ព័ត៌មានជាតិ
ព្រះអង្គម្ចាស់ ប្រេសិតពិសេសនៃអនុសញ្ញាហាមប្រើមីនប្រឆាំងមនុស្ស នឹងចូលរួមកិច្ចប្រជុំ«មីន»ដែលកម្ពុជាធ្វើជាម្ចាស់ផ្ទះ
តាងនាម សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០២៤ បានអញ្ជើញព្រះអង្គម្ចាស់ Mired Raad Zeid Al-Hussein ប្រេសិតពិសេសនៃអនុសញ្ញាហាមប្រាមការប្រើប្រាស់គ្រាប់មីនប្រឆាំងមនុស្ស ចូលរួមភ្ញៀវកិត្តិយសក្នុងកិច្ចប្រជុំកំពូលសៀមរាប-អង្គរ និងចូលរួមក្នុងព្រឹត្តិការណ៍សំខាន់ៗដទៃទៀតដែលកម្ពុជានឹងរៀបចំ នាខែវិច្ឆិកា ឆ្នាំ២០២៤ ខាងមុខ។

លោក លី ធុជ អញ្ជើញព្រះអង្គម្ចាស់ប្រេសិតពិសេស នៃអនុសញ្ញាហាមប្រមាបការប្រើប្រាស់គ្រាប់មីនប្រឆាំងមនុស្ស ដូច្នេះ ក្នុងជំនួប នៅក្រៅកិច្ចប្រជុំសហភាពអន្តរសភា (IPU) នាថ្ងៃទី១៤ ខែតុលា ឆ្នាំ២០២៤ នេះ ក្នុងទីក្រុងហ្សឺណែវ ប្រទេសស្វីស។
ជំនួបពិភាក្សាការងាររវាងលោក លី ធុជ ជាមួយព្រះអង្គម្ចាស់ Mired Raad Zeid Al-Hussein គឺបានផ្តោតសំខាន់លើវឌ្ឍនភាពនៃភាពជាប្រធានរបស់កម្ពុជា និងដំណើរឆ្ពោះធ្វើជាម្ចាស់ផ្ទះរៀបចំកិច្ចប្រជុំត្រួតពិនិត្យឡើងលើកទី៥ ឬកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន។

ជាការឆ្លើយតប ព្រះអង្គម្ចាស់ Mired Raad Zeid Al-Hussein បានសម្តែងនូវការអបអរសាទរចំពោះកិច្ចខិតខំប្រឹងប្រែងរបស់កម្ពុជា ក្នុងភាពជាប្រធានអនុសញ្ញាអូតាវ៉ាឆ្នាំ២០២៤ ហើយព្រះអង្គម្ចាស់ បានបញ្ជាក់ពីការចូលរួមក្នុងកិច្ចប្រជុំកំពូលសៀមរាប-អង្គរស្តីពីពិភពលោកដែលគ្មានមីន និងព្រឹត្តិការណ៍សំខាន់ៗផ្សេងទៀត ក្នុងខែវិច្ឆិកា ឆ្នាំ២០២៤ ផងដែរ។
គួរឱ្យដឹងថា នៅចុងខែវិច្ឆិកា ឆ្នាំ២០២៤ នេះ កម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន និងព្រឹត្តិការណ៍សំខាន់ផ្សេងទៀត នៅលើទឹកដីខេត្តសៀមរាប។

កិច្ចប្រជុំកំពូលសៀមរាប-អង្គរ នៅខែវិច្ឆិកា ឆ្នាំ២០២៤ នឹងមានរបៀបវារៈដូចជាការដើរជាក្បួនពីមុខប្រាសាទអង្គរវត្ត ការទស្សនកិច្ចនៅសារមន្ទីរសន្តិភាព សកម្មភាពមីន និងពិធីលៀងសាយភោជន៍ជូនប្រតិភូនៅមុខប្រាសាទបាយ័ន ទស្សនកិច្ចប្រាសាទអង្គរវត្ត និងកិច្ចប្រជុំពេញអង្គនិងការប្រជុំតាមព្រឹត្តិការណ៍អម រួមដោយការតាំងពិព័រណ៍នៅទីធ្លាខាងមុខសាលប្រជុំ៕

-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២៤ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា


