ព័ត៌មានជាតិ

អភិបាលខេត្តកំពង់ចាម ចុះពិនិត្យនិងនាំយកសម្ភារៈការពារជំងឺកូវីដ១៩ ផ្ដល់ជូនអង្គភាពពន្ធនាគារខេត្ត

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

នាព្រឹកថ្ងៃទី១០ ខែមីនា ឆ្នាំ២០២១នេះ ឯកឧត្តម អ៊ុន ចាន់ដា អភិបាលនៃគណៈអភិបាល ខេត្តកំពង់ចាម អមដំណើរដោយ ឯកឧត្តម លោកជំទាវ ជាអភិបាលរងខេត្ត និងមន្ត្រីពាក់ព័ន្ធ អញ្ជើញចុះពិនិត្យ និងនាំអំណោយសម្ភារៈការពារជំងឺកូវីដ១៩ ផ្ដល់ជូនពន្ធនាគារថ្មីរបស់ខេត្តកំពង់ចាមដែលមានទីតាំង ស្ថិតនៅភូមិផ្កាយព្រឹក ឃុំមៀន ស្រុកព្រៃឈរ ខេត្តកំពង់ចាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានណែនាំដល់លោកប្រធានពន្ធនាគារខេត្ត ឲ្យបន្តយកចិត្តទុកដាក់ និងបង្កើនការប្រុងប្រយ័ត្នខ្ពស់ ដើម្បីបង្ការទប់ស្កាត់ការចម្លងជំងឺកូវីដ-១៩ ដល់មន្ត្រីអនុរក្សពន្ធនាគារ និងការនាំចូលការចម្លង ដល់ពិរុទ្ធជននៅក្នុងពន្ធនាគារផងដែរ ។ ក្រៅពីនោះ លោកប្រធានពន្ធនាគារត្រូវណែនាំដល់មន្ត្រីអនុរក្សពន្ធនាគារ និងអប់រំដល់ពិរុទ្ធជនឲ្យអនុវត្តយ៉ាងខ្ជាប់ខ្ជួននូវវិធានការអនាម័យ និងវិធានការការពារ តាមការណែនាំរបស់ក្រសួងសុខាភិបាល ដើម្បីបង្ការការចម្លងជំងឺកូវីដ-១៩ ។

ក្នុងឱកាសនៃការចុះពិនិត្យនោះដែរ ឯកឧត្តម អ៊ុន ចាន់ដា អភិបាលខេត្តបាននាំចូលនូវសម្ភារៈ ដើម្បីការពារទប់ស្កាត់ការចម្លងជំងឺកូវីដ-១៩ រួមមានម៉ាសចំនួន ២.០០០ម៉ាស និងអាល់កុលចំនួន ៣០០លីត្រ ជូនដល់អង្គភាពពន្ធនាគារខេត្ត ទុកសម្រាប់ប្រើប្រាស់ផងដែរ ។

ជាមួយគ្នានោះដែរ លោកឧត្តមអគារនុរក្សថ្នាក់លេខ២ ហ៊ុន ខី ប្រធានពន្ធធនាគារខេត្តកំពង់ចាមបានថ្លែងអំណរគុណដល់ឯកឧត្តម អភិបាលខេត្តកំពង់ចាម ដែលបានគិតគូរពីសុខទុក្ខមន្ត្រីជាពិសេស ពិរុទ្ធជនទាំងអស់ ដើម្បីការពារការឆ្លងរីករាលដាលជំងឺកូវីដ១៩ ខណៈពិភពលោកកំពុងមានព្រួយបារម្ភខ្លាំងនោះ ។

លោកប្រធានពន្ធធនាគារ បានសន្យាថា នឹងនាំយកម៉ាស់ និងទឹកអាល់កុលទាំងនេះ ទៅប្រើប្រាស់ ជាពិសេស ផ្ដល់ជូនមន្ត្រីកងកម្លាំង ដែលការពារ និងពិរុទ្ធជននៅតាមអគារនីមួយៗ ផងដែរ ។

គូររំលឹកផងដែរថា អគារពន្ធធនាគារថ្មីនេះ ត្រូវបានកសាងឡើង តាំងពីឆ្នាំ២០១៩ មកម្ល៉េះ ។ បច្ចុប្បន្ន សំណង់អគារទាំងមូល កំពុងបន្តការសាងសង់ នឹងសម្រេចការងារបានប្រមាណជា ៩០% ហើយ ៕

អត្ថបទ ៖ ហុង ម៉េងហៀ