ​ជាតិ​លេខ ៥៥ ក្នុង​ស្រុក​វាលវែង ខេត្ត​ពោធិ៍សាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមប្រភេទកូនឈើ​ទាំងនោះ មានកូនឈើចំនួន ៧ ​​ប្រភេទ ត្រូវបានចាត់ថ្នាក់ជាប្រភេទរងការគំរាមកំហែង បើ​យោង​តាមសហភាពអន្តរជាតិដើម្បីការអភិរក្សធម្មជាតិ (IUCN)។

លោក ម៉ុម បូផាន់ អភិបាល​រង​ស្រុក​វាលវែង ខេត្ត​ពោធិ៍សាត់​បាន​ឲ្យ​ដឹង​ថា កូនឈើ​ទាំងនោះ​នឹង​ត្រូវ​បាន​ថែទាំ​និង​យក​ទៅ​ដាំ​នៅ​តំបន់ជើង​​ភ្នំ ១៥០០ តាមផ្លូវអន្ទង់អាំង ដែល​ជា​តំបន់​គោលដៅ​អេកូ​ទេសចរណ៍​ដ៏​ទាក់ទាញ​នៅ​ស្រុក​វាលវែង​ខេត្ត​ពោធិ៍សាត់។

កាលពីប៉ុន្មានខែមុន​នេះ ​ប្រមុខ​ដឹកនាំ​កម្ពុជាសម្តេច​ធិបតី ហ៊ុន ម៉ាណែត បាន​ដាក់​បទបញ្ជា​ឲ្យ​ចុះ​បង្ក្រាប​បទ​ល្មើស​ធនធាន​​​ធម្មជាតិ​នៅ​ស្រុក​វាលវែង ហើយ​លទ្ធផល​​ដក​ហូតបាន​​ដី​ព្រៃដែល​បាន​កាប់​រុករាន​យ៉ាង​អានាធិបតេយ្យ​បាន​ជាង ៤ ម៉ឺន​ហិកតា។

លោក ម៉ុម បូផាន់ បាន​បញ្ជាក់ថា ក្នុង​ចំណោម​ផ្ទៃដីជាង ៤ ម៉ឺន​ហិកតា​ ដែល​ដក​ហូត​បានពីជនល្មើស រដ្ឋបាល​ស្រុក​នឹង​ដាំ​​ស្តារព្រៃឈើ​ឡើងវិញ​ ដោយ​ដាក់គោលដៅចាប់ផ្តើម​មុនគេ​​នៅ​ចំណុច​ភ្នំ ១៥០០ ដែលរដ្ឋាភិបាល​បានប្រកាស​ដាក់ជា​តំបន់អេកូទេសចរណ៍ធម្មជាតិ និងបន្ត​ដាំ​​នៅតាម​​តំបន់​មួយ​ចំនួន​ទៀត​ដែល​រង​ការ​កាប់​ទន្ទ្រាន​ដោយ​ខុសច្បាប់​។

លោក​អភិបាល​រង​ស្រុក​ ក៏​លើក​ឡើង​ពី​មូលហេតុ​នៃ​ការ​កាប់​ទន្ទ្រាន​ដី​ព្រៃរបស់​រដ្ឋ​ ដោយសារ​នៅ​តំបន់​​​ស្រុក​វាលវែង​ដី​មាន​ការ​ឡើង​ថ្លៃ ដែល​ជំរុញ​ឲ្យ​ពលរដ្ឋ​នាំ​គ្នា​ទៅ​កាប់​រុករាន​យក​ដី​លក់ តាម​ការ​​បំផុសបំផុល​ពី​​មេក្លោង​ជា​ឈ្មួញ​ខិលខូច​មួយ​ចំនួន។

បើតាមអភិបាលស្រុក​វាលវែង នៅស្រុក​វាលវែង​មាន​ផ្ទៃដី​ជាង ៤៩ ម៉ឺន​ហិកតា ហើយផ្ទៃដី​​ព្រៃដែល​រងការ​បាត់បត់​តាមការ​ប៉ាន់ស្មាន​មាន​ប្រហែល ១០ ភាគរយ។ លោកថា ថ្មីៗនេះ​ក្រោយ​​​រដ្ឋាភិបាល​បាន​បង្កើត​អនុគណៈកម្មការ​ចម្រុះ​ចុះ​បង្ក្រាបនិង​​រិបអូស​ផ្ទៃដីព្រៃ​ដែល​រង​ការ​កាប់ទន្ទ្រានដោយ​​​​ខុសច្បាប់​​ជាង ៤ ម៉ឺនហិកតា រដ្ឋបាលស្រុក​មាន​ផែនការ​នឹង​ដាំ​ស្តារ​ជាផ្ទៃដីព្រៃឈើ​ឡើងវិញ​។

