នគរបាលខេត្តព្រះវិហារ ឆ្មក់បង្ក្រាបក្រុមស្ត្រីលេងបៀខ្នាតធំ ១១នាក់ នៅស្រុករវៀង

កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តព្រះវិហារ បានឆ្មក់ចុះបង្ក្រាបក្រុមស្ត្រីលេងបៀខ្នាតធំចំនួន ១១នាក់ ក្នុងភូមិសាស្ត្រភ្នំលុង ភូមិត្រពាំងទន្ទឹម ឃុំរមទម ស្រុករវៀង ខេត្តព្រះវិហារ។

ការបង្ក្រាបនេះ ដឹកនាំផ្ទាល់ដោយ លោក ស្រេង វុទ្ធា ព្រះរាជអាជ្ញារងអមសាលាដំបូងខេត្តព្រះវិហារ កាលពីរសៀលថ្ងៃទី២០ ខែសីហា ឆ្នាំ២០២៤។ សមត្ថកិច្ចបានឱ្យដឹងថា ស្ត្រីញៀនល្បែងចំនួន ១១នាក់ ដែលសមត្ថកិច្ចឃាត់ខ្លួនបាន រួមនឹងវត្ថុតាងមួយចំនួន ត្រូវបាននាំខ្លួនយកទៅសួរនាំ និងអប់រំនៅការិយាល័យព្រហ្មទន្ឌកម្រិតស្រាលនៃស្នងការដ្ឋាននគរបាលខេត្តព្រះវិហារ។

សូមបញ្ជាក់ថា ថ្នាក់ដឹកនាំនៃខេត្តព្រះវិហារ តែងដាក់បទបញ្ជាយ៉ាងតឹងរឹងទៅសមត្ថកិច្ច ក្នុងការបង្ការ និងបង្ក្រាបរាល់ល្បែងស៊ីសងគ្រប់ប្រភេទដោយមិនលើកលែងដែលកើតមាននៅតាមមូលដ្ឋាន ដើម្បីភូមិ-ឃុំ មានសុវត្ថិភាព កាត់បន្ថយអំពើហិង្សាក្នុងគ្រួសារ និងអសន្តិសុខក្នុងមូលដ្ឋាន៕

ដោយ៖ជុន កុសល