ព័ត៌មានជាតិ

រវល់ដើរមើលស្រូវភ្លេចខ្លួនមួយភ្លែតចោរលួចម៉ូតូបាត់

បានផុស

៥ years មុន

នៅ

ថ្ងៃសុក្រ ៥ មីនា ២០២១

ដោយ

ម្ចាស់ម៉ូតូរត់ស្លន់ស្លោរទៅប្តឹងសមត្ថកិច្ចសុំជួយអន្តរាគមន៍តាមចាប់ចោរលួចម៉ូតូរបស់ខ្លួនខណៈចតទុកនៅក្បែរស្រែភ្លេចខ្លួនមិនបានមើលមួយសន្ទុះព្រោះរវល់ដើរមើលស្រូវ។

ករណីចោរលួចម៉ូតូនេះកើតឡើងនៅថ្ងៃទី០៤ ខែមីនា ឆ្នាំ២០២១ វេលាម៉ោង១៤និង៤៥នាទី នៅចំណុចវាលស្រែ ស្ថិតក្នុងភូមិក្រាំង ឃុំស្នោ ស្រុកព្រៃកប្បាស ខេត្តតាកែវ ដែលបង្កឡើងដោយជនសង្ស័យចំនួន០២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ឡេង ប៊ុនឡុង អធិការនគរបាលស្រុកព្រៃកប្បាស បានឲ្យដឹងថា ក្រោយទទួលបានដំណឹងភ្លាម លោកបានដឹកនាំបញ្ជាកម្លាំងជំនាញអធិការដ្ឋាន និងកម្លាំងប៉ុស្តិ៍នគរបាលរដ្ឋបាលស្នោ ចុះធ្វើការស្រាវជ្រាវនិងឃាត់ខ្លួនជនសង្ស័យចំនួន០២នាក់ ដែលមានឈ្មោះ ទី១ ឈ្មោះ ប៉ិច សុខលីម ភេទប្រុស អាយុ៣៦ឆ្នាំ មុខរបរមិនពិតប្រាកដ លំនៅបច្ចុប្បន្នភូមិក្រាំងលាវ ឃុំក្រាំងលាវ ស្រុកបាទី និងទី២ឈ្មោះ ទូច រី ភេទប្រុស អាយុ៣០ឆ្នាំ រស់នៅភូមិទួលស្លែង ឃុំក្រាំងលាវ ស្រុកបាទី ខេត្តតាកែវ។

លោកអធិការបន្តថា ជនសង្ស័យទាំង២នាក់បានជិះម៉ូតូមួយគ្រឿងម៉ាកហុងដាឌ្រីមសេ១២៥ ពណ៌ខ្មៅ ស៊េរីឆ្នាំ២០១៦ មកធ្វើសកម្មភាពលួចម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១០ ពាក់ផ្លាកលេខភ្នំពេញ1AH-0809 របស់ឈ្មោះ ឃឹម សុខន ភេទប្រុស អាយុ៤៣ឆ្នាំ រស់នៅភូមិស្នោ ឃុំស្នោ ស្រុកព្រៃកប្បាស ខេត្តតាកែវ។

បច្ចុប្បន្នជនសង្ស័យនិងវត្ថុតាងម៉ូតូមួយគ្រឿង ត្រូវបានសមត្ថកិច្ចនាំមកអធិការដ្ឋានដើម្បីកសាងសំណុំរឿងតាមនីតិវិធី ចំណែកម៉ូតូដែលលួចត្រូវបានប្រគល់ជូនម្ចាស់ដើមវិញ៕

អត្ថបទ ៖ វីរ