ព័ត៌មានជាតិ

អាជ្ញាធរខណ្ឌឫស្សីកែវ រៀបចំសណ្ដាប់ធ្នាប់មូលដ្ឋាន ដើម្បីបញ្ចៀសការកកស្ទះ

បានផុស

២ years មុន

នៅ

ថ្ងៃព្រហស្បតិ៍ ២៤ តុលា ២០២៤

ដោយ

កម្លាំងគណៈបញ្ជាការឯកភាពខណ្ឌឫស្សីកែវ ចុះរៀបចំសណ្ដាប់ធ្នាប់តាមដងផ្លូវក្នុងមូលដ្ឋាននៅចំណុចសំខាន់មួយចំនួនដែលតែងតែមានការកកស្ទះជាប្រចាំ និងដាក់កម្លាំងតាមគោលដៅជួយសម្រួលចរាចរណ៍ជូនប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយបានទទួលបទបញ្ជាពី លោក ជិន ប៊ុនធឿន អភិបាលខណ្ឌឫស្សីកែវ លោក នុត វី ប្រធានសណ្ដាប់ធ្នាប់ខណ្ឌ បានសហការជាមួយកម្លាំងសណ្ដាប់ធ្នាប់សង្កាត់ដែលមានជាប់ពាក់ព័ន្ធទីតាំងភូមិសាស្ត្រតែងកកស្ទះចរាចរណ៍ ដោយបានបន្តដឹកនាំកម្លាំងចុះរៀបចំសណ្ដាប់ធ្នាប់ របៀបរៀបរយ និងសម្រួលចរាចរណ៍ជូនដល់ប្រជាពលរដ្ឋធ្វើដំណើរតាមបណ្ដោយផ្លូវជាតិលេខ ៥ ត្រង់ចំណុចទីតាំង ៖ សង្កាត់ទួលសង្កែ១ ទីតាំងខាងមុខសាលាអន្តរជាតិប៊ែលធីផ្សាតូច ,ស្តុប ៦៨R ,សង្កាត់ឫស្សីកែវ ទីតាំងខាងមុខវិទ្យាល័យឫស្សីកែវ ,សង្កាត់គីឡូម៉ែត្រលេខ ៦ ទីតាំងខាងមុខរោងចក្រ ៣ ជាន់,សង្កាត់ច្រាំងចំរេះទី ១ ទីតាំងខាងមុខយឿត្រី ,សង្កាត់ច្រាំងចំរេះទី ២ ទីតាំងខាងមុខផ្សាច្រាំងចំរេះ។

កម្លាំងសណ្ដាប់ធ្នាប់ខណ្ឌ និងកម្លាំងសណ្ដាប់ធ្នាប់សង្កាត់ទាំង ៧ របស់មូលដ្ឋានខណ្ឌឫស្សីកែវ តែងតែបានចុះរៀបចំសណ្ដាប់ធ្នាប់ និងសម្របសម្រួលចរាចរណ៍ តាមបណ្ដាទីតាំងខាងលើជាប្រចាំដែលជាទីតាំងភូមិសាស្ត្រមានលំហូរចរាចរណ៍ច្រើន,មានរោងចក្រ,សាលារៀន ជាដើម ក្នុងគោលបំណងជួយសម្រួលឲ្យការធ្វើដំណើររបស់ប្រជាពលរដ្ឋតាមតម្រាយភូមិសាស្ត្រខាងលើមានភាពរលូន៕

អត្ថបទ ៖ ម៉េង