នៅ​ក្នុង​ពិធី​ប្រគល់​កូនឈើ​ ២ ម៉ឺន​ដើម ដល់​រដ្ឋបាល​ស្រុក​វាលវែង លោក John Willis នាយក​ប្រចាំ​ប្រទេស​អង្គការ​សម្ព័ន្ធមិត្ត​សត្វព្រៃ​បាន​បញ្ជាក់​ថា ការ​ផ្តល់​កូនឈើ​ដល់​រដ្ឋបាល​ស្រុក​វាលវែង​ ជា​ការ​ចូលរួម​ចំណែក​ដើម្បី​លើក​សម្រស់​ធម្មជាតិ​ពណ៌បៃតង​ឡើងវិញ​សម្រាប់​ស្រុក​ព្រៃភ្នំ​ដែល​មានសក្តានុពលលើវិស័យ​ទេសចរណ៍​ធម្មជាតិ។

លោក John Willis បានលើកឡើង​ថា ដើម្បី​ចូលរួម​គាំទ្រ​យុទ្ធនាការ​ដាំដើម​ឈើមួយលាន​ដើមក្នុង​មួយឆ្នាំរបស់ក្រសួងបរិស្ថាន អង្គការ​សម្ព័ន្ធមិត្តសត្វព្រៃ​បាន​បរិច្ចាគ​កូនឈើចំនួន ១៩៧ ០០០ ដើម ដែលជា​ប្រភេទពូជ​ព្រៃត្រូពិក​ចំនួន ១៨ ប្រភេទរួមមានដូចជា ធ្នង់ គ្រញូង បេង នាងនួន ក្លៀក គគីរ ឈើទាល និង​ពូជ​ប្រភេទ​ផ្សេង​ទៀត។

ក្នុងចំណោមកូនឈើចំនួន ១៩៧ ០០០ ដើម ​អង្គការសម្ព័ន្ធមិត្តសត្វព្រៃ នឹង​បរិច្ចាគជូន​ដល់​ក្រសួង​បរិស្ថាន មន្ទីរ​បរិស្ថានខេត្តកោះកុង មន្ទីរបរិស្ថានខេត្តកំពង់ស្ពឺ មន្ទីរបរិស្ថានខេត្តពោធិ៍សាត់ រដ្ឋបាល​ស្រុក​វាលវែង និង​មួយផ្នែកសម្រាប់​រក្សាទុក​ដាំ​នៅ​ចំណុច​អន្ទង់អាំង​តាម​បណ្ដោយ​ផ្លូវជាតិ​លេខ​ ៥៥។

ក្នុងឆ្នាំ២០២៣ ក្រសួងបរិស្ថានដែលមាន ​លោក អ៊ាង សុផល្លែត ជារដ្ឋមន្ត្រីបាន​ដាក់​ចេញ​យុទ្ធសាស្ត្រ​ចក្រាវិស័យបរិស្ថាន ក្នុងគោលបំណង​តម្រង់ទិស និង​ចង្អុល​បង្ហាញ​ការងារ​ជា​អាទិភាព ដើម្បីធានា​ឱ្យបាននូវចីរភាពបរិស្ថាន និងសុក្រឹត្យកម្មបរិស្ថានកិច្ច ឆ្លើយ​តប​នឹង​ការ​ប្រែប្រួលអាកាសធាតុ និងលើកកម្ពស់សេដ្ឋកិច្ចបៃតង សំដៅសម្រេច​គោលដៅ​យុទ្ធសាស្ត្រ​បញ្ចកោណ «គឺជាប្រទេសដែលមានអព្យាក្រឹត្យកាបូន និងមានគម្របព្រៃឈើ ៦០% នៅ​ឆ្នាំ២០៥០។

យុទ្ធសាស្ត្រចក្រវិស័យបរិស្ថានមានមុំចំនួន ៣ និង​មានយុទ្ធសាស្ត្របីសំខាន់គឺ ទី១ ភាពស្អាត ទី២​ ភាពបៃតង និងទី ៣ ចីរភាព៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៤ ម៉ោង មុន

ស្លាប់​១១​នាក់ បាត់ខ្លួន៣០នាក់ ក្នុង​ហេតុការណ៍​បាក់​ស្ពាន​នៅ​ចិន​ព្រោះ​ភ្លៀង​ធ្លាក់​ខ្លាំង

ព័ត៌មានជាតិ២១ ម៉ោង មុន

អស់រយៈពេល៨ថ្ងៃហើយ​ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ

ព័ត៌មានជាតិ៦ ម៉ោង មុន

កម្ពុជាទទួលរងឥទ្ធិពលព្យុះ «ហ្គ្សាមី» បណ្ដាលឱ្យមានភ្លៀងធ្លាក់ និងខ្យល់កន្ត្រាក់

ព័ត៌មានជាតិ៤ ម៉ោង មុន

អាជ្ញាធរខេត្តបាត់ដំបងប្រកាស ត្រៀមរៀបចំទីទួលសុវត្ថិភាពជូនពលរដ្ឋ ខណៈកម្ពស់ទឹកបន្តកើនឡើងជិតដល់កម្រិតឱ្យប្រុងប្រយ័ត្ន

សន្តិសុខសង្គម២១ ម៉ោង មុន

អាជ្ញាធរ ចុះរៀបចំសណ្តាប់ធ្នាប់ក្រោមស្ពានស្ទឹងមានជ័យ ដែលជាជម្រកជនអនាថាប្រព្រឹត្តបទល្មើស

Sokha Hotels

ព័ត៌មានពេញនិយម