ព័ត៌មានជាតិ

អ្នកកំពុងធ្វើចត្តាឡីស័កនៅខេត្តកំពង់ចាមកំពុងមានការមើលថែពីអាជ្ញាធរ

បានផុស

៥ years មុន

នៅ

ថ្ងៃសុក្រ ១២ មីនា ២០២១

ដោយ

អភិបាលខេត្តកំពង់ចាម នៅតែបន្តចុះផ្សព្វផ្សាយ និងអំពាវនាវដល់ពលរដ្ឋដែលកំពុងចត្តាឡឺស័ក នៅតាមមណ្ឌលចត្តាឡឺស័ក ក្នុងខេត្តកំពង់ចាម ឲ្យបង្កើនការការពារ និងទប់ស្កាត់ការឆ្លងរីករាលដាលជំងឺកូវីដ១៩ តាមសហគមន៍ ខណៈមានព្រឹត្តិការណ៍២០កុម្ភៈកើតឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី១២ ខែមីនា ឆ្នាំ២០២១ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានដឹកនាំមន្ត្រីជំនាញ ជាពិសេសក្រុមគ្រូពេទ្យជួរមុខ ចុះពិនិត្យមណ្ឌលចត្តាឡីស័ក និងសួរសុខទុក្ខអ្នកកំពុងធ្វើចត្តាឡីស័កនៅមជ្ឈមណ្ឌលគរុកោសល្យភូមិភាគកំពង់ចាម ដើម្បីឲ្យបងប្អូនចូលរួមសហការជាមួយអាជ្ញាធរ ក្រុមគ្រូពេទ្យក្នុងការទប់ស្កាត់ និងប្រយុទ្ធប្រឆាំងនឹងជំងឺកូវីដ-១៩ ដែលកំពុងរីករាលដាលពេញសកលលោក។ រដ្ឋបាលខេត្តកំពង់ចាម បានរៀបចំទីតាំងមណ្ឌលចត្តាឡីស័ក កម្រិត២របស់រដ្ឋបាលខេត្ត មានចំនួន ០២ទីតាំង ក្នុងក្រុងកំពង់ចាមក្នុងនោះ នៅសណ្ឋាគារមេគង្គ មាន៧១បន្ទប់ស្មើនឹង១៤២គ្រែ និងនៅមជ្ឈមណ្ឌលគរុកោសល្យភូមិភាគកំពង់ចាម មាន០៣អាគារ មាន៨៩បន្ទប់ ស្មើនឹង៤៤៣គ្រែ។ ដោយមានការផ្គត់ផ្គង់នូវម្ហូបអាហារ ថ្នាំសង្កូវជាប្រចាំការជានិច្ចតាមមណ្ឌលចត្តាឡឺស័ក។

ឯកឧត្តម អភិបាលខេត្ត បានអំពាវនាវដល់បងប្អូនប្រជាពលរដ្ឋ ចំណូលស្រុកមកពីប្រទេសថៃ ដែលបានយកមកធ្វើចត្តាឡីស័កធ្វើយ៉ាងណាតាមដានសុខភាពជាប្រចាំ និងត្រូវរាយការណ៍មកសមត្ថកិច្ច និងក្រុមគ្រូពេទ្យដែលប្រចាំការនៅទីនោះ ខណៈដែលមានការរកឃើញអ្នកវិជ្ជមានកូវីដ១៩ជាបន្តបន្ទាប់។

ឯកឧត្តម អភិបាលខេត្តកំពង់ចាម បានបន្ថែមទៀតថា សូមស្នើសុំដល់បងប្អូនប្រជាពលរដ្ឋត្រូវអនុវត្តតាមសេចក្តីណែនាំរបស់ក្រសួងសុខាភិបាលបានចាំបាច់ត្រូវរក្សាសុខភាពរបស់ខ្លួន និងចូលរួមអនុវត្តរស់នៅតាមគន្លងថ្មី ដោយអនាម័យទៅតាមក្រសួងសុខាភិបាល គឺចាំបាច់បំផុតត្រូវតែបន្តអនុវត្តជាប្រចាំ ជាពិសេសអនុវត្តតាម វិធាន៣កុំ និង៣ការពារ របស់រាជរដ្ឋាភិបាល៕

អត្ថបទ ៖ ហុង ម៉េងហៀ