ព័ត៌មានជាតិ

មន្ត្រីជាន់ខ្ពស់ ប.ស.ស ជំរុញបុគ្គលិកចូលបម្រើការងារថ្មី ត្រូវខិតខំបម្រើសេវាជូនពលរដ្ឋឱ្យបានល្អ និងមានប្រសិទ្ធភាពខ្ពស់

បានផុស

២ years មុន

នៅ

ថ្ងៃអង្គារ ២៧ សីហា ២០២៤

ដោយ

មន្ត្រីជាន់ខ្ពស់បេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានជំរុញឱ្យបុគ្គលិកចូលបម្រើការងារថ្មី ត្រូវខិតខំបម្រើសេវាជូនប្រជាពលរដ្ឋឱ្យបានល្អ និងប្រកបដោយប្រសិទ្ធភាពខ្ពស់ ដើម្បីបង្កើនភាពជឿជាក់មកលើស្ថាប័ន ប.ស.ស បន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងបើកវគ្គបណ្តុះបណ្តាលស្តីពី នីតិវិធីនៃការអនុវត្តការងារផ្ទៃក្នុង ដល់បុគ្គលិកដែលចូលបម្រើការងារថ្មី តាមរយៈប្រព័ន្ធអនឡាញ និងដោយផ្ទាល់សរុប ៩៤ រូប លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា សិក្ខាកាមដែលជាបុគ្គលិកដែលចូលបម្រើការងារថ្មីនាពេលនេះ ចាំបាច់ត្រូវឈ្វេងយល់អំពីនីតិវិធីនៃការអនុវត្តការងារផ្ទៃក្នុង ហើយវគ្គបណ្ដុះបណ្ដាលនេះ ជាការបំពេញបន្ថែមនូវសមត្ថភាពធនធានមនុស្ស ដើម្បីឆ្លើយតបទៅនឹងការអនុវត្តការងារប្រចាំថ្ងៃឱ្យមានប្រសិទ្ធភាពកាន់តែខ្ពស់ ក្នុងការធានាឱ្យបាននូវការផ្ដល់សេវាសាធារណៈ របស់បេឡាជាតិសន្តិសុខសង្គម ជូនសាធារណជន ជាពិសេសសមាជិក ប.ស.ស.។

ជាមួយគ្នានេះដែរ លោកប្រតិភូរាជរដ្ឋាភិបាល បានផ្ដាំផ្ញើដល់បុគ្គលិកដែលទើបចូលបម្រើការងារនៅ ប.ស.ស. ទាំងអស់ សូមយកចិត្តទុកដាក់ ជាពិសេសត្រូវគោរពពេលវេលាសិក្សាឱ្យបានខ្ជាប់ខ្ជួន និងចូលរួមសួរជាសំណួរឱ្យបានផុសផុល ដើម្បីទទួលបានចំណេះដឹងសម្រាប់ខ្លួនផ្ទាល់ ក៏ដូចជាសម្រាប់បម្រើដល់អង្គភាព ពីគ្រូឧទ្ទេស ដែលមានបទពិសោធកន្លងមក ដើម្បីយកទៅអនុវត្តការងារ ប្រកបដោយប្រសិទ្ធភាពខ្ពស់។

គួរបញ្ជាក់ថា វគ្គបណ្ដុះបណ្ដាលស្ដីពីនីតិវិធី នៃការអនុវត្តការងារផ្ទៃក្នុង ដល់បុគ្គលិកដែលចូលបម្រើការងារថ្មីនេះ ប្រព្រឹត្តទៅមានរយៈពេល ៥ ថ្ងៃ ដោយមានគ្រូឧទ្ទេសមកពីនាយកដ្ឋានជំនាញ នៃ ប.ស.ស. នៅសាលប្រជុំករុណា ស្នាក់ការកណ្ដាល ប.ស.ស រាជធានីភ្នំពេញ៕

អត្ថបទ ៖ សំអឿន

Related Topics:ប.ស.ស

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា