ព័ត៌មានជាតិ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
កាលពីព្រឹកថ្ងៃទី ២៩ ខែកញ្ញា ឆ្នាំ ២០២៤ នេះ គេសង្កេតឃើញថា ប្រជាពលរដ្ឋបាននាំគ្នាសម្រុកចាកចេញពីរាជធានីភ្នំពេញ ដើម្បីទៅស្រុកកំណើតជួបជុំឪពុកម្ដាយ បងប្អូន សាច់ញាតិ បណ្តើរៗ ហើយ នៅក្នុងឱកាសបុណ្យភ្ជុំបិណ្ឌ បន្ទាប់ពីត្រូវបានឈប់សម្រាកពីការងារ។
ចាប់តាំងពីល្ងាចថ្ងៃទី ២៨ ខែកញ្ញា ឆ្នាំ ២០២៤ ម្សិលមិញ ក្រុមហ៊ុន រោងចក្រ សហគ្រាសមួយចំនួន បានឈប់សម្រាកបណ្ដើរៗ ហើយ លុះនៅវេលាព្រឹកថ្ងៃទី ២៩ កញ្ញា នេះ ប្រជាពលរដ្ឋដែលឈប់សម្រាកមុនគេ បានធ្វើដំណើរចាកចេញពីរាជធានីភ្នំពេញ ទៅស្រុកកំណើត បណ្ដាលឲ្យតាមដងផ្លូវមួយចំនួនមានការកកស្ទះ ដោយមានយានយន្តរបស់ពលរដ្ឋធ្វើដំណើរចេញពីរាជធានីភ្នំពេញ ទៅតាមបណ្ដាខេត្តបណ្ដើរៗ យ៉ាងច្រើនកុះករ ដើម្បីត្រៀមជួបជុំបងប្អូន រៀបចំម្ហូបអាហារ ជូនភេសជ្ជៈ ថវិកាទុកជូនឪពុកម្ដាយ និង អ្នកមានគុណ នាថ្ងៃបុណ្យភ្ជុំធំខាងមុខនេះ។
គួរបញ្ជាក់ថា បុណ្យភ្ជុំបិណ្ឌ «ពិធីបុណ្យកាន់បិណ្ឌ ភ្ជុំបិណ្ឌ ជាបុណ្យប្រពៃណីព្រះពុទ្ធសាសនាដ៏សំខាន់របស់ពុទ្ធសាសនិកខ្មែរគ្រប់ៗ រូបដែលតែងតែប្រារព្ធធ្វើជារៀងរាល់ឆ្នាំ»។ ពិធីបុណ្យនេះ ប្រារព្ធឡើងដើម្បីកាន់បិណ្ឌ ជាពិធីដែលគេចាប់ធ្វើឡើងតាំងពីថ្ងៃ ១ រោច ដល់ថ្ងៃ ១៥ រោច ខែភទ្របទ ពិធីនេះធ្វើឡើងចំនួន ១៥ ថ្ងៃ ដើម្បីឧទ្ទិសកុសលដល់បុព្វការីជនដែលធ្វើមរណកាលទៅ។
ក្រៅពីនេះ ក្នុងចន្លោះរយៈពេល ១៥ ថ្ងៃ នៃការដាក់បិណ្ឌ និង កាន់បិណ្ឌ រាល់ព្រឹកព្រលឹម ពុទ្ធបរិស័ទ តែងតែបាននាំយកនូវចង្ហាន់ដែលមានទាំងម្ហូបអាហារ នំចំណី ភេសជ្ជៈ បង្អែម និង បច្ច័យ យកទៅប្រគេនព្រះសង្ឃនៅតាមវត្តអារាម ដើម្បីឧទ្ទិសកុសលផលបុណ្យជូនដល់ញាតិកាទាំង ៧ សន្តាន ដោយប្រជាជនខ្មែរតែងជឿថា មគ្គផលដែលបានធ្វើ នឹងឧទ្ទិសដល់អ្នកដែលបានចែកឋានទៅ ដើម្បីបានកើតនៅក្នុងទីឋានណាមួយដែលល្អ៕
អត្ថបទ ៖ សំណាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