ព័ត៌មានជាតិ

ចុះផ្អាក បណ្តាក្លឹបកម្សាន្ដ និងខារ៉ាអូខេ កន្លែងម៉ាស្ស ក្នុងក្រុងសិរីសោភ័ណ

បានផុស

៥ years មុន

នៅ

ថ្ងៃសុក្រ ១២ មីនា ២០២១

ដោយ

គណៈបញ្ជាការឯកភាព ក្រុងសិរីសោភ័ណ បានចុះធ្វើការផ្អាក KTV ក្លឹបកម្សាន្ត បៀរហ្កាឌិន និង បណ្តាក្លឹបកម្សាន្ត កន្លែងម៉ាស្សា ត្រូវបានកម្លាំងចម្រុះចុះបិទជាបណ្តោះអាសន្ន ដើម្បីចូលរួមចំណែកទប់ស្កាត់ជាមួយរាជរដ្ឋាភិបាល ពេលដែលមេរោគកូវីដ-១៩ កំពុងរីករាលដាលមកដល់ខេត្តបន្ទាយមានជ័យ កាលពីយប់ថ្ងៃទី១១ ខែមីនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ឹល រ៉ាយ៉ា បានប្រាប់ឲ្យដឹងថា លោកបានដឹកនាំកម្លាំងចម្រុះបន្តធ្វើការចុះត្រួតពិនិត្យ និងជំរុញការអនុវត្តគោលការណ៍ណែនាំរបស់រាជរដ្ឋាភិបាល និងវិធានសុវត្ថិភាព សម្រាប់អាជីវកម្មសេវាកម្មទូទាំងក្រុងសិរីសោភ័ណ ដើម្បីទប់ស្កាត់ការរីករាលដាលនៃជំងឺកូវីដ១៩ ចូលក្នុងសហគមន៍ និងសេចក្តីជូនដំណឹងរបស់រដ្ឋបាលខេត្ត ស្តីពីការផ្អាកដំណើរការអាជីវកម្មក្លឹបកម្សាន្ត។

ក្នុងការចុះត្រួតពិនិត្យនោះក្រុមការងារ ក៏បានណែនាំឲ្យរាល់អាជីវកម្មអាហារដ្ឋាន ភោជនីយដ្ឋាន ដែលមានតន្រី្តចាក់កំដរមេត្តាធ្វើការផ្អាកសកម្មភាពមានភ្លេងកំដរ ក្នុងដំណើរអាជីវកម្មរបស់ខ្លួនចាប់ពីពេលនេះតទៅសិន ហើយចំពោះអាជីវកម្មម៉ាស្សាតាមផ្ទះល្វែង ក្រុមការងារបានស្នើឲ្យម្ចាស់អាជីវកម្មធ្វើការផ្អាកប្រកបអាជីវកម្មជាបណ្តោះអាសន្នផងដែរ ដើម្បីបង្ការនិងទប់ស្កាត់នូវជំងឺដ៏កាចសាហាវនៅក្នុងសហគមន៍នេះផងដែរ៕

អត្ថបទ៖ វ៉ាន់ ណាង

សូមចុចអាន៖ រដ្ឋបាលខេត្តតាកែវ ណែនាំ ស្ថាប័នពាក់ព័ន្ធបន្តអនុវត្ត សេចក្ដីណែនាំរបស់ក្រសួងសុខាភិបាល និងប្រសាសន៍ សម្តេច តេជោឲ្យបានម៉ឺងម៉ាត់