ប្រព្រឹត្តចោរកម្មនៅបាត់ដំបង ប៉ូលិសតាមចាប់បានដល់ខេត្តកំពត
Connect with us
Helistar Cambodia - Helicopter Charter Services

ព័ត៌មានជាតិ

ប្រព្រឹត្តចោរកម្មនៅបាត់ដំបង ប៉ូលិសតាមចាប់បានដល់ខេត្តកំពត

Published

on

ខេត្តបាត់ដំបង៖ ជនសង្ស័យម្នាក់ដែលជាមុខសញ្ញាកាច់សោ ក ម៉ូតូយ៉ាងសកម្ម ត្រូវបានកម្លាំងការិយាល័យ
ព្រហ្មទណ្ឌកម្រិតស្រាលអនុវត្តដីកាតាមចាប់ខ្លួនរហូតដល់ខេត្តកំពត បន្ទាប់ពីជនសង្ស័យរូបនេះបានធ្វើ
សកម្មភាពកាច់សោ ក ម៉ូតូនៅខេត្តបាត់ដំបង កាលពីពេលថ្មីៗនេះ ហើយបានគេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត


គួរបញ្ជាក់ថា​  កាលពីថ្ងៃទី៩ ខែកុម្ភៈ ឆ្នាំ២០២១ វេលាម៉ោង ៨ និង ៣០ នាទី ព្រឹក មានករណី​លួច​មាន​ស្ថានទម្ងន់​ទោស​ (​កាច់សោរ​យក​ម៉ូតូ)​ មួយ​គ្រឿង​ម៉ាក​ ហុងដា​ឌ្រីម​ សេ​ ពណ៌​ខ្មៅ​ ស៊េរីឆ្នាំ​២០១៩​ ពាក់ស្លាកលេខ​ ភ្នំពេញ​ 1HM-7683​ នៅ​ចំណុច​ផ្សារ​ឈើទាល​ ស្ថិតក្នុងភូមិ​ឈើទាល​ ឃុំ​ឈើទាល​ ស្រុក​បាណន់​ ខេត្ត​បាត់​ដំបង​។ ម៉ូតូនោះ​ជា​របស់​ជនរងគ្រោះ​ឈ្មោះ​ មឿត​ សា​មៀង​ មាន​ទីលំនៅ​ភូមិ​កំពង់​ស្រម៉ ឃុំ​ឈើទាល​ ស្រុក​បាណន់​ ខេត្ត​បាត់​ដំបង​។

ដោយ​អនុវត្ត​តាម​ការ​ណែនាំ​​ផ្ទាល់​ពី​ លោក​ ឧត្ដមសេនីយ៍​ទោ​ សាត​ គឹមសាន​ ស្នងការ​ នៃស្នងការដ្ឋាននគរបាលខេត្ត​បាត់ដំបង​ និងដោយមានការឯកភាពពី​ លោក​ គឺ​ ប៊ុណ្ណារ៉ា ព្រះរាជអាជ្ញា​ នៃ​អយ្យការ​អមសាលា​ដំបូង​ខេត្ត​បាត់ដំបង ផងនោះ នៅ​ថ្ងៃទី​២៧​ ខែ​កុម្ភៈ​ ឆ្នាំ​២០២១​ នៅ​ចំណុច​ភូមិ​ ទូកមាស​ ឃុំ​ទូកមាស​ខាងលិច​ ស្រុក​បន្ទាយមាស​ ខេត្ត​កំពត​ លោក​វរសេនីយ៍ឯក​ ឈឿង​ គឹមសុង​ នាយការិយាល័យ​ នគរបាល​ព្រហ្មទណ្ឌ​កម្រិត​ស្រាល​ បាន​ដឹកនាំ​កម្លាំង​ការិយាល័យ​ជំនាញ​ និង​ ក្រុម​អន្តរាគមន៍​ បង្ការ​ បង្ក្រាប​ ចុះសហការ​ជាមួយ​កម្លាំង​ការិយាល័យ​នគរបាល​ព្រហ្មទណ្ឌ​កម្រិត​ស្រាល​ នៃ​ស្នងការ​នគរបាល​ខេត្ត​កំពត​ ដែល​ដឹកនាំ​ដោយ​ លោក​វរសេនីយ៍ឯក​ លក​ ញ៉ាវ​ បាន​ចុះ​ប្រតិបត្តិការ ទៅកាន់ចំណុច ភូមិទូកមាសខាងលិច ឃុំទូកមាស ស្រុកបន្ទាយមាស ខេត្តកំពត ដើម្បី​អនុវត្ត​តាម​ដីកាបញ្ជា​ឱ្យចូល​ខ្លួន​ លេខ​ ០៩​ អ.យ​ របស់​លោក​ គឺ​ ប៊ុណ្ណារ៉ា​ តំណាង​អយ្យការ​ នៃ​អយ្យការ​អមសាលា​ដំបូង​ខេត្ត​បាត់ដំបង​ បាន​បញ្ជា​ឱ្យជនសង្ស័យ​ ឈ្មោះ​ នាក់​ ចន្ធូ​ ហៅ​ ធូ​ ភេទប្រុស​ ថ្ងៃ​ខែ​ឆ្នាំ​កំណើត​ ១១​ ខែ​កញ្ញា​ ឆ្នាំ​១៩៦៦​ ទីកន្លែង​កំណើត​ ភូមិ​ព្រៃ​ស្រឡៅ​ ឃុំ​ត្រពាំងសាលា​ ស្រុក​បន្ទាយមាស​ ខេត្ត​កំពត​ បច្ចុប្បន្ន​មាន​ទី​លំនៅ​ ភូមិ​ទូកមាស​ ឃុំ​ទូកមាស​ខាងលិច​ ស្រុក​បន្ទាយមាស​ ខេត្ត​កំពត​ ដែល​ពាក់ព័ន្ធ​ នឹង​ករណី​ លួច​មាន​ស្ថានទម្ងន់​ទោស​ (​កាច់សោរ​យក​ម៉ូតូ​)​ ។


