Connect with us

ព័ត៌មានជាតិ

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

បានផុស

នៅ

ស្នងការនគរបាលរាជធានីភ្នំពេញ លោក ជួន ណារិន្ទ នៅល្ងាចថ្ងៃទី២៤ ខែមិថុនា នេះ បញ្ជាឱ្យអធិការនគរបាលខណ្ឌព្រែកព្នៅ នាំខ្លួនគ្រូអាគមដែលយកកាំភ្លើងខ្លីបាញ់ក្បាលពោះខ្លួនឯង រួចផ្សព្វផ្សាយលើបណ្ដាញសង្គមហ្វេសប៊ុក ឈ្មោះ លោកតាធំភ្នំគូលែន យកមកសួរនាំ បើទោះបីជាគ្រូអាគមរូបនេះ ចេញមកសុំទោសជាសាធារណៈកាលពីពេលរសៀលក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរឱ្យដឹងថា កាលពីថ្ងៃទី២១ ខែមិថុនា​ គណនីហ្វេសប៊ុកឈ្មោះ លោកតាធំភ្នំគូលែន បានបង្ហោះវីដេអូរយៈពេលប្រមាណជិត៥នាទី ដែលធ្វើសកម្មភាពយកកាំភ្លើងខ្លីបាញ់ក្បាលពោះខ្លួន​ឯងបង្អួតពីមន្តអាគម ហើយត្រូវអ្នកលេងបណ្ដាញសង្គមរិះគន់ព្រោងព្រាត។

ក្រោយរងការរិះគន់ នៅពេលរសៀលថ្ងៃទី២៤ ខែមិថុនា​  គណហ្វេសប៊ុកភ្នំគូលែន បានចេញលិខិតសុំទោសជាសាធារណៈ ដែលអះអាងខ្លួនជាគ្រូអាគមដែលមានឈ្មោះថា  គ្រូសច្ចៈវិរោន ណុប សក្កដា ហៅគ្រូផេះគ្រូអង្កាម អាយុ ៥៥ឆ្នាំ កាន់អត្តសញ្ញាណ ប័ណ្ណលេខ 020930176 (01) មានអាសយដ្ឋានបច្ចុប្បន្នស្ថិតនៅ ភូមិត្រពាំងស្នោរ សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។

ក្នុងលិខិតដែល គ្រូអាគម សរសេរទទួលកំហុសថា  កាលពីព្រឹកថ្ងៃទី២១ ខែមិថុនា ឆ្នាំ២០២៤  ខ្លួនបានបង្ហោះផ្សព្វផ្សាយអំពីសកម្មភាពការប្រើប្រាស់អាវុធយកមកបាញ់ខ្លួនឯងផ្ទាល់។ បុគ្គលរូបនេះ អះអាងថាទង្វើនេះ  ព្រោះខ្លួនចង់បញ្ជាក់ អំពីក្បួនវេទមន្តសិល្បៈអស់ខ្មែរថាពិតជាអស្ចារ្យ ដើម្បីឲ្យបរទេសក៏ដូចជាប្រទេសជិតខាងបានឃើញ។

បន្ថែមពីនេះ លោក ណុប សក្កដា សារភាពថាទង្វើដែលខ្លួនប្រព្រឹត្តជាទង្វើល្ងិតល្ងង់ដែលមិនបានសិក្សា និងស្វែងយល់គ្រប់ជ្រុងជ្រោយអំពីច្បាប់រដ្ឋនៅក្នុងព្រះរាជាណាចក្រកម្ពុជា ។

គ្រូអាគមរូបនេះ អះអាងថា ក្រោយដឹងកំហុស រូបគេសម្រេចចិត្តលុបវីដេអូនេះចេញពីបណ្ដាញសង្គម  ហើយ សុំទោសជាសាធារណៈ។ ក្រៅពីសុំទោស រូបគេ ក៏សូមការយោគយល់  និងបន្ទាបខ្លួនថាជាមនុស្សល្អិតល្ងង់ មិនស្គាល់អំពីច្បាប់ទម្លាប់។​

គ្រូអាគម ណុប សក្កដា សន្យាថាមិនឲ្យមានសកម្មភាព ឬរូបភាពបែបនេះដែលប៉ះពាល់ ដល់កិត្តិយសថ្នាក់ដឹកនាំ ក៏ដូចជាសេចក្តីថ្លៃថ្នូរនៅក្នុងកម្ពុជាកើតឡើងម្ដងទៀតឡើយ ។ បុគ្គលរូបនេះ ក៏ស្នើអ្នកយកវីដេអូទៅផ្សាយបន្ត ត្រូវលុបវីដេអូនោះចេញផង ប្រសិនបើមានរូបភាពដូចក្នុងវីដេអូនេះធ្វើការផុសឡើងវិញ មិនទទួលខុសត្រូវឡើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

អាជ្ញាធរ៖ ជិត២ឆ្នាំហើយ លោក ខឹម វាសនា នៅតែប្រើលេស«ទឹកលិចលោក» ប្រមូលសាវ័កឱ្យទៅនៅចម្ការក្បែរភ្នំគូលែន

ព័ត៌មានជាតិ២៦ នាទី មុន

កម្ពុជា-KOICA អនុវត្តគម្រោងកសាងសមត្ថភាពលើវបច្ចេកវិទ្យាព័ត៌មាន និងសារគមនាគមន៍ ក្នុងការអប់រំបច្ចេកទេស និងវិជ្ជាជីវៈ

ព័ត៌មានជាតិ២ ម៉ោង មុន

ភ្លៀងធ្លាក់ខ្លាំង ធ្វើឲ្យស្ថានភាពទឹកទន្លេមេគង្គក្រចេះបន្តហក់ឡើង តែមិនទាន់ដល់កម្រិតប្រកាសអាសន្ន

ព័ត៌មានជាតិ៣ ម៉ោង មុន

អាជ្ញាធរស្រុកសំឡូត អំពាវនាវឱ្យពលរដ្ឋប្រុងប្រយ័ត្ន ព្រោះជំនន់ទឹកស្ទឹងគ្រញូងកើនឡើងលឿន

ព័ត៌មានជាតិ៣ ម៉ោង មុន

អភិបាលរងខេត្តកោះកុង ស្នើឱ្យផ្តល់ព័ត៌មានពីតំបន់ដែលមានគ្រាប់មីន ដើម្បីបោះសម្អាត

Sokha Hotels

ព័ត៌មានពេញនិយម