ព័ត៌មានជាតិ

ខេត្តព្រះសីហនុ មានអ្នកវិជ្ជមានកូវីដ-១៩សរុប១៣២នាក់ ក្នុងនោះជនជាតិចិន១១៦នាក់

បានផុស

៥ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

so pon

លោក ឃាង ភារម្យ អ្នកនាំណាក្យរដ្ឋបាលខេត្តព្រះសីហនុបានប្រាប់កម្ពុជាថ្មីឲ្យដឹងថា គិតត្រឹមនៅថ្ងៃទី១០ ខែមីនា ឆ្នាំ២០២១ នៅខេត្តព្រះសីហនុ មានអ្នកវិជ្ជមានកូវីដ-១៩ សរុបចំនួន១៣២ នាក់ ក្នុងនោះមានស្ត្រីចំនួន៥៣ នាក់ និងមានជនជាតិចិនសរុបចំនួន១១៦នាក់ ស្ត្រី៤៣នាក់ ហើយជនជាតិវៀតណាមចំនួន៦នាក់ និងខ្មែរចំនួន១០នាក់ ស្រី៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ឃាង ភារម្យ មកដល់ពេលនេះ នៅខេត្តព្រះសីហនុ មានអ្នកជាសះស្បើយសរុបចំនួន១១នាក់ ស្រី៥នាក់ ក្នុងនោះបុរសជនជាតិខ្មែរ១នាក់ ជនជាតិចិនចំនួន៩នាក់ ស្រី៤នាក់ និងស្ត្រីជនជាតិវៀតណាម១នាក់ ហើយអ្នកជំងឺទាំងអស់បានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្ត (ពេទ្យចំការចេក) និង កន្លែង ព្យាបាល សាកាណា (Sakana) ។

លោក ឃាង ភារម្យ បានឲ្យដឹងដែរថា គិតត្រឹមនៅថ្ងៃទី១០ ខែមីនា ឆ្នាំ២០២១ នៅខេត្តព្រះសីហនុ យកសំណាកតាមគោលដៅ HOTSPOT បានចំនួន១០៨២៥ នាក់ (ស្រីចំនួន៤៦២៨នាក់)។ ជាមួយគ្នានោះ អាជ្ញាធរបានចុះធ្វើកិច្ចសន្យាជាមួយម្ចាស់ ឬអ្នកគ្រប់គ្រងទីតាំងអាជីវកម្មសេវាកម្មគ្រប់ប្រភេទសរុបបានចំនួន១២៨១កន្លែង និងបានបានបន្តដាក់គោលដៅត្រួតពិនិត្យ និងទប់ស្កាត់រថយន្តចេញ-ចូលខេត្ត ចំនួន៤កន្លែង។
សំរាប់យុទ្ធនាការចាក់វ៉ាក់សាំង អ្នកនាំណាក្យរដ្ឋបាលខេត្តព្រះសីហនុ លោក ឃាង ភារម្យ បានបញ្ជាក់ថា មកដល់ពេលនេះ ការចាក់វ៉ាក់សាំងបង្ការជំងឺកូវីដ-១៩ បានចំនួន៣៣៩៩ នាក់ ស្រី៨៣១ នាក់៕

អត្ថបទ ៖ កោះកែវ