​បច្ចុប្បន្ន​កម្លាំង​ជំនាញ កំពុង​ធ្វើការ​នាំខ្លួន​ជនសង្ស័យ​ខាងលើ​ទៅ​ស្នងការដ្ឋាន​នគរបាលខេត្ត​បាត់ដំបង​ ចាត់ការ​បន្ត​តាម​នីតិវិធី​ និង ដើម្បីបញ្ជូនខ្លួនទៅកាន់សាលាដំបូងខេត្ត ក្នុងការចាត់វិធានការតាមច្បាប់៕

អត្ថបទ៖ សោ និយមរដ្ឋ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ33 mins ago

Breaking News៖ ប្រធានា​ធិបតី​​ឆាដ​ Déby​ ស្លាប់​ក្នុង​សមរភូមិ​ប្រយុទ្ធជាមួយក្រុមឧទ្ទាម

ព័ត៌មានជាតិ42 mins ago

អតីត​កីឡាករ​ជម្រើស​ជាតិ ​សុខ ​សុវណ្ណ​ ធ្វើតេស្ត​លើក​ទី​១​អវិជ្ជមាន​តែ​​សមាជិក​គ្រួសារ​៧​នាក់​ឆ្លង​កូវីដ​-19

ព័ត៌មានជាតិ51 mins ago

សម្តេច​តេ​ជោ ហ៊ុន សែន សូម​ការ​យោគយល់​ពី​ប្រជាពលរដ្ឋ​ដើម្បី​ទទួលយក​ស្បៀងអាហារ​ដែលជា​សេចក្តីត្រូវការ​ចាំបាច់​បំផុត​នៅពេលនេះ

ព័ត៌មានជាតិ56 mins ago

កម្លាំង​អាវុធហត្ថ​អំពាវនាវ​កុំ​ឲ្យ​បងប្អូន​ប្រជាពលរដ្ឋ​ចេញពីផ្ទះ​ក្នុង​ពេល​សមត្ថ​កិច្ចការ​ពារ​យ៉ាង​ម៉ឺងម៉ាត​នូវ​សេចក្តីសម្រេច​របស់​រាជ​រដ្ឋាភិបាល​

ព័ត៌មានជាតិ1 hour ago

រដ្ឋបាល​រាជធានី​ភ្នំពេញ​ បង្ហាញ​អត្តសញ្ញាណ​អ្នក​វិជ្ជមានកូវីដ១៩ ចំនួន២៧១នាក់​ ដើម្បី​ឲ្យ​អ្នក​ជាប់​ពាក់ព័ន្ធ​ ធ្វើ​ចត្តាឡីស័កតាម​ដានសុខភាព

Sokha Hotels

ព័ត៌មានពេញនិយម

Helistar Cambodia - Helicopter Charter Services